Fjalët e urta 6 | ALB Bible Study

Fjalët e urta 6:1 (ALB)
Biri im, në qoftë se je bërë garant për të afërmin tënd, në rast se ke dhënë dorën si garanci për një të huaj,

Fjalët e urta 6:2 (ALB)
je zënë në lakun e fjalëve të gojës sate, je zënë nga fjalët e gojës sate.

Fjalët e urta 6:3 (ALB)
Bëj këtë, pra, biri im, dhe shpengohu, sepse ke rënë në duart e të afërmit tënd. Shko, hidhu në këmbët e tij dhe ngul këmbë me të madhe te i afërmi yt.

Fjalët e urta 6:4 (ALB)
Mos u jep gjumë syve të tu as çlodhje qepallave të tua;

Fjalët e urta 6:5 (ALB)
çlirohu si gazela nga dora e gjahtarit, si zogu nga dora e atij që kap zogjtë.

Fjalët e urta 6:6 (ALB)
Shko te milingona, o përtac, vër re zakonet e saj dhe bëhu i urtë.

Fjalët e urta 6:7 (ALB)
Ajo nuk ka as kryetar, as mbikëqyrës, as zot;

Fjalët e urta 6:8 (ALB)
e gjen ushqimin në verë dhe mbledh zahirenë e saj gjatë korrjes.

Fjalët e urta 6:9 (ALB)
Deri kur, o përtac, do të rrish duke fjetur? Kur do të shkundesh nga gjumi yt?

Fjalët e urta 6:10 (ALB)
Të flesh pak, të dremitësh pak, të rrish me duar në ije për t’u çlodhur,

Fjalët e urta 6:11 (ALB)
kështu varfëria jote do të vijë si një vjedhës, dhe skamja jote si një njeri i armatosur.

Fjalët e urta 6:12 (ALB)
Njeriu pa vlerë, njeriu i keq, ecën me një gojë të çoroditur;

Fjalët e urta 6:13 (ALB)
luan syrin, flet me këmbët, bën shenja me gishta;

Fjalët e urta 6:14 (ALB)
ka ligësi në zemër, kurdis vazhdimisht të keqen dhe mbjell grindje.

Fjalët e urta 6:15 (ALB)
Prandaj shkatërrimi i tij do të vijë papritur, në një çast do të shkatërrohet pa rrugëdalje tjetër.

Fjalët e urta 6:16 (ALB)
Zoti i urren këto gjashtë gjëra, madje shtatë janë të neveritshme për të:

Fjalët e urta 6:17 (ALB)
sytë krenare, gjuha gënjeshtare, duart që derdhin gjak të pafajshëm,

Fjalët e urta 6:18 (ALB)
zemra që kurdis plane të këqija, këmbët që turren shpejt drejt së keqes,

Fjalët e urta 6:19 (ALB)
dëshmitari i rremë që thotë gënjeshtra dhe ai që shtie grindje midis vëllezërve.

Fjalët e urta 6:20 (ALB)
Biri im, ruaje urdhërimin e atit tënd dhe mos harro mësimet e nënës sate.

Fjalët e urta 6:21 (ALB)
Mbaji vazhdimisht të lidhura në zemrën tënde dhe fiksoji rreth qafës sate.

Fjalët e urta 6:22 (ALB)
Kur do të ecësh, do të të udhëheqin; kur të pushosh, do të të ruajnë; kur të zgjohesh, do të flasin me ty.

Fjalët e urta 6:23 (ALB)
Sepse urdhërimi është një llambë, mësimi një dritë, dhe ndreqjet e mësimit janë rruga e jetës,

Fjalët e urta 6:24 (ALB)
për të të mbrojtur nga gruaja e keqe, nga lajkat e gjuhës të gruas së huaj.

Fjalët e urta 6:25 (ALB)
Mos dëshiro në zemrën tënde bukurinë e saj dhe mos u rrëmbe nga qepallat e saj.

Fjalët e urta 6:26 (ALB)
Sepse për një prostitutë burri katandiset për një copë bukë, dhe gruaja e një tjetri gjuan shpirtin e vyer të një burri.

Fjalët e urta 6:27 (ALB)
A mund të mbajë burri një zjarr në gji të tij pa djegur rrobat e trupit?

Fjalët e urta 6:28 (ALB)
A mund të ecë burri mbi qymyr të ndezur pa djegur këmbët e tij?

Fjalët e urta 6:29 (ALB)
Në këtë gjendje është ai që shkon tek gruaja e një tjetri; kush e prek nuk do të mbetet pa u ndëshkuar.

Fjalët e urta 6:30 (ALB)
Nuk përçmohet hajduti që vjedh për të shuar urinë kur është i uritur;

Fjalët e urta 6:31 (ALB)
por në rast se kapet në faj, duhet të kthejë shtatëfishin, dhe të japë tërë pasurinë e shtëpisë së tij.

Fjalët e urta 6:32 (ALB)
Por ai që kryen një shkelje kurore me një grua është një njeri pa mend; ai që bën një gjë të tillë shkatërron jetën e tij.

Fjalët e urta 6:33 (ALB)
Do të gjejë plagë dhe përçmim, dhe turpi i tij nuk do t’i hiqet kurrë.

Fjalët e urta 6:34 (ALB)
sepse xhelozia e tërbon bashkëshortin, që do të jetë i pamëshirshëm ditën e hakmarrjes.

Fjalët e urta 6:35 (ALB)
Ai nuk do të pranojë asnjë shpërblim dhe nuk do të kënaqet, edhe sikur t’i bëjnë shumë dhurata.

Previous Chapter
« Fjalët e urta 5

Next Chapter
Fjalët e urta 7 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

ALB Book Selection List

View full list of ALB Bible Books and Chapters