Jobi 19 | ALB Bible Study

« Jobi 18

Jobi 20 »

Jobi 19:1 (ALB)
Atëherë Jobi u përgjigj dhe tha:

Jobi 19:2 (ALB)
"Deri kur do të hidhëroni shpirtin tim dhe do të më mundoni me ligjëratat tuaja?

Jobi 19:3 (ALB)
U bënë dhjetë herë që më përqeshni dhe nuk keni turp që më fyeni.

Jobi 19:4 (ALB)
Edhe sikur të ishte e vërtetë që kam gabuar, gabimi im më përket vetëm mua.

Jobi 19:5 (ALB)
Por në rast se doni pikërisht të bëheni kryelartë me mua duke më qortuar për objektin e turpit tim,

Jobi 19:6 (ALB)
mësoni atëherë që Perëndia më ka trajtuar në mënyrë të padrejtë dhe më ka zënë në rrjetat e tij.

Jobi 19:7 (ALB)
Ja, unë bërtas: "Dhunë!," por nuk kam asnjë përgjigje; bërtas për ndihmë, por drejtësi nuk ka!

Jobi 19:8 (ALB)
Më ka prerë rrugën dhe kështu nuk mund të kaloj; përhapi terrin në rrugën time.

Jobi 19:9 (ALB)
Më ka zhveshur nga nderi im dhe më ka hequr nga koka kurorën.

Jobi 19:10 (ALB)
Më ka shkatërruar nga të gjitha anët dhe unë po shkoj; e ka shkulur si një dru shpresën time.

Jobi 19:11 (ALB)
Zemërimi i tij kundër meje është, ndezur dhe më konsideron si armik të tij.

Jobi 19:12 (ALB)
Ushtarët e tij kanë ardhur të gjithë së bashku dhe kanë ndërtuar rrugën e tyre kundër meje; kanë ngritur kampin e tyre rreth çadrës sime.

Jobi 19:13 (ALB)
Ai ka larguar nga unë vëllezërit e mi, dhe të njohurit e mi janë bërë plotësisht të huaj me mua.

Jobi 19:14 (ALB)
Farefisi im më ka braktisur dhe miqtë e mi të ngushtë më kanë harruar.

Jobi 19:15 (ALB)
Shërbëtorët dhe shërbëtoret e mi më trajtojnë si një njeri të huaj, në sytë e tyre jam një i huaj.

Jobi 19:16 (ALB)
Thërras shërbëtorin tim, por ai nuk përgjigjet; duhet t’i lutem me gojën time.

Jobi 19:17 (ALB)
Fryma ime është e neveritshme për gruan time, dhe jam i neveritshëm edhe për fëmijët e barkut tim.

Jobi 19:18 (ALB)
Edhe fëmijët më përçmojnë; në rast se provoj të ngrihem, flasin kundër meje.

Jobi 19:19 (ALB)
Tërë miqtë më të ngushtë kanë lemeri prej meje, edhe ata që doja janë ngritur kundër meje.

Jobi 19:20 (ALB)
Kockat e mia i ngjiten lëkurës sime dhe mishit tim dhe nuk më ka mbetur veç se lëkura e dhëmbëve.

Jobi 19:21 (ALB)
Mëshiromëni, mëshiromëni, të paktën ju, miqtë e mi, sepse dora e Perëndisë më ka goditur.

Jobi 19:22 (ALB)
Pse më persekutoni si bën Perëndia dhe nuk ngopeni kurrë me mishin tim?

Jobi 19:23 (ALB)
Ah sikur fjalët e mia të ishin të shkruara; ah sikur të kishin zënë vend në një libër;

Jobi 19:24 (ALB)
sikur të ishin të gdhendura përjetë mbi një shkëmb me një stil prej hekuri dhe me plumb!

Jobi 19:25 (ALB)
Por unë e di që Shpëtimtari im jeton dhe që në fund do të ngrihet mbi tokë.

Jobi 19:26 (ALB)
Mbas shkatërrimit të lëkurës sime, në mishin tim do të shoh Perëndinë.

Jobi 19:27 (ALB)
Do ta shoh unë vetë; sytë e mi do ta sodisin, dhe jo një tjetër. Po më shkrihet zemra.

Jobi 19:28 (ALB)
Në rast se thoni: "Pse e persekutojmë?"; kur rrënja e këtyre të këqijave ndodhet tek unë,

Jobi 19:29 (ALB)
ju druani për veten tuaj shpatën, sepse zemërimi sjell ndëshkimin e shpatës, me qëllim që të dini që ekziston një gjykim".

Previous Chapter
« Jobi 18

Next Chapter
Jobi 20 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

ALB Book Selection List

View full list of ALB Bible Books and Chapters