Fjalët e urta 7 | ALB Bible Study

Fjalët e urta 7:1 (ALB)
Biri im, ruaji fjalët e mia dhe urdhërimet e mia në veten tënde,

Fjalët e urta 7:2 (ALB)
Ruaji urdhërimet e mia dhe ke për të jetuar; ruaji mësimet e mia si bebja e syve të tu.

Fjalët e urta 7:3 (ALB)
Lidhi ndër gishta, shkruaji mbi tabelën e zemrës sate.

Fjalët e urta 7:4 (ALB)
Thuaji diturisë: "Ti je motra ime" dhe quaje "shok" gjykimin,

Fjalët e urta 7:5 (ALB)
me qëllim që të të ruajnë nga gruaja e tjetrit nga gruaja e huaj që përdor fjalë lajkatare.

Fjalët e urta 7:6 (ALB)
Nga dritarja e shtëpisë sime shikoja nëpër parmakët prej hekuri

Fjalët e urta 7:7 (ALB)
dhe pashë midis budallenjve; dallova midis të rinjve një djalë të ri që s’kishte gjykim,

Fjalët e urta 7:8 (ALB)
që kalonte nëpër rrugë pranë qoshes të gruas së huaj dhe drejtohej nga shtëpia e saj,

Fjalët e urta 7:9 (ALB)
në muzg, kur po ngryste dita, ndërsa zbriste nata e zezë dhe e errët.

Fjalët e urta 7:10 (ALB)
I doli para një grua e veshur si prostitutë dhe dinake;

Fjalët e urta 7:11 (ALB)
ajo është turbulluese dhe provokuese, dhe nuk di t’i mbajë këmbët në shtëpinë e saj;

Fjalët e urta 7:12 (ALB)
herë mbi rrugë, herë në sheshet qëndron në pritë në çdo qoshe.

Fjalët e urta 7:13 (ALB)
Kështu e zuri dhe e puthi, pastaj me paturpësi tha:

Fjalët e urta 7:14 (ALB)
"Duhet të bëja flijimet e falenderimit; pikërisht sot i plotësova zotimet e mia;

Fjalët e urta 7:15 (ALB)
prandaj të dola para që të të kërkoj dhe të gjeta.

Fjalët e urta 7:16 (ALB)
E zbukurova shtratin tim me një mbulesë si sixhade, me li të ngjyrosur nga Egjipti;

Fjalët e urta 7:17 (ALB)
e parfumova shtratin tim me mirrë, me aloe dhe me kanellë.

Fjalët e urta 7:18 (ALB)
Eja, të dehemi me dashuri deri në mëngjes, të kënaqemi në qejfe dashurie,

Fjalët e urta 7:19 (ALB)
sepse burri im nuk është në shtëpi, por ka shkuar në një udhëtim të gjatë;

Fjalët e urta 7:20 (ALB)
ka marrë me vete një thes të vogël me pare dhe do të kthehet në shtëpi vetëm kur të jetë hëna e plotë".

Fjalët e urta 7:21 (ALB)
Ajo e mashtroi me fjalë bindëse, e tërhoqi me ëmbëlsinë e buzëve të saj.

Fjalët e urta 7:22 (ALB)
Ai e ndoqi pa mëdyshje, si një ka që shkon në thertore, si një i lidhur në dënimin e budallait,

Fjalët e urta 7:23 (ALB)
deri sa një shigjetë nuk i shpon mëlçinë; ai nxiton si një zog, pa ditur që një lak është ngritur kundër jetës së tij.

Fjalët e urta 7:24 (ALB)
Prandaj, bij të mi, më dëgjoni, kushtojuni kujdes fjalëve të gojës sime.

Fjalët e urta 7:25 (ALB)
Zemra jote të mos shkojë pas rrugëve të saj, mos devijo nëpër shtigjet e saj,

Fjalët e urta 7:26 (ALB)
sepse ka rrëzuar shumë të plagosur për vdekje, dhe tërë ata që ajo ka vrarë ishin burra të fortë.

Fjalët e urta 7:27 (ALB)
Shtëpia e saj është rruga e Sheolit që zbret në thellësitë e vdekjes.

Previous Chapter
« Fjalët e urta 6

Next Chapter
Fjalët e urta 8 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31