Fjalët e urta 4 | ALB Bible Study

Fjalët e urta 4:1 (ALB)
Dëgjoni, o bij, mësimet e një ati dhe tregoni kujdes që të mësoni të gjykoni,

Fjalët e urta 4:2 (ALB)
sepse ju jap një doktrinë të mirë; mos braktisni ligjin tim.

Fjalët e urta 4:3 (ALB)
Kur isha ende fëmijë pranë atit tim, njomëzak dhe i dashur në sytë e nënes sime,

Fjalët e urta 4:4 (ALB)
ai më mësonte dhe më thoshte: "Zemra jote të kujtojë fjalët e mia; ruaji urdhërimet e mia dhe do të jetosh.

Fjalët e urta 4:5 (ALB)
Fito dituri, fito gjykim; mos i harro fjalët e gojës sime dhe mos u largo prej tyre;

Fjalët e urta 4:6 (ALB)
mos e braktis diturinë dhe ajo do të të mbrojë; duaje, sepse ajo do të të ndihmojë.

Fjalët e urta 4:7 (ALB)
Dituria është gjëja më e rëndësishme; prandaj fito diturinë. Edhe sikur të humbasësh ato që ke, fito diturinë.

Fjalët e urta 4:8 (ALB)
Përlëvdoje dhe ajo do të të lartësojë, ajo do të të japë lavdi, po qe se ti e përvehtëson.

Fjalët e urta 4:9 (ALB)
Ajo do të të vërë mbi kokën tënde një stoli prej nuri, do të të rrethojë me një kurorë lavdie".

Fjalët e urta 4:10 (ALB)
Dëgjo, biri im, pranoji fjalët e mia dhe vitet e jetës sate do të shumohen.

Fjalët e urta 4:11 (ALB)
Të kam mësuar në rrugën e diturisë, të kam udhëhequr nëpër shtigjet e ndershmërisë.

Fjalët e urta 4:12 (ALB)
Kur do të ecësh, hapat e tua nuk do të pengohen; kur do të vraposh, nuk do të pengohesh.

Fjalët e urta 4:13 (ALB)
Rroke mirë këtë mësim, mos e lër që të shkojë kot; ruaje, sepse ai është jeta jote.

Fjalët e urta 4:14 (ALB)
Mos hyr në shtegun e të pabesëve dhe mos ec në rrugën e njerëzve të këqij;

Fjalët e urta 4:15 (ALB)
evitoje atë, mos kalo nëpër të; largoju prej saj dhe shko tutje.

Fjalët e urta 4:16 (ALB)
Sepse ata nuk mund të flenë, po të mos kenë bërë të keqen; gjumi i tyre zhduket po të jetë se nuk kanë rrëzuar dikë;

Fjalët e urta 4:17 (ALB)
ata hanë bukën e paudhësisë dhe pinë verën e dhunës.

Fjalët e urta 4:18 (ALB)
Por shtegu i të drejtëve është si drita e agimit, që shkëlqen gjithnjë e më mirë deri sa të bëhet ditë e plotë.

Fjalët e urta 4:19 (ALB)
Rruga e të pabesëve është si terri; ata nuk shohin atë që do t’i rrëzojë.

Fjalët e urta 4:20 (ALB)
Biri im, trego kujdes për fjalët e mia, dëgjo thëniet e mia;

Fjalët e urta 4:21 (ALB)
mos u largofshin kurrë nga sytë e tu, ruaji në qendër të zemrës sate;

Fjalët e urta 4:22 (ALB)
sepse janë jetë për ata që i gjejnë, shërim për të gjithë trupin e tyre.

Fjalët e urta 4:23 (ALB)
Ruaje zemrën tënde me shumë kujdes, sepse nga ajo dalin burimet jetës.

Fjalët e urta 4:24 (ALB)
Hiq dorë nga e folura me hile dhe largo prej teje buzët e çoroditura.

Fjalët e urta 4:25 (ALB)
Sytë e tu le të shohin drejt dhe qepallat e tua të synojnë drejt para teje.

Fjalët e urta 4:26 (ALB)
Sheshoje shtegun e këmbëve të tua, dhe të gjitha rrugët e tua qofshin të caktuara mirë.

Fjalët e urta 4:27 (ALB)
Mos u shmang as në të djathtë as në të majtë; tërhiqe këmbën tënde nga e keqja.

Previous Chapter
« Fjalët e urta 3

Next Chapter
Fjalët e urta 5 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31