Fjalët e urta 12 | ALB Bible Study

Fjalët e urta 12:1 (ALB)
Kush e do korrigjimin do diturinë, por ai që e urren kritikën është budalla.

Fjalët e urta 12:2 (ALB)
Njeriu i mirë gëzon përkrahjen e Zotit, por ky do të dënojë njeriun që sajon plane të këqija.

Fjalët e urta 12:3 (ALB)
Njeriu nuk bëhet i qëndrueshëm me pabesinë, por rrënja e të drejtëve nuk do të lëvizet kurrë.

Fjalët e urta 12:4 (ALB)
Gruaja e virtytshme është kurora e burrit të saj, por ajo që e turpëron është si një krimb në kockat e tij.

Fjalët e urta 12:5 (ALB)
Mendimet e të drejtëve janë drejtësia, por synimet e të pabesëve janë mashtrimi.

Fjalët e urta 12:6 (ALB)
Fjalët e të pabesëve rrinë në pritë për të derdhur gjak, por goja e njerëzve të drejtë do t’i çlirojë.

Fjalët e urta 12:7 (ALB)
Të pabesët janë përmbysur dhe nuk janë më, por shtëpia e të drejtëve do të mbetet më këmbë.

Fjalët e urta 12:8 (ALB)
Një njeri lëvdohet për gjykimin e tij, por ai që ka një zemër të çoroditur do të përçmohet.

Fjalët e urta 12:9 (ALB)
Éshtë më mirë të të çmojnë pak dhe të kesh një shërbëtor, se sa të të nderojnë dhe të mos kesh bukë.

Fjalët e urta 12:10 (ALB)
I drejti kujdeset për jetën e bagëtisë së tij, por të përbrendshmet e të pabesëve janë mizore.

Fjalët e urta 12:11 (ALB)
Kush punon tokën e tij do të ngopet me bukë, por ai që shkon pas kotësive është pa mend.

Fjalët e urta 12:12 (ALB)
I pabesi dëshiron gjahun e njerëzve të këqij, por rrënja e të drejtëve sjell fryt.

Fjalët e urta 12:13 (ALB)
Njeriu i keq kapet në kurthin e mëkatit të buzëve të tij, por i drejti do t’i shpëtojë fatkeqësisë.

Fjalët e urta 12:14 (ALB)
Njeriu do të ngopet me të mira për frytin e gojës së tij, dhe secili do të marrë shpërblimin simbas veprës së duarve të tij.

Fjalët e urta 12:15 (ALB)
Rruga e budallait është e drejtë para syve të tij, por ai që dëgjon këshillat është i urtë.

Fjalët e urta 12:16 (ALB)
Budallai e tregon menjëherë pezmatimin e tij, por njeriu i matur e fsheh turpin.

Fjalët e urta 12:17 (ALB)
Ai që thotë të vërtetën shpall atë që është e drejtë, por dëshmitari i rremë thotë mashtrime.

Fjalët e urta 12:18 (ALB)
Kush flet pa mend është si ai që shpon me shpatë, por gjuha e të urtëve sjell shërim.

Fjalët e urta 12:19 (ALB)
Buza që thotë të vërtetën, do të bëhet e qëndrueshme përjetë, por gjuha që gënjen zgjat vetëm një çast.

Fjalët e urta 12:20 (ALB)
Mashtrimi është në zemrën e atyre që kurdisin të keqen, por për ata që këshillojnë paqen ka gëzim.

Fjalët e urta 12:21 (ALB)
Asnjë e keqe nuk do t’i ndodhë të drejtit, por të pabesët do të kenë plot telashe.

Fjalët e urta 12:22 (ALB)
Buzët gënjeshtare janë të neveritshme për Zotin, por ata që veprojnë me çiltërsi i pëlqejnë atij.

Fjalët e urta 12:23 (ALB)
Njeriu i matur e fsheh diturinë e tij, por zemra e budallenjve shpall budallallëkun e tyre.

Fjalët e urta 12:24 (ALB)
Dora e njeriut të kujdeshëm do të sundojë, por dora e përtacëve do t’i nënshtrohet punës së detyrueshme.

Fjalët e urta 12:25 (ALB)
Shqetësimi në zemrën e njeriut e rrëzon atë, por një fjalë e mirë e gëzon atë.

Fjalët e urta 12:26 (ALB)
I drejti e zgjedh me kujdes shokun e tij, por rruga e të pabesëve i bën që të humbasin.

Fjalët e urta 12:27 (ALB)
Përtaci nuk e pjek gjahun e tij, por kujdesi për njeriun është një pasuri e çmueshme.

Fjalët e urta 12:28 (ALB)
Mbi shtegun e drejtësisë ka jetë, dhe mbi këtë shteg nuk ka vdekje.

Previous Chapter
« Fjalët e urta 11

Next Chapter
Fjalët e urta 13 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

ALB Book Selection List

View full list of ALB Bible Books and Chapters