Jobi 21 | ALB Bible Study

Jobi 21:1 (ALB)
Atëherë Jobi u përgjigj dhe tha:

Jobi 21:2 (ALB)
"Dëgjoni me kujdes atë që kam për të thënë, dhe kjo të jetë kënaqësia që më jepni.

Jobi 21:3 (ALB)
Kini durim me mua dhe më lini të flas dhe, kur të kem folur, edhe talluni me mua.

Jobi 21:4 (ALB)
A ankohem vallë për një njeri? Dhe pse fryma ime nuk duhet të trishtohet?

Jobi 21:5 (ALB)
Shikomëni dhe habituni, dhe vini dorën mbi gojë.

Jobi 21:6 (ALB)
Kur e mendoj, më zë frika dhe mishi im fillon të dridhet.

Jobi 21:7 (ALB)
Pse, pra, jetojnë të pabesët dhe pse plaken dhe shtojnë pasuritë e tyre?

Jobi 21:8 (ALB)
Pasardhësit e tyre fuqizohen bashkë me ta nën vështrimet e tyre dhe fëmijët e tyre lulëzojnë në sytë e tyre.

Jobi 21:9 (ALB)
Shtëpitë e tyre janë në siguri, pa tmerre, dhe fshikulli i Perëndisë nuk rëndon mbi ta.

Jobi 21:10 (ALB)
Demi i tyre mbars dhe nuk gabon, lopa e tyre pjell pa dështuar.

Jobi 21:11 (ALB)
Dërgojnë jashtë si një kope të vegjlit e tyre dhe bijtë e tyre hedhin valle.

Jobi 21:12 (ALB)
Këndojnë në tingujt e timpanit dhe të qestes dhe kënaqen me zërin e flautit.

Jobi 21:13 (ALB)
I kalojnë në mirëqënie ditët e tyre, pastaj një çast zbresin në Sheol.

Jobi 21:14 (ALB)
Megjithatë i thonin Perëndisë: "Largohu nga ne, sepse nuk dëshirojmë aspak të njohim rrugët e tua.

Jobi 21:15 (ALB)
Kush është i Plotfuqishmi të cilit duhet t’i shërbejmë? Ç’përfitojmë veç kësaj kur e lusim?".

Jobi 21:16 (ALB)
Ja, begatia e tyre a nuk është vallë në duart e tyre? Këshilla e të pabesëve është mjaft larg meje.

Jobi 21:17 (ALB)
Sa herë shuhet llamba e të këqijve ose shkatërrimi bie mbi ta, vuajtjet që Perëndia cakton në zemërimin e tij?

Jobi 21:18 (ALB)
A janë ata si kashta përpara erës ose si byku që e merr me vete stuhia?

Jobi 21:19 (ALB)
Ju thoni se Perëndia ruan dënimin e paudhësisë së dikujt për bijtë e tij. Ta shpaguajë Perëndia, që ai të mund ta kuptojë.

Jobi 21:20 (ALB)
Të shohë me sytë e tij shkatërrimin e vet dhe të pijë nga zemërimi i të Plotfuqishmit!

Jobi 21:21 (ALB)
Çfarë i hyn në punë në fakt shtëpia e tij mbas vdekjes, kur numri i muajve të tij është mbushur?

Jobi 21:22 (ALB)
A mundet ndokush t’i mësojë Perëndisë njohuri, atij që gjykon ata që ndodhen atje lart?

Jobi 21:23 (ALB)
Dikush vdes kur ka plot fuqi, i qetë dhe i sigurt;

Jobi 21:24 (ALB)
ka kovat plot me qumësht dhe palca e kockave të tij është e freskët.

Jobi 21:25 (ALB)
Një tjetër përkundrazi vdes me shpirt të hidhëruar, pa pasë shijuar kurrë të mirën.

Jobi 21:26 (ALB)
Që të dy dergjen bashkë në pluhur dhe krimbat i mbulojnë.

Jobi 21:27 (ALB)
Ja, unë i njoh mendimet tuaja dhe planet me të cilat doni të ushtroni dhunën kundër meje.

Jobi 21:28 (ALB)
Në fakt ju thoni: "Ku është shtëpia e princit, dhe ku është çadra, banesa e njerëzve të këqij?".

Jobi 21:29 (ALB)
Nuk i keni pyetur ata që udhëtojnë dhe nuk i njihni shenjat e tyre?

Jobi 21:30 (ALB)
Njerëzit e këqij në fakt shpëtojnë ditën e shkatërrimit dhe çohen në shpëtim ditën e zemërimit.

Jobi 21:31 (ALB)
Kush e qorton për sjelljen e tij dhe kush i jep shpagim për atë që ka bërë?

Jobi 21:32 (ALB)
Atë e çojnë në varr dhe i bëjnë roje varrit të tij.

Jobi 21:33 (ALB)
Plisat e luginës do të jenë të ëmbël për të; tërë njerëzia do ta ndjekë, ndërsa një mori pa fund i shkon para.

Jobi 21:34 (ALB)
Si mund të më ngushëlloni pra, me fjalë të kota, kur nga fjalët tuaja nuk mbetet veçse gënjeshtra?".

Previous Chapter
« Jobi 20

Next Chapter
Jobi 22 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42