Fjalët e urta 27 | ALB Bible Study

Fjalët e urta 27:1 (ALB)
Mos u mburr me ditën e nesërme, sepse nuk di atë që mund të sjellë një ditë.

Fjalët e urta 27:2 (ALB)
Le të të lëvdoj një tjetër dhe jo goja jote, një i huaj dhe jo buzët e tua.

Fjalët e urta 27:3 (ALB)
Guri peshon dhe rëra është e rëndë, por zemërimi i budallait peshon më tepër se të dyja bashkë.

Fjalët e urta 27:4 (ALB)
Tërbimi është mizor dhe zemërimi është i furishëm, por kush mund t’i bëjë ballë xhelozisë?

Fjalët e urta 27:5 (ALB)
Më mirë një qortim i hapur se një dashuri e fshehur.

Fjalët e urta 27:6 (ALB)
Besnike janë plagët e një shoku, dhe të rreme të puthurat e një armiku.

Fjalët e urta 27:7 (ALB)
Kush është i ngopur përçmon huallin e mjaltit; por për atë që ka uri çdo gjë e hidhur është e ëmbël.

Fjalët e urta 27:8 (ALB)
Si zogu që endet larg folesë së tij, kështu është njeriu që endet larg shtëpisë së tij.

Fjalët e urta 27:9 (ALB)
Vaji dhe parfumi gëzojnë zemrën, kështu bën ëmbëlsia e një shoku me këshillat e tij të përzërmërta.

Fjalët e urta 27:10 (ALB)
Mos e braktis mikun tënd as mikun e atit tënd dhe mos shko në shtëpinë e vëllait tënd ditën e fatkeqësisë sate; është më mirë një që banon afër se sa një vëlla larg.

Fjalët e urta 27:11 (ALB)
Biri im, ji i urtë dhe gëzo zemrën time, kështu do të mund t’i përgjigjem atij që përflet kundër meje.

Fjalët e urta 27:12 (ALB)
Njeriu mendjemprehtë e shikon të keqen dhe fshihet, por naivët shkojnë tutje dhe ndëshkohen.

Fjalët e urta 27:13 (ALB)
Merr rroben e atij që është bërë garant për një të huaj dhe mbaje si peng për gruan e huaj.

Fjalët e urta 27:14 (ALB)
Ai që bekon të afërmin e tij me zë të lartë në mëngjes herët, do t’ia zënë si mallkim.

Fjalët e urta 27:15 (ALB)
Pikëllimi i vazhdueshëm në një ditë shiu të madh dhe një grua grindavece i ngjasin njera tjetrës.

Fjalët e urta 27:16 (ALB)
Kush arrin ta përmbajë, mban erën dhe zë vajin me dorën e tij të djathtë.

Fjalët e urta 27:17 (ALB)
Hekuri mpreh hekurin, kështu njeriu mpreh fytyrën e shokut të tij.

Fjalët e urta 27:18 (ALB)
Kush kujdeset për fikun do të hajë frytin e tij, dhe ai që i shërben zotit të tij do të nderohet.

Fjalët e urta 27:19 (ALB)
Ashtu si në ujë fytyra pasqyron fytyrën, kështu zemra e njeriut e tregon njeriun.

Fjalët e urta 27:20 (ALB)
Sheoli dhe Abadoni janë të pangopur, dhe të pangopur janë gjithashtu sytë e njerëzve.

Fjalët e urta 27:21 (ALB)
Poçja është për argjendin dhe furra për arin, kështu njeriu provohet nga lëvdata që merr.

Fjalët e urta 27:22 (ALB)
Edhe sikur ta shtypje budallanë në një havan bashkë me grurë me dygeçin e tij, budallallëku nuk do të largohej prej tij.

Fjalët e urta 27:23 (ALB)
Përpiqu të njohësh mirë gjendjen e deleve të tua dhe ki kujdes për kopetë e tua,

Fjalët e urta 27:24 (ALB)
sepse pasuritë nuk zgjatin përherë, dhe as një kurorë nuk vazhdon brez pas brezi.

Fjalët e urta 27:25 (ALB)
Kur merret bari i thatë dhe del bari i njomë dhe mblidhet forazhi i maleve,

Fjalët e urta 27:26 (ALB)
qengjat do të furnizojnë rrobat e tua, cjeptë çmimin e një are

Fjalët e urta 27:27 (ALB)
dhe dhitë mjaft qumësht për ushqimin tënd, për ushqimin e shtëpisë sate dhe për të mbajtur shërbëtoret e tua.

Previous Chapter
« Fjalët e urta 26

Next Chapter
Fjalët e urta 28 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

ALB Book Selection List

View full list of ALB Bible Books and Chapters