Fjalët e urta 1 | ALB Bible Study

« Psalmet 150

Fjalët e urta 2 »

Fjalët e urta 1:1 (ALB)
Fjalët e urta të Salomonit, birit të Davidit, mbret i Izraelit,

Fjalët e urta 1:2 (ALB)
për të njohur diturinë dhe për të mësuar gjykimet e mënçura;

Fjalët e urta 1:3 (ALB)
për të ditur si të veprosh me urti, me drejtësi, me gjykim dhe ndershmëri,

Fjalët e urta 1:4 (ALB)
për t’u dhënë shkathtësi njerëzve të thjeshtë, njohje dhe reflektim të riut.

Fjalët e urta 1:5 (ALB)
I urti do të dëgjojë dhe do të rritë diturinë e tij; njeriu i zgjuar do të përfitojë këshilla të urta,

Fjalët e urta 1:6 (ALB)
për të kuptuar një sentencë dhe një enigmë, fjalët e të urtëve dhe thëniet e tyre të errëta.

Fjalët e urta 1:7 (ALB)
Frika e Zotit është fillimi i njohjes; por njerëzit e pamend përçmojnë diturinë dhe arsimin.

Fjalët e urta 1:8 (ALB)
Dëgjo, o biri im, mësimet e atit tënd dhe mos i lër pas dore mësimet e nënes sate,

Fjalët e urta 1:9 (ALB)
sepse janë një nur që zbukuron kokën tënde dhe një stoli në qafën tënde.

Fjalët e urta 1:10 (ALB)
Biri im, në qoftë se mëkatarët duan të të mashtrojnë, mos prano,

Fjalët e urta 1:11 (ALB)
në qoftë se thonë: "Eja me ne; kemi ngritur një pritë për të derdhur gjak; i ngritëm gracka të pafajmit pa ndonjë shkak;

Fjalët e urta 1:12 (ALB)
le t’i kapërdimë të gjallë, ashtu si Sheoli, tërësisht si ata që zbresin në gropë;

Fjalët e urta 1:13 (ALB)
ne do të gjejmë lloj-lloj pasurish të çmueshme, do t’i mbushim shtëpitë tona me plaçka;

Fjalët e urta 1:14 (ALB)
ti do ta hedhësh në short pjesën tënde me ne, dhe të gjithë ne do të kemi një qese të vetme";

Fjalët e urta 1:15 (ALB)
biri im, mos shko me ta në po atë rrugë, ndale hapin nga shtegu i tyre,

Fjalët e urta 1:16 (ALB)
sepse këmbët e tyre turren drejt së keqes dhe ata nxitojnë të derdhin gjak.

Fjalët e urta 1:17 (ALB)
Shtrihet më kot rrjeta përpara çdo lloji zogjsh;

Fjalët e urta 1:18 (ALB)
por këta kurdisin prita kundër gjakut të vet dhe ngrenë kurthe kundër vetë jetës së tyre.

Fjalët e urta 1:19 (ALB)
Të tilla janë rrugët e çdo njeriu të etur për pasuri; ajo ia heq jetën atyre që e kanë.

Fjalët e urta 1:20 (ALB)
Dituria bërtet nëpër rrugë, zëri i saj dëgjohet nëpër sheshe;

Fjalët e urta 1:21 (ALB)
ajo thërret në vendet ku ka turma dhe ligjëron në hyrje të portave të qytetit;

Fjalët e urta 1:22 (ALB)
"Deri kur, o njerëz të thjeshtë, do t’ju pëlqejë thjeshtësia dhe tallësit do të kënaqen duke u tallur dhe budallenjtë do të urrejnë dijen?

Fjalët e urta 1:23 (ALB)
Ejani në vete nga qortimi im; ja, unë do të derdh mbi ju Frymën time dhe do t’ju bëj të njohura fjalët e mia.

Fjalët e urta 1:24 (ALB)
Sepse unë thirra dhe ju nuk keni dashur, shtriva dorën time dhe askush prej jush nuk i kushtoi vëmendje,

Fjalët e urta 1:25 (ALB)
përkundrazi hodhët poshtë të gjitha këshillat e mia dhe nuk pranuat ndreqjen time,

Fjalët e urta 1:26 (ALB)
edhe unë do të qesh me fatkeqësinë tuaj, do të tallem kur të vijë ajo që ju druani,

Fjalët e urta 1:27 (ALB)
kur ajo që druani të vijë si një furtunë, dhe fatkeqësia juaj të vijë si një stuhi, kur t’ju mbulojnë fatkeqësia dhe ankthi.

Fjalët e urta 1:28 (ALB)
Atëherë ata do të më thërrasin mua, por unë nuk do të përgjigjem; do të më kërkojnë me kujdes, por nuk do të më gjejnë.

Fjalët e urta 1:29 (ALB)
Sepse kanë urryer dijen dhe nuk kanë zgjedhur frikën e Zotit,

Fjalët e urta 1:30 (ALB)
nuk kanë dashur të pranojnë këshillën time dhe kanë përbuzur të gjitha qortimet e mia.

Fjalët e urta 1:31 (ALB)
Prandaj do të hanë frytin e sjelljes së tyre dhe do të ngopen me këshillat e tyre.

Fjalët e urta 1:32 (ALB)
Sepse përdalja e njerëzve të thjeshtë i vret dhe qetësia e rreme e budallenjve i zhduk;

Fjalët e urta 1:33 (ALB)
por ai që më dëgjon do të banojë një vend të sigurt, do të jetë me të vërtetë i qetë, pa frikë nga çfarëdo e keqe".

Previous Chapter
« Psalmet 150

Next Chapter
Fjalët e urta 2 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

ALB Book Selection List

View full list of ALB Bible Books and Chapters