Fjalët e urta 26 | ALB Bible Study

Fjalët e urta 26:1 (ALB)
Ashtu si bora nuk i shkon verës as shiu të korrave, kështu nuk i shkon lavdia budallait.

Fjalët e urta 26:2 (ALB)
Ashtu si harabeli fluturon andej e këtej dhe dallëndyshja fluturon, kështu mallkimi pa arsye nuk ka efekt.

Fjalët e urta 26:3 (ALB)
Kamxhiku për kalin, kapistra për gomarin dhe shkopi për kurrizin e budallenjve.

Fjalët e urta 26:4 (ALB)
Mos iu përgjegj budallait simbas budallallëkut të tij, që të mos bëhesh edhe ti si ai.

Fjalët e urta 26:5 (ALB)
Përgjigjju budallait simbas budallallëkut të tij, që ai të mos mendojë se është i urtë.

Fjalët e urta 26:6 (ALB)
Kush dërgon një mesazh me anë të një budallai pret këmbët e tij dhe pi dhunë.

Fjalët e urta 26:7 (ALB)
Ashtu si këmbët e çalamanit janë pak të qëndrueshme, kështu është një fjalë e urtë në gojën e budallenjve.

Fjalët e urta 26:8 (ALB)
Kush i jep lavdi një budallai është si ai që lidh një gur te hobeja.

Fjalët e urta 26:9 (ALB)
Një fjalë e urtë në gojën e budallenjve është si një gjemb që hyn në dorën e një të dehuri.

Fjalët e urta 26:10 (ALB)
Perëndia i madh që ka krijuar të gjitha gjërat është ai që i jep shpërblimin budallait dhe shkelësve.

Fjalët e urta 26:11 (ALB)
Ashtu si një qen kthehet në të vjellat e tij, kështu budallai e përsërit budallallëkun e tij.

Fjalët e urta 26:12 (ALB)
A ke parë një njeri që e pandeh veten të urtë? Ka më tepër shpresë për një budalla se sa për të.

Fjalët e urta 26:13 (ALB)
Përtaci thotë: "Ka një luan në rrugë, ka një luan nëpër rrugë!".

Fjalët e urta 26:14 (ALB)
Ashtu si lëviz porta në menteshat e saj, kështu sillet përtaci në shtrat të tij.

Fjalët e urta 26:15 (ALB)
Përtaci e fut dorën në pjatën e tij, por lodhet edhe ta çojë te goja.

Fjalët e urta 26:16 (ALB)
Përtaci pandeh se është më i urtë se shtatë persona që japin përgjigje me mend.

Fjalët e urta 26:17 (ALB)
Kalimtari që përzihet në një grindje që nuk i përket, është si ai që kap nga veshët një qen.

Fjalët e urta 26:18 (ALB)
Ashtu si një i marrë që gjuan me ura zjarri, me shigjeta dhe me vdekje,

Fjalët e urta 26:19 (ALB)
kështu është ai që mashtron të afërmin dhe thotë: "E bëra për shaka!".

Fjalët e urta 26:20 (ALB)
Kur mungojnë drutë, zjarri shuhet; dhe kur nuk ka një gojë të keqe, grindja merr fund.

Fjalët e urta 26:21 (ALB)
Ashtu si qymyri jep shpuzën dhe drutë zjarrin, kështu njeriu grindavec i nxit grindjet.

Fjalët e urta 26:22 (ALB)
Fjalët e gojëkeqit janë si ushqime shumë të shijshme dhe depërtojnë deri në thellësi të zorrëve.

Fjalët e urta 26:23 (ALB)
Buzët e zjarrta dhe zemra e keqe janë si zgjyra të argjendit të vendosura mbi një enë balte.

Fjalët e urta 26:24 (ALB)
Ai që urren shtiret me buzët e tij, por në zemër të vet përgatit mashtrimin.

Fjalët e urta 26:25 (ALB)
Kur ai flet në mënyrë të sjellshme mos i ki besim, sepse ka shtatë gjëra të neveritshme në zemër.

Fjalët e urta 26:26 (ALB)
Edhe sikur urrejtja e tij të jetë fshehur me tinëzi; ligësia e tij do të dalë hapur në kuvend.

Fjalët e urta 26:27 (ALB)
Kush hap një gropë do të bjerë brenda dhe kush rrokullis një gur do të bjerë përsëri mbi të.

Fjalët e urta 26:28 (ALB)
Gjuha gënjeshtare urren ata që ka plagosur, dhe goja lajkatare sjell shkatërrimin.

Previous Chapter
« Fjalët e urta 25

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31