Fjalët e urta 21 | ALB Bible Study

Fjalët e urta 21:1 (ALB)
Zemra e mbretit në duart e Zotit është si rrjedhat e ujit; atë e drejton ngado që do ai.

Fjalët e urta 21:2 (ALB)
Çdo rrugë e njeriut është e drejtë në sytë e tij, por Zoti i peshon zemrat.

Fjalët e urta 21:3 (ALB)
Të zbatosh drejtësinë dhe paanësinë është një gjë që i pëlqen Zotit më shumë se flijimi.

Fjalët e urta 21:4 (ALB)
Sytë krenarë dhe një zemër kryelartë, që janë llamba e të pabesëve, janë mëkat.

Fjalët e urta 21:5 (ALB)
Synimet e njeriut të kujdesshëm çojnë me siguri në bollëk, por ai që ngutet do të bjerë me siguri në varfëri.

Fjalët e urta 21:6 (ALB)
Të përftosh thesare me një gjuhë gënjeshtare është një kotësi kalimtare e atij që kërkon vdekjen.

Fjalët e urta 21:7 (ALB)
Dhuna e të pabesëve merr tutje, sepse ata nuk pranojnë të zbatojnë drejtësinë.

Fjalët e urta 21:8 (ALB)
Rruga e njeriut të fajshëm është dredha-dredha, por njeriu i drejtë vepron ndershmërisht.

Fjalët e urta 21:9 (ALB)
Éshtë më mirë të banosh mbi qoshen e një çatie se sa në një shtëpi bashkë me një grua grindavece.

Fjalët e urta 21:10 (ALB)
Shpirti i të pabesit dëshiron të keqen; as shoku i tij nuk gjen mëshirë në sytë e tij.

Fjalët e urta 21:11 (ALB)
Kur tallësi ndëshkohet, i thjeshti bëhet i urtë; por kur i urti mësohet ai fiton dije.

Fjalët e urta 21:12 (ALB)
I drejti vëren me kujdes shtëpinë e të pabesit dhe përmbys të pabesët, sepse janë të këqij.

Fjalët e urta 21:13 (ALB)
Kush mbyll veshin ndaj britmës së të varfërit, do të bërtasë edhe ai, por nuk do të ketë përgjigje.

Fjalët e urta 21:14 (ALB)
Një dhuratë që bëhet fshehtas e fashit zemërimin dhe një dhuratë që jepet nën dorë qetëson zemërimin e fortë.

Fjalët e urta 21:15 (ALB)
Të bësh atë që është e drejtë është një gëzim për të drejtin, por është një rrënim për ata që kryejnë paudhësi.

Fjalët e urta 21:16 (ALB)
Njeriu që largohet nga rruga e maturisë ka për të banuar në kuvendin e të vdekurve.

Fjalët e urta 21:17 (ALB)
Ai që i do qejfet do të jetë në varfëri, ai që e do verën dhe vajin nuk do të pasurohet.

Fjalët e urta 21:18 (ALB)
I pabesi do t’i shërbejë si shpërblim të drejtit; dhe i paudhi në vend të njerëzve të drejtë.

Fjalët e urta 21:19 (ALB)
Éshtë më mirë të banosh në një shkretëtirë se sa me një grua grindavece dhe ngacmuese.

Fjalët e urta 21:20 (ALB)
Në shtëpinë e të urtit ka një thesar të çmuar dhe vaj, por njeriu budalla i bën të gjitha rrush e kumbulla.

Fjalët e urta 21:21 (ALB)
Kush ndjek drejtësinë dhe dhembshurinë ka për të gjetur jetën, drejtësinë dhe lavdinë.

Fjalët e urta 21:22 (ALB)
I urti ngjitet në qytetin e njerëzve të fortë dhe rrëzon forcën në të cilën kishte besim.

Fjalët e urta 21:23 (ALB)
Kush ruan gojën dhe gjuhën e tij mbron jetën e tij nga fatkeqësitë.

Fjalët e urta 21:24 (ALB)
Emri i krenarit pa cipë është: "tallës"; ai çdo gjë e bën me një mburrje të tepruar.

Fjalët e urta 21:25 (ALB)
Dëshirat e përtacit e vrasin atë, sepse duart e tij nuk pranojnë të punojnë.

Fjalët e urta 21:26 (ALB)
Ai dëshiron me zjarr tërë ditën, por i drejti dhuron duke mos refuzuar kurrë.

Fjalët e urta 21:27 (ALB)
Flijimi i të pabesit është gjë e neveritshme, aq më tepër në rast se e ofron me qëllim të keq.

Fjalët e urta 21:28 (ALB)
Dëshmitari i rremë do të vdesë, por njeriu që e dëgjon do të mund të flasë gjithnjë.

Fjalët e urta 21:29 (ALB)
I pabesi e fortëson fytyrën e tij, por njeriu i drejtë e bën të qëndrueshme rrugën e tij.

Fjalët e urta 21:30 (ALB)
Nuk ka as dituri, as zgjuarësi dhe as këshillë kundër Zotit.

Fjalët e urta 21:31 (ALB)
Kali është gati për ditën e betejës, por fitorja i përket Zotit.

Previous Chapter
« Fjalët e urta 20

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31