Fjalët e urta 14 | ALB Bible Study

Fjalët e urta 14:1 (ALB)
Gruaja e urtë ndërton shtëpinë e saj, por budallaqja e shkatërron me duart e veta.

Fjalët e urta 14:2 (ALB)
Kush ecën në drejtësinë e tij ka frikë nga Zoti, por ai që çoroditet në rrugët e tij e përçmon atë.

Fjalët e urta 14:3 (ALB)
Në gojën e budallait gjejmë farën e kryelartësisë, por të urtët e ruajnë gojën e tyre.

Fjalët e urta 14:4 (ALB)
Aty ku nuk ka qe grazhdi është bosh, por bollëku i korrjes qëndron në forcën e kaut.

Fjalët e urta 14:5 (ALB)
Dëshmitari i ndershëm nuk gënjen, por dëshmitari i rremë thotë gënjeshtra.

Fjalët e urta 14:6 (ALB)
Tallësi kërkon diturinë dhe nuk e gjen, por dija është një gjë e lehtë për atë që ka mend.

Fjalët e urta 14:7 (ALB)
Largohu nga njeriu budalla sepse nuk do të gjesh dituri mbi buzët e tij.

Fjalët e urta 14:8 (ALB)
Dituria e njeriut të matur qëndron në të dalluarit e rrugës së tij, por marrëzia e budallenjve është mashtrim.

Fjalët e urta 14:9 (ALB)
Budallenjtë qeshin me mëkatin, por midis njerëzve të drejtë është falja.

Fjalët e urta 14:10 (ALB)
Zemra njeh trishtimin e vet, por një i huaj nuk mund të marrë pjesë në gëzimin e saj.

Fjalët e urta 14:11 (ALB)
Shtëpia e të pabesëve do të shkatërrohet, por çadra e njerëzve të drejtë do të lulëzojë.

Fjalët e urta 14:12 (ALB)
Éshtë një rrugë që njeriut i duket e drejtë, por në fund ajo të nxjerr në rrugët e vdekjes.

Fjalët e urta 14:13 (ALB)
Edhe kur qesh, zemra mund të jetë e pikëlluar, dhe vetë gëzimi mund të përfundojë në vuajtje.

Fjalët e urta 14:14 (ALB)
Zemërpërdali do të ngopet me rrugët e tij, dhe njeriu i mirë do të ngopet me frytet e tij.

Fjalët e urta 14:15 (ALB)
Budallai i beson çdo fjale, por njeriu i matur tregon kujdes të veçantë për hapat e tij.

Fjalët e urta 14:16 (ALB)
Njeriu i urtë i trëmbet së keqes dhe largohet prej saj, por budallai zemërohet dhe është fodull.

Fjalët e urta 14:17 (ALB)
Ai që zemërohet me lehtësi kryen marrëzi dhe njeriu që ka qëllime të këqija është i urryer.

Fjalët e urta 14:18 (ALB)
Teveqelit e trashëgojnë budallallëkun, por njerëzit e matur kurorëzohen me dije.

Fjalët e urta 14:19 (ALB)
Njerëzit e këqij do të përkulen përpara njerëzve të mirë dhe të pabesët në portat e të drejtëve.

Fjalët e urta 14:20 (ALB)
Të varfërin e urren vetë miku i tij, por i pasuri ka shumë miklues.

Fjalët e urta 14:21 (ALB)
Kush përçmon të afërmin e vet, mëkaton, por ai që ka mëshirë për të varfërit është i lumtur.

Fjalët e urta 14:22 (ALB)
A nuk devijojnë, vallë nga rruga e drejtë ata që kurdisin të keqen? Por ata që mendojnë të mirën kanë për të gjetur mirësi dhe të vërtetën.

Fjalët e urta 14:23 (ALB)
Në çdo mundim ka një fitim, por fjalët e kota çojnë vetëm në varfëri.

Fjalët e urta 14:24 (ALB)
Kurora e njerëzve të urtë është pasuria e tyre, por marrëzia e budallenjve është marrëzi.

Fjalët e urta 14:25 (ALB)
Një dëshmitar që thotë të vërtetën shpëton jetën e njerëzve, por një dëshmitar i rremë thotë gënjeshtra.

Fjalët e urta 14:26 (ALB)
Në frikën e Zotit gjendet një siguri e madhe, dhe bijtë e tij do të kenë një vend strehimi.

Fjalët e urta 14:27 (ALB)
Frika e Zotit është një burim jete, që i shmang leqet e vdekjes.

Fjalët e urta 14:28 (ALB)
Lavdia e mbretit qëndron në turmën e popullit, por shkatërrimi i princit qëndron në mungesën e njerëzve.

Fjalët e urta 14:29 (ALB)
Kush është i ngadalshëm në zemërim është shumë i matur, por ai që rrëmbehet me lehtësi vë në dukje marrëzinë e tij.

Fjalët e urta 14:30 (ALB)
Një zemër e shëndoshë është jetë për trupin, por lakmia është krimbi brejtës i kockave.

Fjalët e urta 14:31 (ALB)
Kush shtyp të varfërin fyen rëndë atë që e ka bërë, por ai që ka mëshirë për nevojtarin e nderon atë.

Fjalët e urta 14:32 (ALB)
I pabesi përmbyset nga vetë ligësia e tij, por i drejti ka shpresë në vetë vdekjen e tij.

Fjalët e urta 14:33 (ALB)
Dituria prehet në zemrën e atij që ka mend, por ajo që është në zemrën e budallenjve merret vesh.

Fjalët e urta 14:34 (ALB)
Drejtësia e larton një komb, por mëkati është turpi i popujve.

Fjalët e urta 14:35 (ALB)
Dashamirësia e mbretit është për shërbëtorin që vepron me urtësi, por zemërimi i tij është kundër atij që sillet me paturpësi.

Previous Chapter
« Fjalët e urta 13

Next Chapter
Fjalët e urta 15 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

ALB Book Selection List

View full list of ALB Bible Books and Chapters