Jobi 7 | ALB Bible Study

Jobi 7:1 (ALB)
"A nuk kryen vallë një punë të rëndë njeriu mbi tokë dhe ditët e tij a nuk janë si ditët e një argati?

Jobi 7:2 (ALB)
Ashtu si skllavi dëshiron fort hijen dhe ashtu si argati pret mëditjen e tij,

Jobi 7:3 (ALB)
kështu edhe mua më ranë muaj fatkeqësie dhe m’u caktuan net me dhembje.

Jobi 7:4 (ALB)
Sa shtrihem, them: "Kur do të ngrihem?". Por nata është e gjatë dhe jam vazhdimisht i shqetësuar deri në agim.

Jobi 7:5 (ALB)
Mishi im është i mbuluar me krimba dhe me buca dheu, lëkura ime plasaritet dhe është bërë e pështirë.

Jobi 7:6 (ALB)
Ditët e mia janë më të shpejta se masuri i një endësi dhe po harxhohen pa shpresë.

Jobi 7:7 (ALB)
Kujto që jeta ime është një frymë; syri im nuk do të shohë më të mirën.

Jobi 7:8 (ALB)
Syri i atij që më shikon nuk do të më shohë më; sytë e tu do të jenë mbi mua, por unë nuk do të jem më.

Jobi 7:9 (ALB)
Ashtu si reja davaritet dhe nuk duket më, kështu ai që zbret në Sheol nuk kthehet më;

Jobi 7:10 (ALB)
nuk do të kthehet më në shtëpinë e tij, dhe banesa e tij nuk do ta njohë më.

Jobi 7:11 (ALB)
Prandaj nuk do ta mbaj gojën të mbyllur do të flas në ankthin e frymës time; do të ankohem në hidhërimin e shpirtit tim.

Jobi 7:12 (ALB)
A jam vallë deti apo një përbindësh i detit që ti më ruan me një roje?

Jobi 7:13 (ALB)
Kur unë them: "Shtrati im do të më japë një lehtësim, shtroja ime do ta zbusë dhembjen time,"

Jobi 7:14 (ALB)
ti më tremb me ëndrra dhe më tmerron me vegime;

Jobi 7:15 (ALB)
kështu shpirtit tim i parapëlqen të mbytet dhe të vdesë se sa të bëjë këtë jetë.

Jobi 7:16 (ALB)
Unë po shpërbëhem; nuk kam për të jetuar gjithnjë; lërmë të qetë; ditët e mia nuk janë veçse një frymë.

Jobi 7:17 (ALB)
Ç’është njeriu që ti ta bësh të madh dhe të kujdesesh për të,

Jobi 7:18 (ALB)
dhe ta vizitosh çdo mëngjes duke e vënë në provë në çdo çast?

Jobi 7:19 (ALB)
Kur do ta heqësh shikimin tënd nga unë dhe do të më lësh të përcjell pështymën time?

Jobi 7:20 (ALB)
Në rast se kam mëkatuar, çfarë të kam bërë ty, o rojtar i njerëzve? Pse më ke bërë objekt të goditjeve të tua, aq sa i jam bërë barrë vetes sime?

Jobi 7:21 (ALB)
Pse nuk i fal shkeljet e mia dhe nuk e kapërcen paudhësinë time? Sepse shpejt do të jem pluhur; ti do të më kërkosh, por unë nuk do të jem më".

Previous Chapter
« Jobi 6

Next Chapter
Jobi 8 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

ALB Book Selection List

View full list of ALB Bible Books and Chapters