Jobi 22 | ALB Bible Study

Jobi 22:1 (ALB)
Atëherë Elifazi nga Temani u përgjigj dhe tha:

Jobi 22:2 (ALB)
"A mundet vallë njeriu t’i sigurojë ndonjë përfitim Perëndisë? Me siguri i urti i sjell të mirë vetvetes.

Jobi 22:3 (ALB)
Çfarë kënaqësie ka prej saj i Plotfuqishmi, në rast se ti je i drejtë, ose çfarë përfitimi ka në qoftë se ti ke një sjellje të ndershme?

Jobi 22:4 (ALB)
Mos vallë nga frika që ka prej teje ai ndëshkon dhe hyn në gjyq me ty?

Jobi 22:5 (ALB)
Apo ka gjasë më shumë se kjo ka si shkak ligësinë tënde të madhe dhe fajet e tua të shumta?

Jobi 22:6 (ALB)
Pa arsye në fakt ti merrje pengje nga vëllezërit e tu dhe i zhvishje të zhveshurit nga rrobat e tyre.

Jobi 22:7 (ALB)
Nuk i jepje ujë të lodhurit dhe i refuzoje bukën të uriturit.

Jobi 22:8 (ALB)
Toka i përkiste njeriut të fuqishëm dhe banonte në të njeriu i nderuar.

Jobi 22:9 (ALB)
E ktheje gruan e ve me duar bosh, dhe krahët e jetimëve ishin të këputur.

Jobi 22:10 (ALB)
Ja pse je rrethuar kudo nga leqe dhe drithma të papritura të turbullojnë,

Jobi 22:11 (ALB)
ose një errësirë nuk të lejon të shikosh dhe një vërshim uji të përmbyt.

Jobi 22:12 (ALB)
A nuk është Perëndia lart në qiejt? Shiko yjet e larta, sa lart ndodhen!

Jobi 22:13 (ALB)
Dhe ti thua: "Çfarë di Perëndia? A mund të gjykojë nëpërmjet territ të dendur?

Jobi 22:14 (ALB)
Re të dendura e mbulojnë dhe kështu nuk mund të shikojë, dhe shëtit mbi kupën e qiejve".

Jobi 22:15 (ALB)
A dëshiron ti të ndjekësh rrugën e lashtë të përshkruar prej kohe nga njerëzit e këqij,

Jobi 22:16 (ALB)
që e çuan larg para kohe, dhe themelin e të cilëve e mori një lum që vërshonte?

Jobi 22:17 (ALB)
Ata i thonin Perëndisë: "Largohu nga ne! Çfarë mund të na bëjë i Plotfuqishmi?".

Jobi 22:18 (ALB)
Megjithatë Perëndia ua kishte mbushur shtëpitë me të mira. Por unë u rri larg këshillave të të pabesëve.

Jobi 22:19 (ALB)
Të drejtët e shohin këtë dhe gëzohen, dhe i pafajmi tallet me ta;

Jobi 22:20 (ALB)
po, me siguri, armiqtë tanë po shkatërrohen, dhe zjarri po përpin atë që mbetet.

Jobi 22:21 (ALB)
Pajtohu, pra, me Perëndinë dhe do të kesh siguri; kështu do të kesh mirëqënie.

Jobi 22:22 (ALB)
Prano udhëzime nga goja e tij dhe shtjeri fjalët e tij në zemrën tënde.

Jobi 22:23 (ALB)
Në rast se kthehesh tek i Plotfuqishmi, do të rimëkëmbesh; në qoftë se largon paudhësinë nga çadrat e tua

Jobi 22:24 (ALB)
dhe u hedh arin në pluhur dhe arin e Ofirit ndër gurët e përroit,

Jobi 22:25 (ALB)
atëherë i Plotfuqishmi do të jetë ari yt, thesari yt prej argjendi.

Jobi 22:26 (ALB)
Sepse atëherë do të gjesh kënaqësinë tënde tek i Plotfuqishmi dhe do të ngresh fytyrën në drejtim të Perëndisë.

Jobi 22:27 (ALB)
Do t’i lutesh dhe ai do të të plotësojë dëshirën dhe ti do të realizosh kushtet që ke lidhur.

Jobi 22:28 (ALB)
Do të vendosësh një gjë dhe ajo do të dalë mbarë, dhe mbi udhën tënde do të shkëlqejë drita.

Jobi 22:29 (ALB)
Kur do të poshtërojnë, ti do të thuash: "Ngritja do të vijë". Ai do të përkrahë të përulurin

Jobi 22:30 (ALB)
dhe do të çlirojë edhe atë që nuk është i pafajmë; po, ai do të çlirohet nga shkaku i pastëtisë së duarve të tua".

Previous Chapter
« Jobi 21

Next Chapter
Jobi 23 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

ALB Book Selection List

View full list of ALB Bible Books and Chapters