Fjalët e urta 20 | ALB Bible Study

Fjalët e urta 20:1 (ALB)
Vera është tallëse, pija dehëse është e turbullt dhe kush jepet pas tyre nuk është i urtë.

Fjalët e urta 20:2 (ALB)
Frika e mbretit është si ulërima e luanit; kush ia nxit zemërimin mëkaton kundër vetë jetës së vet.

Fjalët e urta 20:3 (ALB)
Éshtë një lavdi për njeriun t’u shmanget grindjeve, por çdo budalla përzihet në to.

Fjalët e urta 20:4 (ALB)
Përtaci nuk lëron për shkak të të ftohtit; për pasojë do të lypë në kohën e vjeljeve, por nuk do të ketë asgjë.

Fjalët e urta 20:5 (ALB)
Këshilla në zemrën e njeriut është si uji i thellë, por njeriu me mend do të dijë të mbushë nga ai ujë.

Fjalët e urta 20:6 (ALB)
Shumë njerëz shpallin mirësinë e tyre; por kush mund të gjejë një njeri besnik?

Fjalët e urta 20:7 (ALB)
I drejti ecën në ndershmërinë e tij; bijtë e tij do të bekohen pas atij.

Fjalët e urta 20:8 (ALB)
Një mbret që ulet mbi fronin e gjyqit davarit me vështrimin e tij çdo të keqe.

Fjalët e urta 20:9 (ALB)
Kush mund të thotë: "Pastrova zemrën time, jam i pastruar nga mëkati im"?

Fjalët e urta 20:10 (ALB)
Peshimi i dyfishtë dhe matja e dyfishtë janë që të dyja gjëra të neveritshme për Zotin.

Fjalët e urta 20:11 (ALB)
Edhe fëmija me veprimet e tij tregon në se ajo që bën është e pastër dhe e ndershme.

Fjalët e urta 20:12 (ALB)
Veshin që dëgjon dhe syrin që sheh i ka bërë që të dy Zoti.

Fjalët e urta 20:13 (ALB)
Mos e duaj gjumin që të mos varfërohesh; mbaji sytë hapur dhe do të kesh bukë sa të ngopesh.

Fjalët e urta 20:14 (ALB)
"Éshtë i keq, është i keq," thotë blerësi; por mbasi ai ka ikur, lavdërohet për blerjen.

Fjalët e urta 20:15 (ALB)
Ka flori dhe margaritarë të shumtë, por buzët e pasura me dije janë një xhevahir i çmuar.

Fjalët e urta 20:16 (ALB)
Merr rroben e atij që është bërë garant për një të huaj, dhe mbaje si peng për gruan e huaj.

Fjalët e urta 20:17 (ALB)
Buka e nxjerrë me hile është e ëmbël për njeriun, por pastaj goja e tij do të mbushet me zaje.

Fjalët e urta 20:18 (ALB)
Planet bëhen të qëndrueshme nga këshilla; prandaj bëje luftën me këshilla të urta.

Fjalët e urta 20:19 (ALB)
Ai që shkon poshtë e lart duke përfolur tregon sekretet; prandaj mos u shoqëro me atë që flet tepër.

Fjalët e urta 20:20 (ALB)
Atij që mallkon të atin dhe të ëmën, llamba do t’i shuhet në terrin më të madh.

Fjalët e urta 20:21 (ALB)
Trashëgimia e fituar me nxitim në fillim, nuk do të bekohet në fund.

Fjalët e urta 20:22 (ALB)
Mos thuaj: "Do t’i përgjigjem së keqes me të keqen"; ki shpresë te Zoti dhe ai do të të shpëtojë.

Fjalët e urta 20:23 (ALB)
Peshimi i dyfishtë është i neveritshëm për Zotin dhe peshorja e pasaktë nuk është një gjë e mirë.

Fjalët e urta 20:24 (ALB)
Hapat e njeriut vijnë nga Zoti; si mund ta njohë, pra, njeriu rrugën e vet?

Fjalët e urta 20:25 (ALB)
Éshtë një kurth për njeriun të marrë një zotim pa e matur mirë dhe, mbasi ta ketë marrë, të mendohet.

Fjalët e urta 20:26 (ALB)
Një mbret i urtë i shpartallon njerëzit e këqij dhe kalon mbi ta rrotën.

Fjalët e urta 20:27 (ALB)
Shpirti i njeriut është llamba e Zotit, që vëzhgon tërë skutat më të fshehta të zemrës.

Fjalët e urta 20:28 (ALB)
Mirësia dhe besnikëria ruajnë mbretin; ai e bën të qëndrueshëm fronin e tij me anë të mirësisë.

Fjalët e urta 20:29 (ALB)
Lavdia e të rinjve është forca e tyre, nderi i pleqve janë thinjat e tyre.

Fjalët e urta 20:30 (ALB)
Të rrahurat që lënë plagë të thella e heqin të keqen, ashtu si goditjet që vijnë në pjesën më të brendshme të zorrëve.

Previous Chapter
« Fjalët e urta 19

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31