Jobi 10 | ALB Bible Study

Jobi 10:1 (ALB)
"Jam neveritur nga jeta ime; do të shfryj lirisht vajtimin tim, duke folur në trishtimin e shpirtit tim!

Jobi 10:2 (ALB)
Do t’i them Perëndisë: "Mos më dëno! Bëmë të ditur pse grindesh me mua.

Jobi 10:3 (ALB)
A të duket mirë të shtypësh, të përçmosh veprën e duarve të tua dhe të tregohesh në favor të qëllimeve të njerëzve të këqij?

Jobi 10:4 (ALB)
A ke sy prej mishi, apo shikon edhe ti si shikon njeriu?

Jobi 10:5 (ALB)
A janë vallë ditët e tua si ditët e një të vdekshmi, vitet e tua si ditët e një njeriu,

Jobi 10:6 (ALB)
sepse ti duhet të hetosh lidhur me fajin tim dhe të kërkosh mëkatin tim,

Jobi 10:7 (ALB)
megjithëse e di që nuk jam fajtor dhe që nuk ka njeri që mund të më çlirojë nga dora jote?

Jobi 10:8 (ALB)
Duart e tua më kanë bërë dhe më kanë dhënë trajtë por tani ti kërkon të më zhdukësh.

Jobi 10:9 (ALB)
Mbaj mend, të lutem, që më ke modeluar si argjila, dhe do të më bësh të kthehem në pluhur!

Jobi 10:10 (ALB)
A nuk më ke derdhur vallë si qumështi dhe më ke piksur si djathi?

Jobi 10:11 (ALB)
Ti më ke veshur me lëkurë dhe me mish, më ke thurur me kocka dhe me nerva.

Jobi 10:12 (ALB)
Më ke dhënë jetë dhe dashamirësi, dhe providenca jote është kujdesur për frymën time,

Jobi 10:13 (ALB)
por këto gjëra i fshihje në zemrën tënde; tani unë e di që ti mendoje një gjë të tillë.

Jobi 10:14 (ALB)
Në qoftë se mëkatoj, ti më ndjek me sy dhe nuk më lë të pandëshkuar për fajin tim.

Jobi 10:15 (ALB)
Në qoftë se jam i keq, mjerë unë! Edhe sikur të jem i drejtë, nuk do të guxoja të ngrija kokën, i ngopur siç jam nga poshtërsia dhe duke parë mjerimin tim.

Jobi 10:16 (ALB)
Në rast se ngre kryet, ti më ndjek si luani, duke kryer përsëri mrekulli kundër meje.

Jobi 10:17 (ALB)
Ti i përtërin dëshmitarët kundër meje, e shton zemërimin tënd kundër meje dhe trupa gjithnjë të reja më sulmojnë.

Jobi 10:18 (ALB)
Pse, pra, më nxore nga barku? Të kisha vdekur, pa më parë sy njeriu!

Jobi 10:19 (ALB)
Do të kisha qenë sikur të mos kisha ekzistuar kurrë, i mbartur nga barku në varr.

Jobi 10:20 (ALB)
A nuk janë vallë të pakta ditët e mia? Jepi fund, pra, lërmë të qetë që të mund ta mbledh pak veten;

Jobi 10:21 (ALB)
para se të shkoj për të mos u kthyer më, drejt vendit të errësirës dhe të hijes së vdekjes,

Jobi 10:22 (ALB)
të vendit të territ dhe të errësirës së madhe të hijes së vdekjes, ku ka vetëm pështjellim, ku madje edhe drita është si errësira".

Previous Chapter
« Jobi 9

Next Chapter
Jobi 11 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

ALB Book Selection List

View full list of ALB Bible Books and Chapters