Fjalët e urta 13 | ALB Bible Study

Fjalët e urta 13:1 (ALB)
Një bir i urtë dëgjon mësimet e atit të vet, por tallësi nuk e dëgjon qortimin.

Fjalët e urta 13:2 (ALB)
Nga fryti i gojës së tij njeriu do të hajë atë që është e mirë, por shpirti i të pabesëve do të ushqehet me dhunë.

Fjalët e urta 13:3 (ALB)
Kush kontrollon gojën e tij mbron jetën e vet, por ai që i hap shumë buzët e tij shkon drejt shkatërrimit.

Fjalët e urta 13:4 (ALB)
Shpirti i përtacit dëshiron dhe nuk ka asgjë, por shpirti i atyre që janë të kujdesshëm do të kënaqet plotësisht.

Fjalët e urta 13:5 (ALB)
I drejti e urren gënjeshtrën, por i pabesi është i neveritshëm dhe do të turpërohet.

Fjalët e urta 13:6 (ALB)
Drejtësia ruan atë që ndjek një rrugë të ndershme, por pabesia e rrëzon mëkatarin.

Fjalët e urta 13:7 (ALB)
Ka nga ata që sillen si një i pasur, por nuk kanë asgjë; përkundrazi ka nga ata që sillen si një i varfër, por kanë shumë pasuri.

Fjalët e urta 13:8 (ALB)
Pasuritë e një njeriu shërbejnë për të shpërblyer jetën e tij, por i varfëri nuk ndjen asnjë kërcënim.

Fjalët e urta 13:9 (ALB)
Drita e të drejtëve shkëlqen bukur, por llamba e të pabesëve do të shuhet.

Fjalët e urta 13:10 (ALB)
Nga krenaria rrjedhin vetëm grindjet, por dituria është me ata që u kushtojnë kujdes këshillave.

Fjalët e urta 13:11 (ALB)
Pasuria e përftuar në mënyrë jo të ndershme do të katandiset në pak gjëra, por atij që e grumbullon me mund do t’i shtohet ajo.

Fjalët e urta 13:12 (ALB)
Pritja e zgjatur e ligështon zemrën, por dëshira e plotësuar është një dru i jetës.

Fjalët e urta 13:13 (ALB)
Ai që përçmon fjalën do të shkatërrohet, por ai që respekton urdhërimin do të shpërblehet.

Fjalët e urta 13:14 (ALB)
Mësimet e të urtit janë burim jete për t’i evituar dikujt leqet e vdekjes.

Fjalët e urta 13:15 (ALB)
Gjykimi i mirë siguron favor, por veprimi i të pabesëve është i dëmshëm.

Fjalët e urta 13:16 (ALB)
Çdo njeri i matur vepron me dituri, por budallai kapardiset me marrëzinë e tij.

Fjalët e urta 13:17 (ALB)
Lajmëtari i keq bie në telashe, por lajmëtari besnik sjell shërim.

Fjalët e urta 13:18 (ALB)
Mjerimi dhe turpi do të vjinë mbi atë që nuk pranon korrigjimin, por ai që dëgjon qortimin do të nderohet.

Fjalët e urta 13:19 (ALB)
Dëshira e realizuar është e ëmbël për shpirtin, por për budallenjtë është një gjë e neveritshme largimi nga e keqja.

Fjalët e urta 13:20 (ALB)
Kush shkon me të urtët bëhet i urtë, por shoku i budallenjve do të bëhet i keq.

Fjalët e urta 13:21 (ALB)
E keqja përndjek mëkatarët, por i drejti do të shpërblehet me të mirën.

Fjalët e urta 13:22 (ALB)
Njeriu i mirë i lë një trashëgim bijve të bijve të tij, por pasuria e mëkatarit vihet mënjanë për të drejtin.

Fjalët e urta 13:23 (ALB)
Ara e punuar e të varfërve jep ushqim me shumicë, por ka nga ata që vdesin për mungesë drejtësie.

Fjalët e urta 13:24 (ALB)
Kush e kursen shufrën urren birin e vet, por ai që e do e korrigjon me kohë.

Fjalët e urta 13:25 (ALB)
I drejti ha sa të ngopet, por barku i të pabesëve vuan nga uria.

Previous Chapter
« Fjalët e urta 12

Next Chapter
Fjalët e urta 14 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

ALB Book Selection List

View full list of ALB Bible Books and Chapters