Fjalët e urta 31 | ALB Bible Study

Fjalët e urta 31:1 (ALB)
Fjalë të mbretit Lemuel, mesazhi profetik me të cilin e mësoi e ëma.

Fjalët e urta 31:2 (ALB)
Çfarë të të them, biri im? Çfarë të të them, biri i barkut tim? Çfarë të të them, bir i zotimeve të mia?

Fjalët e urta 31:3 (ALB)
Mos ua jep forcën tënde grave as jetën tënde asaj që shkatërron mbretërit.

Fjalët e urta 31:4 (ALB)
Nuk u shkon mbretërve, o Lemuel, nuk u shkon mbretërve të pinë verë as princave të dëshirojnë pije dehëse,

Fjalët e urta 31:5 (ALB)
sepse duke pirë të mos harrojnë ligjin dhe të mos shtrembërojnë të drejtën e të pikëlluarve.

Fjalët e urta 31:6 (ALB)
Jepini pije dehëse atij që është duke vdekur dhe verë atij që e ka zemrën të hidhëruar.

Fjalët e urta 31:7 (ALB)
Le të pijë për të harruar varfërinë e tij dhe për të mos kujtuar më hallet e tij.

Fjalët e urta 31:8 (ALB)
Hape gojën tënde në favor të memecit, në mbrojtje të të gjithë atyre që janë lënë pas dore.

Fjalët e urta 31:9 (ALB)
Hape gojën tënde, gjyko me drejtësi dhe mbro çështjen e të mjerit dhe të nevojtarit.

Fjalët e urta 31:10 (ALB)
Kush do të gjejë një grua të fortë dhe të virtytshme? Vlera e saj është shumë më e madhe nga ajo e margaritarëve.

Fjalët e urta 31:11 (ALB)
Zemra e burrit të saj ka besim tek ajo, dhe do të ketë gjithnjë fitime.

Fjalët e urta 31:12 (ALB)
Ajo i bën të mira dhe jo të keqe tërë ditët e jetës së saj.

Fjalët e urta 31:13 (ALB)
Gjen lesh dhe li dhe punon me gëzim me duart e veta.

Fjalët e urta 31:14 (ALB)
Ajo u përngjan anijeve të tregëtarëve: e sjell ushqimin e saj nga larg.

Fjalët e urta 31:15 (ALB)
Çohet që me natë për t’i ndarë ushqimin familjes së saj dhe për t’u dhënë urdhërat e nevojshme shërbëtoreve të saj.

Fjalët e urta 31:16 (ALB)
Ajo shikon një arë dhe e ble; me duart e saj mbjell një vresht.

Fjalët e urta 31:17 (ALB)
Ngjesh me forcë ijët dhe i bën më të fortë krahët e saj.

Fjalët e urta 31:18 (ALB)
E kupton që tregëtia e saj po shkon mbarë dhe llamba e saj e natës nuk i shuhet.

Fjalët e urta 31:19 (ALB)
Shtrin dorën mbi furkën, pëllëmbat e saj zënë boshtin.

Fjalët e urta 31:20 (ALB)
I shtrin dorën të varfërit dhe i jep dorën nevojtarit.

Fjalët e urta 31:21 (ALB)
Nuk i trembet borës për familjen e saj, sepse tërë ata të shtëpisë së vet kanë një veshje të dyfishtë.

Fjalët e urta 31:22 (ALB)
Bën për vete mbulesa si sixhade dhe rrobat e saj janë prej liri shumë të hollë dhe të purpurta.

Fjalët e urta 31:23 (ALB)
Burri i saj nderohet te porta, kur ulet bashkë me pleqtë e vendit.

Fjalët e urta 31:24 (ALB)
Përgatit rroba prej liri dhe i shet, i furnizon me breza tregtarët.

Fjalët e urta 31:25 (ALB)
Forca dhe nderi janë rrobat e saj dhe qesh për ditët që do të vijnë.

Fjalët e urta 31:26 (ALB)
Hap gojën e saj me dituri dhe mbi gjuhën e saj është ligji i mirësisë.

Fjalët e urta 31:27 (ALB)
Ajo mbikqyr si shkon shtëpia e vet dhe nuk ha bukën e përtacisë.

Fjalët e urta 31:28 (ALB)
Bijtë e saj ngrihen dhe e shpallin fatlume; edhe burri i saj e lëvdon duke thënë:

Fjalët e urta 31:29 (ALB)
"Shumë bija kanë bërë gjëra të mëdha, por ti i kalon të gjitha ato".

Fjalët e urta 31:30 (ALB)
Hiri është i rremë dhe bukuria është e kotë, por gruaja që ka frikë nga Zoti është ajo që do të lëvdohet.

Fjalët e urta 31:31 (ALB)
I jepni frytin e duarve të saj, dhe vet veprat e saj le ta lëvdojnë te portat.

Previous Chapter
« Fjalët e urta 30

Next Chapter
Predikuesi 1 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31