Fjalët e urta 8 | ALB Bible Study

« Fjalët e urta 7

Fjalët e urta 9 »

Fjalët e urta 8:1 (ALB)
A nuk bërtet vallë dituria dhe maturia a nuk e bën zërin e saj të dëgjohet?

Fjalët e urta 8:2 (ALB)
Ajo qëndron në këmbë mbi majën e lartësive, gjatë rrugës, në kryqëzimet e rrugëve;

Fjalët e urta 8:3 (ALB)
bërtet pranë portave, në hyrje të qyteteve, në prag të dyerve;

Fjalët e urta 8:4 (ALB)
"Ju drejtohem juve, o njerëz dhe zëri im u drejtohet bijve të njeriut.

Fjalët e urta 8:5 (ALB)
Kuptoni, o njerëz të thjeshtë, maturinë, dhe ju, njerëz pa mend, kini një zemër të urtë.

Fjalët e urta 8:6 (ALB)
Më dëgjoni, sepse do të flas për gjëra të rëndësishme dhe buzët e mia do të hapen për të thënë gjëra të drejta.

Fjalët e urta 8:7 (ALB)
Sepse goja ime do të shpallë të vërtetën; pabesia është e neveritshme për buzët e mia.

Fjalët e urta 8:8 (ALB)
Të gjitha fjalët e gojës sime janë të drejta, në to nuk ka asgjë të shtrembër dhe të çoroditur.

Fjalët e urta 8:9 (ALB)
Janë të gjitha të drejta për atë që ka mend dhe për ata që kanë gjetur dijen.

Fjalët e urta 8:10 (ALB)
Pranoni mësimin tim dhe jo argjendin, dijen në vend të arit të zgjedhur,

Fjalët e urta 8:11 (ALB)
sepse dituria vlen më tepër se margaritarët, të gjitha gjërat që dikush mund dikush të dëshiroje nuk barazohen me të.

Fjalët e urta 8:12 (ALB)
Unë, dituria, rri me maturinë dhe e gjej dijen në meditim.

Fjalët e urta 8:13 (ALB)
Frika e Zotit është të urresh të keqen; unë e urrej kryelartësinë, arrogancën, rrugën e keqe dhe gojën e çoroditur.

Fjalët e urta 8:14 (ALB)
Mua më takon mendimi dhe dituria e vërtetë; unë jam zgjuarsia, mua më përket forca.

Fjalët e urta 8:15 (ALB)
Nëpërmjet meje mbretërojnë mbretërit dhe princat vendosin drejtësinë.

Fjalët e urta 8:16 (ALB)
Nëpërmjet meje qeverisin krerët, fisnikët, tërë gjykatësit e tokës.

Fjalët e urta 8:17 (ALB)
Unë i dua ata që më duan, dhe ata që më kërkojnë me kujdes më gjejnë.

Fjalët e urta 8:18 (ALB)
Me mua janë pasuria dhe lavdia, pasuria që zgjat dhe drejtësia.

Fjalët e urta 8:19 (ALB)
Fryti im është më i mirë se ari, po, se ari i kulluar, dhe prodhimi im më tepër se argjendi i zgjedhur.

Fjalët e urta 8:20 (ALB)
Unë eci në rrugën e drejtësisë, në mes të shtigjeve të drejtësisë,

Fjalët e urta 8:21 (ALB)
për t’i bërë ata që më duan të trashëgojnë pasurinë e vërtetë dhe për të mbushur thesaret e tyre.

Fjalët e urta 8:22 (ALB)
Zoti më zotëroi në fillim të rrugës së tij, përpara veprave të tij më të lashta.

Fjalët e urta 8:23 (ALB)
U vendosa nga amshimi, që në krye, para se toka të ekzistonte.

Fjalët e urta 8:24 (ALB)
Më prodhuan kur nuk kishte ende humnera, kur nuk kishte burime me ujë të bollshëm.

Fjalët e urta 8:25 (ALB)
Më prodhuan para se themelet e maleve të ishin përforcuar, para kodrinave,

Fjalët e urta 8:26 (ALB)
kur nuk kishte sajuar ende as tokën, as fushat dhe as plisat e para të dheut.

Fjalët e urta 8:27 (ALB)
Kur ai fiksonte qiejtë, unë isha aty; kur bënte një rreth mbi sipërfaqen e humnerës,

Fjalët e urta 8:28 (ALB)
kur i bënte të qëndrueshëm qiejtë e epërm, kur përforconte burimet e humnerës,

Fjalët e urta 8:29 (ALB)
kur i caktonte detit caqet e tij në mënyrë që ujërat të mos kalonin përtej urdhërit të tij, kur vendoste themelet e dheut,

Fjalët e urta 8:30 (ALB)
unë isha pranë tij si një arkitekt, isha çdo ditë kënaqësia e tij, duke u gëzuar çdo çast para tij;

Fjalët e urta 8:31 (ALB)
kënaqesha në pjesën e banueshme të botës dhe gjeja ëndjen time me bijtë e njerëzve.

Fjalët e urta 8:32 (ALB)
Tani, pra, më dëgjoni, o bij; lum ata që ndjekin rrugët e mia!

Fjalët e urta 8:33 (ALB)
Dëgjoni këto mësime, tregohuni të urtë dhe mos i hidhni poshtë!

Fjalët e urta 8:34 (ALB)
Lum ai njeri që më dëgjon, duke u gdhirë çdo ditë te portat e mia dhe duke ruajtur shtalkat e portave të mia.

Fjalët e urta 8:35 (ALB)
Sepse ai që më gjen, gjen jetën, dhe siguron përkrahjen e Zotit.

Fjalët e urta 8:36 (ALB)
Por ai që mëkaton kundër meje, i bën të keqe vetvetes; të gjithë ata që më urrejnë duan vdekjen".

Previous Chapter
« Fjalët e urta 7

Next Chapter
Fjalët e urta 9 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

ALB Book Selection List

View full list of ALB Bible Books and Chapters