Fjalët e urta 16 | ALB Bible Study

« Fjalët e urta 15

Fjalët e urta 17 »

Fjalët e urta 16:1 (ALB)
Prirjet e zemrës i përkasin njeriut, por përgjigja e gjuhës vjen nga Zoti.

Fjalët e urta 16:2 (ALB)
Të gjitha rrugët e njeriut janë të pastra në sytë e tij, por Zoti i peshon frymët.

Fjalët e urta 16:3 (ALB)
Besoja Zotit veprimet e tua dhe planet e tua do të realizohen.

Fjalët e urta 16:4 (ALB)
Zoti ka bërë çdo gjë për vete të tij, edhe të pabesin për ditën e fatkeqësisë.

Fjalët e urta 16:5 (ALB)
Ai që është zemërkrenar është i neveritshëm për Zotin; edhe sikur t’i shtrëngojë dorën një tjetri për besëlidhje, nuk ka për të mbetur pa u ndëshkuar.

Fjalët e urta 16:6 (ALB)
Me mirësinë dhe me të vërtetën padrejtësia shlyhet, dhe me frikën e Zotit njeriu largohet nga e keqja.

Fjalët e urta 16:7 (ALB)
Kur Zotit i pëlqejnë rrugët e një njeriu, ai bën që edhe armiqtë e tij të bëjnë paqe me të.

Fjalët e urta 16:8 (ALB)
Më mirë të kesh pak me drejtësi, se sa të ardhura të mëdha pa drejtësi.

Fjalët e urta 16:9 (ALB)
Zemra e njeriut programon rrugën e tij, por Zoti drejton hapat e tij.

Fjalët e urta 16:10 (ALB)
Mbi buzët e mbretit është një vendim hyjnor; gjatë gjykimit goja e tij nuk duhet të gabojë.

Fjalët e urta 16:11 (ALB)
Kandari dhe peshoret e sakta janë të Zotit, të gjitha gurët e peshës janë vepër e tij.

Fjalët e urta 16:12 (ALB)
Éshtë një gjë e neveritshme për mbretërit të bëjnë të keqen, sepse froni bëhet i qëndrueshëm me drejtësinë.

Fjalët e urta 16:13 (ALB)
Buzët e drejta u pëlqejnë mbretërve; ata e duan atë që flet drejt.

Fjalët e urta 16:14 (ALB)
Zemërimi i mbretit është si lajmëtari i vdekjes, por njeriu i urtë do ta qetësojë atë.

Fjalët e urta 16:15 (ALB)
Në dritën e fytyrës së mbretit ka jetë, dhe favori i tij është si reja e shiut të fundit.

Fjalët e urta 16:16 (ALB)
Éshtë më mirë të fitosh dituri se sa ar, dhe të fitosh mënçuri se sa argjend.

Fjalët e urta 16:17 (ALB)
Rruga kryesore e njerëzve të drejtë është të evitojnë të keqen; ai që do ta ruajë shpirtin e tij mbikqyr rrugën e tij.

Fjalët e urta 16:18 (ALB)
Përpara shkatërrimit vjen kryelartësia dhe përpara rrëzimit fryma krenare.

Fjalët e urta 16:19 (ALB)
Më mirë të kesh frymë të përulur me të mjerët se sa të ndash prenë me krenarët.

Fjalët e urta 16:20 (ALB)
Kush i kushton kujdes Fjalës do të gjejë të mirën, dhe kush i beson Zotit është i lumtur.

Fjalët e urta 16:21 (ALB)
I urti nga zemra do të quhet i matur, dhe ëmbëlsia e buzëve e shton diturinë.

Fjalët e urta 16:22 (ALB)
Mendja është një burim jete për atë që e zotëron, por budallallëku është dënimi i budallenjve.

Fjalët e urta 16:23 (ALB)
Zemra e të urtit e bën të mençur gojën e tij dhe e shton diturinë e buzëve të tij.

Fjalët e urta 16:24 (ALB)
Fjalët e ëmbla janë si një huall mjalti, ëmbëlsi për shpirtin dhe ilaç për kockat.

Fjalët e urta 16:25 (ALB)
Ka një rrugë që njeriut i duket e drejtë, por në fund ajo të nxjerr në udhët e vdekjes.

Fjalët e urta 16:26 (ALB)
Personi që lodhet, lodhet për veten e tij, sepse goja e tij e nxit.

Fjalët e urta 16:27 (ALB)
Njeriu i keq kurdis të keqen dhe mbi buzët e tij ka si një zjarr të ndezur.

Fjalët e urta 16:28 (ALB)
Njeriu i çoroditur mbjell grindje dhe ai që shpif përçan miqtë më të mirë.

Fjalët e urta 16:29 (ALB)
Njeriu i dhunës e josh shokun e vet dhe e çon nëpër një rrugë jo të mirë.

Fjalët e urta 16:30 (ALB)
Kush mbyll sytë për të kurdisur gjëra të këqija, kafshon buzët kur shkakton të keqen.

Fjalët e urta 16:31 (ALB)
Flokët e bardha janë një kurorë lavdie; atë e gjejmë në rrugën e drejtësisë.

Fjalët e urta 16:32 (ALB)
Kush nuk zemërohet shpejt vlen më tepër se një luftëtar i fortë, dhe ai që e urdhëron frymën e tij vlen më tepër se ai që mposht një qytet.

Fjalët e urta 16:33 (ALB)
Shorti hidhet që në barkun e nënës, por çdo veprim varet nga Zoti.

Previous Chapter
« Fjalët e urta 15

Next Chapter
Fjalët e urta 17 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

ALB Book Selection List

View full list of ALB Bible Books and Chapters