Jobi 33 | ALB Bible Study

« Jobi 32

Jobi 34 »

Jobi 33:1 (ALB)
"Tani pra, Job, dëgjo atë që kam për të thënë dhe vëru veshin gjithë fjalëve të mia!

Jobi 33:2 (ALB)
Ja, unë po hap gojën dhe gjuha ime flet në gojën time.

Jobi 33:3 (ALB)
Fjalët e mia burojnë nga një zemër e drejtë, buzët e mia do të thonë njohuri të pastra.

Jobi 33:4 (ALB)
Fryma e Perëndisë më ka krijuar dhe fryma e të Plotfuqishmit më jep jetë.

Jobi 33:5 (ALB)
Në rast se mundesh, m’u përgjigj; përgatitu gjithashtu të mbrosh pozitat e tua.

Jobi 33:6 (ALB)
Ja, unë jam i barabartë me ty përpara Perëndisë; edhe unë jam formuar nga argjili.

Jobi 33:7 (ALB)
Ja, asnjë frikë nga unë nuk duhet të të lemerisë, dhe dora ime nuk do të rëndojë mbi ty.

Jobi 33:8 (ALB)
Por ti u ke thënë veshëve të mi dhe dëgjova tingullin e fjalëve të tua, që thonin:

Jobi 33:9 (ALB)
"Una jam i pastër, pa mëkat; jam i pafajmë, nuk ka asnjë faj tek unë.

Jobi 33:10 (ALB)
Por Perëndia gjen kundër meje shkaqe armiqësie dhe më konsideron armikun e tij;

Jobi 33:11 (ALB)
i fut këmbët e mia në pranga dhe kqyr gjithë hapat e mia".

Jobi 33:12 (ALB)
Mirë, pra, unë të them se këtu nuk ke të drejtë, sepse Perëndia është më i madh se njeriu.

Jobi 33:13 (ALB)
Pse hahesh me të, kur ai nuk jep llogari për asnjë nga veprimet e tij?

Jobi 33:14 (ALB)
Në fakt Perëndia flet në një mënyrë apo në një tjetër por njeriu nuk e vë re:

Jobi 33:15 (ALB)
në një ëndërr, në një vegim të natës, kur një gjumë i rëndë i zë njerëzit, kur dremitin në shtretërit e tyre.

Jobi 33:16 (ALB)
Atëherë ai hap veshët e njerëzve dhe vulos paralajmërimet që u bën,

Jobi 33:17 (ALB)
për ta larguar njeriun nga veprimet e tij dhe për ta mbajtur larg nga kryelartësia,

Jobi 33:18 (ALB)
për të shpëtuar shpirtin e tij nga gropa dhe për të penguar që jeta e tij të mbarojë nga shpata.

Jobi 33:19 (ALB)
Njeriu paralajmërohet gjithashtu me dhembjen në shtratin e vet dhe me torturën e pandërprerë të kockave të tij,

Jobi 33:20 (ALB)
aq sa i neveritet buka dhe madje edhe ushqimet më të shijshme.

Jobi 33:21 (ALB)
Mishi konsumohet sa mbyll e hap sytë, ndërsa kockat e tij, që më parë nuk dukeshin, tani dalin jashtë;

Jobi 33:22 (ALB)
kështu shpirti i tij i afrohet gropës dhe jeta e tij atyre që sjellin vdekjen.

Jobi 33:23 (ALB)
Por në rast se pranë tij ka një engjëll, një interpret, një i vetëm ndër një mijë, që t’i tregojë njeriut detyrën e tij.

Jobi 33:24 (ALB)
Perëndisë i vjen keq për të dhe thotë: "Kurseje që të mos zbresë në gropë; gjeta shpengimin për të".

Jobi 33:25 (ALB)
Atëherë mishi i tij do të bëhet më i freskët se kur ishte fëmijë dhe ai do të kthehet në ditët e rinisë së tij.

Jobi 33:26 (ALB)
Do t’i lutet fort Perëndisë, do të gjejë hir pranë tij dhe do të mund të sodisë fytyrën e tij me gëzim, sepse Perëndia do ta ketë rivendosur njeriun në drejtësinë e tij.

Jobi 33:27 (ALB)
Duke iu drejtuar njerëzve, do të thotë: "Kam mëkatuar dhe kam shkelur drejtësinë, dhe nuk u ndëshkova siç e meritoja.

Jobi 33:28 (ALB)
Perëndia i ka shpenguar shpirtin tim, që të mos zbriste në gropë dhe jeta ime mund të shohë dritën".

Jobi 33:29 (ALB)
Ja, Perëndia e bën këtë dy herë, tri herë me njeriun,

Jobi 33:30 (ALB)
për të shpëtuar shpirtin e tij nga gropa dhe për ta ndriçuar me dritën e jetës.

Jobi 33:31 (ALB)
Ki kujdes, Jobi, dëgjomë; rri në heshtje, dhe unë do të flas.

Jobi 33:32 (ALB)
Në qoftë se ke diçka për të thënë, përgjigjmu, folë, sepse do të dëshiroja të të jepja të drejtë.

Jobi 33:33 (ALB)
Përndryshe dëgjomë; hesht dhe unë do të të mësoj diturinë".

Previous Chapter
« Jobi 32

Next Chapter
Jobi 34 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

ALB Book Selection List

View full list of ALB Bible Books and Chapters