Jobi 5 | ALB Bible Study

Jobi 5:1 (ALB)
"Bërtit, pra! A ka vallë ndonjë që të përgjigjet? Kujt prej shenjtorëve do t’i drejtohesh?

Jobi 5:2 (ALB)
Zemërimi në fakt e vret të pamendin dhe zilia e vret budallanë.

Jobi 5:3 (ALB)
E kam parë të pamendin të lëshojë rrënjë, por shumë shpejt e mallkova banesën e tij.

Jobi 5:4 (ALB)
Bijtë e tij nuk kanë asnjë siguri, janë të shtypur te porta, dhe nuk ka njeri që t’i mbrojë.

Jobi 5:5 (ALB)
I urituri përpin të korrat e tij, ia merr edhe sikur të jenë midis gjembave, dhe një lak përpin pasurinë e tij.

Jobi 5:6 (ALB)
Sepse shpirtligësia nuk del nga pluhuri dhe mundimi nuk mbin nga toka;

Jobi 5:7 (ALB)
por njeriu lind për të vuajtur, ashtu si shkëndija për t’u ngjitur lart.

Jobi 5:8 (ALB)
Por unë do të kërkoja Perëndinë, dhe Perëndisë do t’i besoja çështjen time,

Jobi 5:9 (ALB)
atij që bën gjëra të mëdha dhe që nuk mund të njihen; mrekulli të panumërta,

Jobi 5:10 (ALB)
që i jep shiun tokës dhe dërgon ujin në fushat;

Jobi 5:11 (ALB)
që ngre të varfrit dhe vë në siguri lart ata që vuajnë.

Jobi 5:12 (ALB)
I bën të kota synimet e dinakëve, dhe kështu duart e tyre nuk mund të realizojnë planet e tyre;

Jobi 5:13 (ALB)
i merr të urtët në dredhinë e tyre, dhe kështu këshilla e të pandershmëve shpejt bëhet tym.

Jobi 5:14 (ALB)
Gjatë ditës ata hasin në errësirë, bash në mesditë ecin me tahmin sikur të ishte natë;

Jobi 5:15 (ALB)
por Perëndia e shpëton nevojtarin nga shpata, nga goja e të fuqishmëve dhe nga duart e tyre.

Jobi 5:16 (ALB)
Kështu ka shpresë për të mjerin, por padrejtësia ia mbyll gojën atij.

Jobi 5:17 (ALB)
Ja, lum njeriu që Perëndia dënon; prandaj ti mos e përbuz ndëshkimin e të Plotfuqishmit;

Jobi 5:18 (ALB)
sepse ai e bën plagën, dhe pastaj e fashon, plagos, por duart e tij shërojnë.

Jobi 5:19 (ALB)
Nga gjashtë fatkeqësi ai do të të çlirojë, po, në të shtatën e keqja nuk do të të prekë.

Jobi 5:20 (ALB)
Në kohë zie do të të shpëtojë nga vdekja, në kohë lufte nga forca e shpatës.

Jobi 5:21 (ALB)
Do t’i shpëtosh fshikullit të gjuhës, nuk do të trembesh kur të vijë shkatërrimi.

Jobi 5:22 (ALB)
Do të qeshësh me shkatërrimin dhe me zinë, dhe nuk do të kesh frikë nga bishat e dheut;

Jobi 5:23 (ALB)
sepse do të kesh një besëlidhje me gurët e dheut, dhe kafshët e fushave do të jenë në paqe me ty.

Jobi 5:24 (ALB)
Do të dish që çadra jote është e siguruar; do të vizitosh kullotat e tua dhe do të shikosh që nuk mungon asgjë.

Jobi 5:25 (ALB)
Do të kuptosh që pasardhësit e tu janë të shumtë dhe të vegjlit e tu si bari i fushave.

Jobi 5:26 (ALB)
Do të zbresësh në varr në moshë të shkuar, ashtu si në stinën e vet mblidhet një tog duajsh.

Jobi 5:27 (ALB)
Ja ç’kemi gjetur; kështu është. Dëgjoje dhe përfito".

Previous Chapter
« Jobi 4

Next Chapter
Jobi 6 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42