Fjalët e urta 19 | ALB Bible Study

Fjalët e urta 19:1 (ALB)
Éshtë më i mirë një i varfër që ecën në ndershmërinë e tij se sa ndonjë që është i çoroditur nga buzët dhe që është budalla.

Fjalët e urta 19:2 (ALB)
Përveç kësaj nuk është mirë që një shpirt të jetë pa dije; kush ecën me hapa të shpejta gabon rrugë.

Fjalët e urta 19:3 (ALB)
Budallallëku i njeriut e bën rrugën e tij të rrëshqitshme dhe zemra e tij pezmatohet kundër Zotit.

Fjalët e urta 19:4 (ALB)
Pasuritë sigurojnë një numër të madh miqsh, por i varfëri ndahet nga vet miku i tij.

Fjalët e urta 19:5 (ALB)
Dëshmitari i rremë nuk do të mbetet pa u ndëshkuar dhe ai që thotë gënjeshtra nuk do të ketë shpëtim.

Fjalët e urta 19:6 (ALB)
Të shumtë janë ata që kërkojnë favorin e princit dhe të gjithë janë miq të atij që bën dhurata.

Fjalët e urta 19:7 (ALB)
Të gjithë vëllezërit e të varfërit e urrejnë atë, aq më tepër largohen prej tij miqtë e vet. Ai mund t’u shkojë pas me fjalë, por ata nuk gjenden më.

Fjalët e urta 19:8 (ALB)
Kush fiton mënçuri do vetë jetën e tij dhe ai që mbetet i matur do të gjejë të mirën.

Fjalët e urta 19:9 (ALB)
Dëshmitari i rremë nuk do të mbetet pa u ndëshkuar, dhe ai që thotë gënjeshtra do të humbasë.

Fjalët e urta 19:10 (ALB)
Të jetuarit në kënaqësi nuk i shkon budallait, dhe aq më pak një shërbëtori të sundojë mbi princat.

Fjalët e urta 19:11 (ALB)
Mënçuria e bën njeriun të mos rrëmbehet shpejt nga zemërimi dhe është në lavdinë e tij t’i kapërcejë fyerjet.

Fjalët e urta 19:12 (ALB)
Zemërimi i mbretit është si ulërima e një luani, por favori i tij është si vesa mbi bar.

Fjalët e urta 19:13 (ALB)
Një bir budalla është një fatkeqësi për të atin, dhe grindjet e vazhdueshme të bashkëshortes së tij janë si një e pikuar e vazhdueshme.

Fjalët e urta 19:14 (ALB)
Shtëpia dhe pasuritë janë trashëgimi nga etërit, por një bashkëshorte e mënçur vjen nga Zoti.

Fjalët e urta 19:15 (ALB)
Përtacia të bën të biesh në një gjumë të thellë dhe njeriu i plogët do të vuajë nga uria.

Fjalët e urta 19:16 (ALB)
Kush respekton urdhërimin ruan jetën e tij, por ai që lë pas dore sjelljen e tij ka për të vdekur.

Fjalët e urta 19:17 (ALB)
Ai që ka mëshirë për të varfërin i jep hua Zotit, i cili do t’ia kthejë ato që i ka dhënë.

Fjalët e urta 19:18 (ALB)
Ndëshko birin tënd sa ka shpresë, por mos u shty deri sa të shkaktosh vdekjen e tij.

Fjalët e urta 19:19 (ALB)
Njeriu shumë gjaknxehtë duhet të ndëshkohet si pasojë e kësaj, sepse po nuk u ndëshkua, ai do të bëhet edhe më tepër gjaknxehtë.

Fjalët e urta 19:20 (ALB)
Dëgjo këshillën dhe prano mësimet, që ti të bëhesh i urtë për kusurin e ditëve të tua.

Fjalët e urta 19:21 (ALB)
Ka shumë plane në zemrën e njeriut, por vetëm plani i Zotit do të mbetet i pandryshuar.

Fjalët e urta 19:22 (ALB)
Ajo që dëshiron njeriu është mirësia dhe një i varfër vlen më tepër se një gënjeshtar.

Fjalët e urta 19:23 (ALB)
Frika e Zotit të çon në jetë; kush e ka do të mbetet i ngopur dhe nuk do të preket nga asnjë e keqe.

Fjalët e urta 19:24 (ALB)
Përtaci e zhyt dorën e tij në pjatë, por nuk arrin as ta çojë në gojë.

Fjalët e urta 19:25 (ALB)
Godite tallësin dhe njeriu i thjeshtë do të bëhet mëndjehollë; qorto atë që ka mend dhe ai do të fitojë dituri.

Fjalët e urta 19:26 (ALB)
Kush përdor dhunë me të atin dhe dëbon nënen e tij, është një faqenxirë dhe me turp.

Fjalët e urta 19:27 (ALB)
Biri im, mos dëgjo më mësimet, dhe do të largohesh nga fjalët e diturisë.

Fjalët e urta 19:28 (ALB)
Dëshmitari i lig tallet me drejtësinë dhe goja e të pabesëve gëlltit padrejtësinë.

Fjalët e urta 19:29 (ALB)
Ndëshkimet janë përgatitur për tallësit dhe goditjet për kurrizin e budallenjve.

Previous Chapter
« Fjalët e urta 18

Next Chapter
Fjalët e urta 20 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

ALB Book Selection List

View full list of ALB Bible Books and Chapters