Fjalët e urta 29 | ALB Bible Study

Fjalët e urta 29:1 (ALB)
Njeriu që fortëson qafën kur qortohet, do të thyhet papritmas pa tjetër.

Fjalët e urta 29:2 (ALB)
Kur të drejtët shumohen, populli gëzohet, por, kur sundon i pabesi, populli rënkon.

Fjalët e urta 29:3 (ALB)
Njeriu që e do diturinë gëzon të atin; por ai që shkon me prostitutat shkapaderdh pasurinë e vet.

Fjalët e urta 29:4 (ALB)
Mbreti e bën të qëndrueshëm vendin me anë të drejtësisë, por ai që merr dhurata e çon në shkatërrim.

Fjalët e urta 29:5 (ALB)
Njeriu që i bën lajka të afërmit të tij shtrin një rrjetë mbi hapat e tij.

Fjalët e urta 29:6 (ALB)
Në mëkatin e një njeriut të keq ka një lak, por i drejti këndon dhe gëzohet.

Fjalët e urta 29:7 (ALB)
I drejti interesohet për çështjen e të varfërve, por i pabesi nuk e kupton këtë interesim.

Fjalët e urta 29:8 (ALB)
Tallësit kurdisin trazira në qytet, por njerëzit e urtë e qetësojnë zemërimin.

Fjalët e urta 29:9 (ALB)
Në rast se një njeri i urtë hyn në grindje me një budalla, dhe budallai zemërohet dhe qesh, nuk ka paqe.

Fjalët e urta 29:10 (ALB)
Njerëzit gjakatarë urrejnë të ndershmin, por njerëzit e drejtë kërkojnë të mbrojnë jetën e tij.

Fjalët e urta 29:11 (ALB)
Budallai e shfryn gjithë zemërimin e tij, por i urti e frenon dhe e ul.

Fjalët e urta 29:12 (ALB)
Në rast se një mbret dëgjon fjalët gënjeshtare, tërë ministrat e tij bëhen të pabesë.

Fjalët e urta 29:13 (ALB)
I varfëri dhe shtypësi kanë këtë të përbashkët: Zoti ndriçon sytë e të dy palëve.

Fjalët e urta 29:14 (ALB)
Mbreti që u siguron drejtësi të varfërve në të vërtetë do ta ketë fronin të vendosur për gjithnjë.

Fjalët e urta 29:15 (ALB)
Shufra dhe qortimi japin dituri; por fëmija për të cilën nuk kujdeset kurrkush e turpëron nënen e vet.

Fjalët e urta 29:16 (ALB)
Kur shtohen të pabesët shtohen edhe shkeljet, por të drejtët do të shohin shkatërrimin e tyre.

Fjalët e urta 29:17 (ALB)
Korrigjo birin tënd, ai do të japë rehatinë dhe do t’i sigurojë kënaqësi shpirtit tënd.

Fjalët e urta 29:18 (ALB)
Kur nuk ka një vizion profetik, populli bëhet i shfrenuar, por lum ai që respekton ligjin.

Fjalët e urta 29:19 (ALB)
Një shërbëtor nuk ndreqet vetëm me fjalë; edhe kur i kupton, nuk bindet.

Fjalët e urta 29:20 (ALB)
A ke parë një njeri që ngutet në të folur? Ka më tepër shpresa te një budalla se sa te ai.

Fjalët e urta 29:21 (ALB)
Në se dikush rrit me përkujdesje qysh në fëmijëri shërbëtorin e vet, në fund ai do të dojë të bëhet trashëgimtar i tij.

Fjalët e urta 29:22 (ALB)
Njeriu zemërak kurdis grindje dhe njeriu idhnak kryen shumë mëkate.

Fjalët e urta 29:23 (ALB)
Kryelartësia e njeriut e çon poshtë atë, por ai që ka një shpirt të përvuajtur do të ketë lavdi.

Fjalët e urta 29:24 (ALB)
Kush bëhet ortak me një vjedhës urren jetën e vet. Ai dëgjon betimin, por nuk padit asgjë.

Fjalët e urta 29:25 (ALB)
Frika e njeriut përbën një lak, por ai që ka besim te Zoti është i siguruar.

Fjalët e urta 29:26 (ALB)
Të shumtë janë ata që kërkojnë favorin e princit, por drejtësia për çdo njeri vjen nga Zoti.

Fjalët e urta 29:27 (ALB)
Njeriu jo i drejtë është një neveri për të drejtët, dhe ai që ecën me ndershmëri është një neveri për të pabesët.

Previous Chapter
« Fjalët e urta 28

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31