Fjalët e urta 30:1 (ALB)
Fjalët e Agurit, birit të Jahehut; mesazhi profetik që ky njeri shpalli në Ithiel, në Ithiel dhe në Ukal.

Fjalët e urta 30:2 (ALB)
Po, unë jam më budalla se gjithë të tjerët dhe nuk kam mendje njeriu.

Fjalët e urta 30:3 (ALB)
Nuk kam mësuar diturinë dhe nuk kam dijen e Shenjtorit.

Fjalët e urta 30:4 (ALB)
Kush u ngjit në qiell dhe zbriti prej tij? Kush e ka mbledhur erën në duart e tij? Kush i ka mbyllur ujërat në rroben e tij? Kush i ka vendosur të gjithë kufijtë e tokës? Cili është emri i tij dhe emri i të birit, po qe se ti e di?

Fjalët e urta 30:5 (ALB)
Çdo fjalë e Perëndisë është rafinuar me zjarr. Ai është një mburojë për atë që gjen strehë tek ai.

Fjalët e urta 30:6 (ALB)
Mos u shto asgjë fjalëve të tij që të mos të të qortojë dhe të dalësh gënjeshtar.

Fjalët e urta 30:7 (ALB)
Unë të kërkova dy gjëra; mos m’i moho para se të vdes:

Fjalët e urta 30:8 (ALB)
largo nga unë falsitetin dhe gënjeshtrën; mos më jep as varfëri as pasuri, më ushqe me bukën e nevojshme,

Fjalët e urta 30:9 (ALB)
me qëllim që, pasi të jem ngopur, të mos të të mohoj dhe të them: "Kush është Zoti?," ose, pasi të jem bërë i varfër, të mos vjedh dhe të përdhos emrin e Perëndisë tim.

Fjalët e urta 30:10 (ALB)
Mos shpif kundër shërbëtorit para të zotit, me qëllim që ai të mos të të mallkojë dhe ti të gjendesh fajtor.

Fjalët e urta 30:11 (ALB)
Ka një kategori njerëzish që mallkojnë atin e tyre dhe nuk bekojnë nënen e tyre.

Fjalët e urta 30:12 (ALB)
Ka një kategori njerëzish që e mbajnë veten për të pastër, por nuk janë të larë nga papastërtia e vet.

Fjalët e urta 30:13 (ALB)
Ka një kategori njerëzish që i ka sytë shumë kryelartë dhe qepallat krenare.

Fjalët e urta 30:14 (ALB)
Ka një kategori njerëzish dhëmbët e të cilëve janë si shpata dhe dhëmballët e tyre janë si thika, për të gëlltitur të varfërit mbi faqen e dheut dhe nevojtarët në mes të njerëzve.

Fjalët e urta 30:15 (ALB)
Shushunja ka dy bija, që thonë: "Më jep, më jep!". Ka tri gjëra që nuk ngopen kurrë, madje katër nuk thonë kurrë: "Mjaft!".

Fjalët e urta 30:16 (ALB)
Sheoli, barku shterp, toka që nuk ngopet me ujë dhe zjarri që nuk thotë kurrë: "Mjaft!".

Fjalët e urta 30:17 (ALB)
Syrin që tallet me babanë dhe nuk pranon me përbuzje t’i bindet nënës, do ta nxjerrin korbat e përroit, do ta hanë të vegjëlit e shqiponjës.

Fjalët e urta 30:18 (ALB)
Ka tri gjëra tepër të mrekullueshme për mua, madje katër, që unë nuk i marr vesh:

Fjalët e urta 30:19 (ALB)
gjurma e shqiponjës në ajër, gjurma e gjarpërit mbi shkëmb, gjurma e anijes në mes të detit dhe gjurma e burrit me një vajzë.

Fjalët e urta 30:20 (ALB)
Kjo është sjellja e gruas që ka shkelur kurorën: ha, fshin gojën dhe thotë: "Nuk kam bërë asnjë të keqe!".

Fjalët e urta 30:21 (ALB)
Tri gjëra e turbullojnë tokën, madje katër janë gjërat që ajo nuk mund të durojë:

Fjalët e urta 30:22 (ALB)
një shërbëtor kur bëhet mbret, një budalla që ka bukë me bollëk,

Fjalët e urta 30:23 (ALB)
një grua të urryer që gjen burrë dhe një shërbëtore që i zë vendin zonjës.

Fjalët e urta 30:24 (ALB)
Ka katër kafshë të vogla mbi tokë, por janë jashtëzakonisht të urta:

Fjalët e urta 30:25 (ALB)
mizat e dheut, që janë një popull pa forcë, por që e mbledhin ushqimin e tyre në verë;

Fjalët e urta 30:26 (ALB)
lepujt, që janë një popull i dobët, por që e vendosin banesën e tyre në shkëmbinjtë;

Fjalët e urta 30:27 (ALB)
karkalecat, që nuk kanë mbret, por që shkojnë mbarë në grupe;

Fjalët e urta 30:28 (ALB)
hardhuca që mund ta zësh me duart, por që gjendet në pallatet e mbretërve.

Fjalët e urta 30:29 (ALB)
Tri qënie kanë një paraqitje të bukur, madje katër kanë një ecje madhështore;

Fjalët e urta 30:30 (ALB)
luani, kafsha më e fortë, që nuk zmprapset para askujt,

Fjalët e urta 30:31 (ALB)
kali i luftës që ecën i ngrefosur, cjapi dhe mbreti kur është me ushtrinë e tij.

Fjalët e urta 30:32 (ALB)
Në rast se ke vepruar si budalla duke lartësuar veten tënde ose të ka shkuar mendja, vëre dorën mbi gojë,

Fjalët e urta 30:33 (ALB)
sepse, duke rrahur qumështin prodhohet gjalpi, duke përdredhur hundën del gjak prej saj dhe duke shtrydhur mërinë prej saj del grindja.