Fjalët e urta 2 | ALB Bible Study

Fjalët e urta 2:1 (ALB)
Biri im, në rast se pranon fjalët e mia dhe i quan thesar urdhërimet e mia,

Fjalët e urta 2:2 (ALB)
duke i vënë veshin diturisë dhe duke e prirur zemrën ndaj arsyes;

Fjalët e urta 2:3 (ALB)
po, në rast se kërkon me ngulm gjykimin dhe ngre zërin për të siguruar mirëkuptim,

Fjalët e urta 2:4 (ALB)
në rast se e kërkon si argjendin dhe fillon të rrëmosh si për një thesar të fshehur,

Fjalët e urta 2:5 (ALB)
atëherë do të ndjesh frikën e Zotit dhe ke për të gjetur kuptimin e Perëndisë.

Fjalët e urta 2:6 (ALB)
Sepse Zoti jep diturinë; nga goja e tij rrjedhin njohuria dhe arsyeja.

Fjalët e urta 2:7 (ALB)
Ai mban rezervë për njerëzit e drejtë një ndihmë të fuqishme, një mburojë për ata që ecin me ndershmëri

Fjalët e urta 2:8 (ALB)
për të mbrojtur shtigjet e drejtësisë dhe për të ruajtur rrugën e shenjtorëve të tij.

Fjalët e urta 2:9 (ALB)
Atëherë do të kuptosh drejtësinë, barazinë, ndershmërinë dhe tërë rrugët e së mirës.

Fjalët e urta 2:10 (ALB)
Kur dituria të të hyjë në zemër, edhe njohja do të jetë e këndshme për shpirtin tënd,

Fjalët e urta 2:11 (ALB)
të menduarit do të kujdeset për ty dhe gjykimi do të të mbrojë,

Fjalët e urta 2:12 (ALB)
për të të çliruar nga rruga e keqe, nga njerëzit që flasin për gjëra të këqija,

Fjalët e urta 2:13 (ALB)
nga ata që braktisin shtigjet e ndershmërisë për të ecur në rrugët e territ,

Fjalët e urta 2:14 (ALB)
që gëzohen kur bëjnë të keqen dhe ndjejnë kënaqësi në çoroditjet e njeriut të keq,

Fjalët e urta 2:15 (ALB)
shtigjet e të cilit janë të shtrembëra dhe rrugët dredha-dredha,

Fjalët e urta 2:16 (ALB)
për të të shpëtuar nga gruaja që ka shkelur kurorën, nga gruaja e huaj që përdor fjalë mikluese,

Fjalët e urta 2:17 (ALB)
që ka braktisur shokun e rinisë së saj dhe ka harruar marrëveshjen e lidhur me Perëndinë.

Fjalët e urta 2:18 (ALB)
Sepse shtëpia e saj zbret drejt vdekjes dhe shtigjet e saj drejt të vdekurve.

Fjalët e urta 2:19 (ALB)
Asnjë prej atyre që shkojnë tek ajo nuk kthehet, asnjë nuk i arrin shtigjet e jetës.

Fjalët e urta 2:20 (ALB)
Kështu do të mund të ecësh në rrugën e të mirëve dhe do të mbetesh në shtigjet e të drejtëve.

Fjalët e urta 2:21 (ALB)
Sepse njerëzit e drejtë do të banojnë tokën dhe ata të ndershëm do të qëndrojnë aty;

Fjalët e urta 2:22 (ALB)
por të pabesët do të shfarosen nga toka dhe shkelësit do të hiqen prej saj.

Previous Chapter
« Fjalët e urta 1

Next Chapter
Fjalët e urta 3 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31