Jobi 8 | ALB Bible Study

Jobi 8:1 (ALB)
Atëherë Bildadi nga Shuahu u përgjigj dhe tha:

Jobi 8:2 (ALB)
"Deri kur do të flasësh në këtë mënyrë, dhe fjalët e gojës sate do të jenë si një erë e furishme?

Jobi 8:3 (ALB)
A mundet Perëndia të shtrëmbërojë gjykimin dhe i Potfuqishmi të përmbysë drejtësinë?

Jobi 8:4 (ALB)
Në rast se bijtë e tu kanë mëkatuar kundër tij, ai i ka braktisur në prapësinë e tyre.

Jobi 8:5 (ALB)
Por në rast se ti e kërkon Perëndinë dhe i lutesh fort të Plotfuqishmit,

Jobi 8:6 (ALB)
në rast se je i pastër dhe i ndershëm, me siguri ai do të ngrihet në favorin tënd dhe do të rivendosë selinë e drejtësisë sate.

Jobi 8:7 (ALB)
Ndonëse gjendja jote e kaluar ka qenë një gjë e vogël,

Jobi 8:8 (ALB)
e ardhmja jote do të jetë e madhe. Pyet, pra, brezat që shkuan dhe shqyrto gjërat e zbuluara nga etërit e tyre;

Jobi 8:9 (ALB)
ne në të vërtetë i përkasim së djeshmes dhe nuk dimë asgjë, sepse ditët tona mbi tokë janë si një hije.

Jobi 8:10 (ALB)
A nuk do të mësojnë vallë ata dhe nuk do të flasin, duke nxjerrë fjalë nga zemra e tyre?

Jobi 8:11 (ALB)
A mund të rritet papirusi jashtë moçalit dhe a mund të zhvillohet xunkthi pa ujë?

Jobi 8:12 (ALB)
Ndërsa është ende i gjelbër, pa qenë prerë, ai thahet para çdo bari tjetër.

Jobi 8:13 (ALB)
Këto janë rrugët e të gjithë atyre që harrojnë Perëndinë; kështu shpresa e të paudhit tretet.

Jobi 8:14 (ALB)
Besimi i tij do të pritet dhe sigurimi i tij është si një pëlhurë merimange.

Jobi 8:15 (ALB)
Ai mbështetet te shtëpia e tij, ajo nuk qëndron; kapet te ajo, por ajo nuk mban.

Jobi 8:16 (ALB)
Ai është krejt i gjelbër në diell dhe degët e tij zgjaten mbi kopshtin e tij;

Jobi 8:17 (ALB)
dhe rrënjët e tij pleksen rreth një grumbulli gurësh dhe depërtojnë midis gurëve të shtëpisë.

Jobi 8:18 (ALB)
Por në rast se shkëputet nga vendi i tij, ky e mohon, duke thënë: "Nuk të kam parë kurrë!".

Jobi 8:19 (ALB)
Ja, ky është gëzimi i mënyrës së tij të të jetuarit, ndërsa të tjerët do të dalin nga pluhuri.

Jobi 8:20 (ALB)
Ja, Perëndia nuk e flak njeriun e ndershëm, as i ndihmon keqbërësit.

Jobi 8:21 (ALB)
Ai do t’i japë edhe më buzëqeshje gojës sate dhe këngë gëzimi buzëve të tua.

Jobi 8:22 (ALB)
Ata që të urrejnë do të mbulohen me turp dhe çadra e të paudhëve do të zhduket".

Previous Chapter
« Jobi 7

Next Chapter
Jobi 9 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42