Jobi 13 | ALB Bible Study

Jobi 13:1 (ALB)
"Ja, tërë këtë syri im e pa dhe veshi im e dëgjoi dhe e kuptoi.

Jobi 13:2 (ALB)
Atë që ju dini e di edhe unë; nuk vij pas jush.

Jobi 13:3 (ALB)
Por do të dëshiroja të flas me të Plotfuqishmin, do të më pëlqente të diskutoja me Perëndinë;

Jobi 13:4 (ALB)
sepse ju jeni trillues gënjeshtrash, jeni të gjithë mjekë pa asnjë vlerë.

Jobi 13:5 (ALB)
Oh, sikur të heshtnit fare, kjo do të ishte dituria juaj.

Jobi 13:6 (ALB)
Dëgjoni tani mbrojtjen time dhe vini re deklaratat e buzëve të mia.

Jobi 13:7 (ALB)
A doni vallë të flisni në mënyrë të mbrapshtë në mbrotje të Perëndisë dhe të flisni në favor të tij me mashtrime?

Jobi 13:8 (ALB)
A doni të përdorni anësi me të ose të mbroni një kauzë të Perëndisë?

Jobi 13:9 (ALB)
Do të ishte më mirë për ju që ai t’ju hetonte, apo talleni me të ashtu si talleni me një njeri?

Jobi 13:10 (ALB)
Me siguri ai do t’ju qortojë, në rast se fshehurazi veproni me anësi.

Jobi 13:11 (ALB)
Madhëria e tij vallë a nuk do t’ju kallë frikë dhe tmerri i tij a nuk do të bjerë mbi ju?

Jobi 13:12 (ALB)
Thëniet tuaja moralizuese janë proverba prej hiri, argumentet tuaja më të mira nuk janë veçse argumente prej argjila.

Jobi 13:13 (ALB)
Heshtni dhe më lini mua të flas, pastaj le të më ndodhë çfarë të dojë.

Jobi 13:14 (ALB)
Pse duhet ta mbaj mishin tim me dhëmbët dhe ta vë jetën time në duart e mia?

Jobi 13:15 (ALB)
Ja, ai do të më vrasë, nuk kam më shpresë; sidoqoftë, do ta mbroj para tij qëndrimin tim.

Jobi 13:16 (ALB)
Ai do të jetë edhe shpëtimi im, sepse një i pabesë nuk do të guxonte të paraqitej para tij.

Jobi 13:17 (ALB)
Dëgjoni me vëmendje fjalimin tim dhe deklaratat e mia me veshët tuaj.

Jobi 13:18 (ALB)
Ja, unë e kam përgatitur kauzën time; e di që do të njihem si i drejtë.

Jobi 13:19 (ALB)
Kush kërkon, pra, të hahet me mua? Sepse atëherë do të heshtja dhe do të vdisja.

Jobi 13:20 (ALB)
Vetëm mos bëj dy gjëra me mua, dhe nuk do t’i fshihem pranisë sate;

Jobi 13:21 (ALB)
largoje dorën nga unë dhe tmerri yt të mos më kallë më frikë.

Jobi 13:22 (ALB)
Pastaj mund edhe të më thërrasësh edhe unë do të përgjigjem, ose do të flas unë, dhe ti do të përgjigjesh.

Jobi 13:23 (ALB)
Sa janë fajet e mia dhe mëkatet e mia? Më bëj të ditur shkeljet e mia dhe mëkatin tim!

Jobi 13:24 (ALB)
Pse më fsheh fytyrën tënde dhe më konsideron si armikun tënd?

Jobi 13:25 (ALB)
Mos do vallë të trembësh një gjethe të shtyrë sa andej dhe këndej dhe të ndjekësh ca kashtë të thatë?

Jobi 13:26 (ALB)
Pse shkruan kundër meje gjëra të hidhura dhe bën që të rëndojë mbi mua trashëgimia e fajeve të rinisë sime?

Jobi 13:27 (ALB)
Ti i vë këmbët e mia në pranga dhe kqyr me kujdes rrugët e mia; ti vendos një cak për tabanin e këmbëve të mia,

Jobi 13:28 (ALB)
Ndërkaq trupi im po shpërbëhet si një send i kalbur, si një rrobë që e ka grirë mola".

Previous Chapter
« Jobi 12

Next Chapter
Jobi 14 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42