Fjalët e urta 25 | ALB Bible Study

Fjalët e urta 25:1 (ALB)
Edhe këto janë fjalë të urta të Salomonit, të transkriptuara nga njerëzit e Ezekias, mbretit të Judës.

Fjalët e urta 25:2 (ALB)
Éshtë lavdi e Perëndisë të fshehësh një gjë, por është lavdi e mbretërve ta hetosh atë.

Fjalët e urta 25:3 (ALB)
Qiejtë për lartësinë e tyre, toka për thellësinë e saj dhe zemra e mbretërve janë të panjohshëm.

Fjalët e urta 25:4 (ALB)
Hiq zgjyrën nga argjendi dhe ka për të dalë një enë për argjendarin.

Fjalët e urta 25:5 (ALB)
Largo të pabesin nga prania e mbretit dhe froni i tij do të bëhet i qëndrueshëm në drejtësi.

Fjalët e urta 25:6 (ALB)
Mos u përlëvdo në prani të mbretit dhe mos zër vendin e njerëzve të mëdhenj,

Fjalët e urta 25:7 (ALB)
sepse është më mirë të thuhet: "Ngjitu këtu lart," se sa të të ulin përpara princit, që sytë e tu kanë parë.

Fjalët e urta 25:8 (ALB)
Mos bëj padi me tepër nxitim, sepse në fund nuk do të dish çfarë të bësh, kur i afërmi yt do të të ketë bërë me turp.

Fjalët e urta 25:9 (ALB)
Diskutoje padinë tënde kundër të afërmit tënd, por mos e zbulo sekretin e një tjetri,

Fjalët e urta 25:10 (ALB)
me qëllim që ai që të dëgjon të mos të të diskreditojë dhe nami yt të njolloset për gjithnjë.

Fjalët e urta 25:11 (ALB)
Një fjalë e thënë në kohën e duhur është si molla të arta mbi një enë argjendi.

Fjalët e urta 25:12 (ALB)
Për një vesh të bindur, një i urtë që qorton është si një vath i artë, një zbukurim prej ari të kulluar.

Fjalët e urta 25:13 (ALB)
Një lajmëtar besnik është, për ata që e dërgojnë, si freskia e borës në kohën e korrjes, sepse ai e freskon shpirtin e zotit të tij.

Fjalët e urta 25:14 (ALB)
Ai që mburret duke gënjyer se ka bërë një dhuratë është si retë dhe era pa shi.

Fjalët e urta 25:15 (ALB)
Me durimin i mbushet mendja një princi dhe gjuha e ëmbël thyen kockat.

Fjalët e urta 25:16 (ALB)
Në rast se gjen mjaltë, ha aq sa të mjafton, me qëllim që të mos dendesh dhe pastaj të vjellësh.

Fjalët e urta 25:17 (ALB)
Shko rrallë në shtëpinë e të afërmit tënd, që ai të mos mërzitet me ty sa të të urrejë.

Fjalët e urta 25:18 (ALB)
Njeriu që deponon gënjeshtra kundër të afërmit të tij është si një topuz, një shpatë dhe një shigjetë e mprehtë.

Fjalët e urta 25:19 (ALB)
Besimi te një njeri i pabesë ditën e fatkeqësisë është si një dhëmb i thyer dhe një këmbë e ndrydhur.

Fjalët e urta 25:20 (ALB)
Kush i këndon këngë një zemre të pikëlluar është si ai që heq rrobat e tij në një ditë të ftohtë dhe si uthulla mbi sodën.

Fjalët e urta 25:21 (ALB)
Në qoftë se armiku yt ka uri, jepi bukë për të ngrënë, dhe në se ka etje, jepi ujë për të pirë,

Fjalët e urta 25:22 (ALB)
sepse kështu do të grumbullosh thëngjij mbi kokën e tij, dhe Zoti do të të shpërblejë.

Fjalët e urta 25:23 (ALB)
Era e veriut sjell shiun, dhe gjuha që shpif tinëz e bën fytyrën të indinjuar.

Fjalët e urta 25:24 (ALB)
Éshtë më mirë të banosh në cep të një çatie se sa në një shtëpi bashkë me një grua grindavece.

Fjalët e urta 25:25 (ALB)
Një lajm i mirë nga një vend i largët është si ujë i freskët për një njeri të lodhur dhe të etur.

Fjalët e urta 25:26 (ALB)
I drejti që dridhet përpara të pabesit është si një burim i turbullt dhe një pus i ndotur.

Fjalët e urta 25:27 (ALB)
Të hash shumë mjaltë nuk është mirë, dhe të kërkosh lavdinë tënde nuk është lavdi.

Fjalët e urta 25:28 (ALB)
Njeriu që nuk di të frenojë zemërimin e tij është si një qytet i shkrehur pa mure.

Previous Chapter
« Fjalët e urta 24

Next Chapter
Fjalët e urta 26 »

Fjalët e urta (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

ALB Book Selection List

View full list of ALB Bible Books and Chapters