Jobi 35 | ALB Bible Study

Jobi 35:1 (ALB)
Elihu vazhdoi të flasë dhe tha:

Jobi 35:2 (ALB)
"A të duket një gjë e drejtë kur thua: "Jam më i drejtë se Perëndia"?

Jobi 35:3 (ALB)
Në fakt ke thënë: "Ç’dobi ke? Çfarë dobie do të kisha nga mëkati im?".

Jobi 35:4 (ALB)
Do të të përgjigjem ty dhe miqve të tu bashkë me ty.

Jobi 35:5 (ALB)
Sodite qiellin dhe shiko me kujdes; shih retë, që ndodhen më lart se ti.

Jobi 35:6 (ALB)
Në qoftë se ti mëkaton, çfarë efekti ka mbi të? Në qoftë se ti i shumëzon prapësitë e tua çfarë dëmi i shkakton?

Jobi 35:7 (ALB)
Në rast se je i drejtë, çfarë i jep, ose çfarë merr ai nga dora jote?

Jobi 35:8 (ALB)
Ligësia jote mund të dëmtojë vetëm një njeri si ti, dhe drejtësia jote mundet t’i sjellë vetëm dobi birit të një njeriu.

Jobi 35:9 (ALB)
Ngrihet zëri për numrin e madh të shtypjeve, ngrihet zëri për të kërkuar ndihmë për shkak të dhunës së të fuqishmëve;

Jobi 35:10 (ALB)
por asnjeri nuk thotë: "Ku është Perëndia, krijuesi im, që natën të jep këngë gëzimi,

Jobi 35:11 (ALB)
që na mëson më tepër gjëra se sa kafshëve të fushave dhe na bën më të urtë se zogjtë e qiellit?"

Jobi 35:12 (ALB)
Kështu ngrihen zëra, por ai nuk përgjigjet për shkak të krenarisë së njerëzve të këqij.

Jobi 35:13 (ALB)
Me siguri Perëndia nuk ka për t’i dëgjuar ligjëratat boshe dhe i Plotfuqishmi nuk do t’jua vërë veshin.

Jobi 35:14 (ALB)
Edhe sikur ti të thuash se nuk e shikon atë, çështja jote qëndron para tij, dhe ti duhet të presësh.

Jobi 35:15 (ALB)
Por tani, duke qenë se në zemërimin e tij ai nuk dënon dhe nuk u jep shumë rëndësi shkeljeve,

Jobi 35:16 (ALB)
Jobi hap kot buzët dhe mbledh fjalë që nuk kanë arsye".

Previous Chapter
« Jobi 34

Next Chapter
Jobi 36 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42