Fjalët e urta 3 | ALB Bible Study

Fjalët e urta 3:1 (ALB)
Biri im, mos harro mësimet e mia dhe zemra jote le të ruajë urdhërimet e mia,

Fjalët e urta 3:2 (ALB)
sepse do të të shtohen ditë të gjata, vite jete dhe paqeje.

Fjalët e urta 3:3 (ALB)
Mirësia dhe e vërteta mos të lënçin kurrë; lidhi rreth qafës, shkruaji mbi tabelën e zemrës sate;

Fjalët e urta 3:4 (ALB)
do të gjesh kështu hir dhe arsye në sytë e Perëndisë dhe të njerëzve.

Fjalët e urta 3:5 (ALB)
Ki besim tek Zoti me gjithë zemër dhe mos u mbështet në gjykimin tënd;

Fjalët e urta 3:6 (ALB)
pranoje në të gjitha rrugët e tua, dhe ai do të drejtojë shtigjet e tua.

Fjalët e urta 3:7 (ALB)
Mos e mbaj veten të ditur në sytë e tu, ki frikë nga Zoti dhe hiq dorë nga e keqja;

Fjalët e urta 3:8 (ALB)
kjo do të jetë shërim për nervat e tua dhe freskim për kockat e tua.

Fjalët e urta 3:9 (ALB)
Ndero Zotin me pasurinë tënde dhe me prodhimet e para të çdo të ardhure që ke;

Fjalët e urta 3:10 (ALB)
hambarët e tu të grurit do të jenë plot e përplot dhe vozat e tua do të gufojnë me musht.

Fjalët e urta 3:11 (ALB)
Biri im, mos e përçmo ndëshkimin e Zotit dhe mos urre qortimin e tij,

Fjalët e urta 3:12 (ALB)
sepse Zoti qorton atë që do, si një baba djalin që atij i pëlqen.

Fjalët e urta 3:13 (ALB)
Lum ai njeri që ka gjetur diturinë dhe njeriu që ka përftuar arsyen.

Fjalët e urta 3:14 (ALB)
Sepse fitimi i tij është më i mirë se fitimi i argjendit dhe fryti i tij vlen më tepër se ari i kulluar.

Fjalët e urta 3:15 (ALB)
Ajo është më e çmuar se perlat dhe mbarë gjërat më të këndshme nuk mund të barazohen me të.

Fjalët e urta 3:16 (ALB)
Gjatësia e jetës është në të djathtë të saj, pasuria dhe lavdia në të majtë të saj.

Fjalët e urta 3:17 (ALB)
Rrugët e saj janë rrugë të kënaqshme dhe në të tërë shtigjet e saj mbretëron paqja.

Fjalët e urta 3:18 (ALB)
Ajo është një dru i jetës për ata që e kapin dhe lum ata që mbahen fort atje.

Fjalët e urta 3:19 (ALB)
Me diturinë Zoti krijoi tokën dhe me zgjuarësinë i bëri të qëndrueshëm qiejtë.

Fjalët e urta 3:20 (ALB)
Me diturinë e tij u hapën humnerat dhe retë japin vesë.

Fjalët e urta 3:21 (ALB)
Biri im, këto gjëra mos u largofshin kurrë nga sytë e tu. Mbaje diturinë dhe të menduarit.

Fjalët e urta 3:22 (ALB)
Ato do të jenë jetë për shpirtin tënd dhe një zbukurim në qafën tënde.

Fjalët e urta 3:23 (ALB)
Atëherë do të ecësh i sigurt në rrugën tënde dhe këmba jote nuk do të pengohet.

Fjalët e urta 3:24 (ALB)
Kur do të biesh për të fjetur, nuk do të kesh frikë; po, do të biesh dhe gjumi yt do të jetë i ëmbël.

Fjalët e urta 3:25 (ALB)
Nuk do të druash llahtarën e papritur, as shkatërrimin e të pabesëve kur do të ndodhë,

Fjalët e urta 3:26 (ALB)
sepse Zoti do të jetë pranë teje dhe do të pengojë që këmba jote të kapet në ndonjë lak.

Fjalët e urta 3:27 (ALB)
Mos i refuzo të mirën atij që i takon, kur e ke në dorë ta bësh.

Fjalët e urta 3:28 (ALB)
Mos i thuaj të afërmit tënd: "Shko dhe kthehu; do të të jap nesër," kur e ke me vete gjënë e nevojshme.

Fjalët e urta 3:29 (ALB)
Mos kurdis asnjë të keqe kundër të afërmit tënd, ndërsa ai banon me besim bashkë me ty.

Fjalët e urta 3:30 (ALB)
Mos bëj padi kundër askujt pa shkak; po të jetë se nuk të ka bërë asnjë të keqe.

Fjalët e urta 3:31 (ALB)
Mos ki zili njeriun e dhunshëm dhe mos zgjidh asnjë nga rrugët e tij,

Fjalët e urta 3:32 (ALB)
sepse Zoti e neverit njeriun e çoroditur, por këshilla e tij është për njerëzit e ndershëm.

Fjalët e urta 3:33 (ALB)
Mallkimi i Zotit është në shtëpinë e të pabesit, por ai bekon banesën e të drejtëve.

Fjalët e urta 3:34 (ALB)
Me siguri ai tallet me tallësit, por i fal të përvuajturit.

Fjalët e urta 3:35 (ALB)
Njerëzit e urtë do të trashëgojnë lavdinë, por poshtërsia do të jetë trashëgimia e atyre që nuk kanë mend.

Previous Chapter
« Fjalët e urta 2

Next Chapter
Fjalët e urta 4 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31