Fjalët e urta 22 | ALB Bible Study

Fjalët e urta 22:1 (ALB)
Një nam i mirë është më i pëlqyeshëm se pasuritë e mëdha, dhe hiri është më i pëlqyeshëm se argjendi dhe ari.

Fjalët e urta 22:2 (ALB)
I pasuri dhe i varfëri kanë këtë të përbashkët: të dy i ka bërë Zoti.

Fjalët e urta 22:3 (ALB)
Njeriu i matur e shikon të keqen dhe fshihet; por njerëzit naivë shkojnë tutje dhe dënohen.

Fjalët e urta 22:4 (ALB)
Çmimi i përvujtërisë është frika e Zotit, pasuria, lavdia dhe jeta.

Fjalët e urta 22:5 (ALB)
Ferra dhe leqe gjenden në udhën e të çoroditurit; kush kujdeset për jetën e vet rri larg tyre.

Fjalët e urta 22:6 (ALB)
Mësoji fëmijës rrugën që duhet të ndjekë, dhe ai nuk do të largohet prej saj edhe kur të plaket.

Fjalët e urta 22:7 (ALB)
I pasuri sundon mbi të varfërit, dhe huamarrësi është skllav i huadhënësit.

Fjalët e urta 22:8 (ALB)
Kush mbjell padrejtësi ka për të korrur telashe dhe shufra e zemërimit të tij do të asgjesohet.

Fjalët e urta 22:9 (ALB)
Njeriu me sy dashamirës do të bekohet, sepse i jep bukë të varfërit.

Fjalët e urta 22:10 (ALB)
Përzëre tallësin dhe grindjet do të ikin bashkë me të; po, grindjet dhe fyerjet do të pushojnë.

Fjalët e urta 22:11 (ALB)
Kush e do pastërtinë e zemrës dhe ka hir mbi buzët do ta ketë shok mbretin.

Fjalët e urta 22:12 (ALB)
Sytë e Zotit ruajnë dijen, por ai i bën të kota fjalët e të pabesit.

Fjalët e urta 22:13 (ALB)
Përtaci thotë: "Jashtë ka një luan; do të vritem rrugës".

Fjalët e urta 22:14 (ALB)
Goja e gruas që shkel kurorën është një gropë e thellë; ai që ka zemëruar Zotin do të bjerë në të.

Fjalët e urta 22:15 (ALB)
Marrëzia lidhet me zemrën e fëmijës, por shufra e korrigjimit do ta largojë prej saj.

Fjalët e urta 22:16 (ALB)
Ai që shtyp të varfërin për t’u pasuruar dhe ai që i jep të pasurit, me siguri do të varfërohet.

Fjalët e urta 22:17 (ALB)
Vëru veshin dhe dëgjo fjalët e të urtëve, dhe jepja zemrën dijes sime.

Fjalët e urta 22:18 (ALB)
sepse për ty do të jetë e këndshme t’i ruash në intimitetin tënd dhe t’i kesh të gjitha gati mbi buzët e tua.

Fjalët e urta 22:19 (ALB)
Me qëllim që besimin tënd ta kesh te Zoti, sot të kam mësuar, po, pikërisht ty.

Fjalët e urta 22:20 (ALB)
A nuk të kam shkruar në të kaluarën aforizma që kanë të bëjnë me këshillimin dhe diturinë,

Fjalët e urta 22:21 (ALB)
në mënyrë që të njohësh sigurinë e fjalëve të së vërtetës, me qëllim që t’u përgjigjesh me fjalë të vërteta atyre që të dërgojnë?

Fjalët e urta 22:22 (ALB)
Mos e vidh të varfërin, sepse është i varfër, dhe mos e shtyp të mjerin te porta,

Fjalët e urta 22:23 (ALB)
sepse Zoti do të mbrojë çështjen e tyre dhe do t’u heqë jetën atyre që i kanë zhveshur.

Fjalët e urta 22:24 (ALB)
Mos lidh miqësi me njeriun zemërak dhe mos u shoqëro me njeriun idhnak,

Fjalët e urta 22:25 (ALB)
që të mos mësosh rrugët e tij dhe të mos gjesh një kurth për shpirtin tënd.

Fjalët e urta 22:26 (ALB)
Mos u bëj si ata që japin dorën si garanci, që bëhen garant për borxhet e të tjerëve.

Fjalët e urta 22:27 (ALB)
Në qoftë se nuk ke asgjë me se të paguash, pse duhet të të heqë shtratin poshtë vetes?

Fjalët e urta 22:28 (ALB)
Mos e luaj kufirin e vjetër, të vendosur nga etërit e tu.

Fjalët e urta 22:29 (ALB)
A ke parë një njeri të papërtueshëm në punën e tij? Ai do të paraqitet në prani të mbretit dhe nuk do të qëndrojë para njerëzve të humbur.

Previous Chapter
« Fjalët e urta 21

Next Chapter
Fjalët e urta 23 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

ALB Book Selection List

View full list of ALB Bible Books and Chapters