Jobi 27 | ALB Bible Study

Jobi 27:1 (ALB)
Jobi e mori fjalën përsëri dhe tha:

Jobi 27:2 (ALB)
"Ashtu si rron Perëndia që më ka hequr të drejtën time dhe i Plotfuqishmi që më ka hidhëruar shpirtin,

Jobi 27:3 (ALB)
deri sa të ketë një frymë jete tek unë dhe të jetë fryma e Perëndisë në flegrat e hundës sime,

Jobi 27:4 (ALB)
buzët e mia nuk do të thonë asnjë ligësi, as gjuha ime nuk ka për të shqiptuar asnjë gjë të rreme.

Jobi 27:5 (ALB)
Nuk do të pranoj që ju keni të drejtë; deri në regëtimat e fundit nuk do të heq dorë nga ndershmëria ime.

Jobi 27:6 (ALB)
Do të qëndroj i patundur në drejtësinë time, pa bërë lëshime; zemra nuk më qorton asnjë nga ditët e mia.

Jobi 27:7 (ALB)
Armiku im qoftë si njeriu i keq, dhe ai që ngrihet kundër meje ashtu si njeriu i padrejtë.

Jobi 27:8 (ALB)
Çfarë shprese mund të ketë në fakt i pabesi, edhe sikur të arrijë të sigurojë fitime, kur Perëndia i heq jetën?

Jobi 27:9 (ALB)
A do ta dëgjojë Perëndia britmën e tij, kur mbi të do të bjerë fatkeqësia?

Jobi 27:10 (ALB)
A do t’i vërë kënaqësitë e tij vallë tek i Plotfuqishmi dhe do të kërkojë ndihmën e Perëndisë në çdo kohë?

Jobi 27:11 (ALB)
Do t’ju jap mësime mbi fuqinë e Perëndisë, nuk do t’ju fsheh qëllimet e të Plotfuqishmit.

Jobi 27:12 (ALB)
Por ju të gjithë i keni vënë re këto gjëra, pse, pra, silleni në mënyrë kaq të kotë?

Jobi 27:13 (ALB)
Ky është fati që Perëndia i rezervon njeriut të keq, trashëgimia që njerëzit që përdorin dhunën marrin nga i Plotfuqishmi.

Jobi 27:14 (ALB)
Në rast se ka një numër të madh bijsh, këta i destinohen shpatës, dhe trashëgimtarët e tij nuk do të kenë bukë për t’u ngopur.

Jobi 27:15 (ALB)
Ata që do të mbijetojnë pas tij do të varrosen nga vdekja dhe të vejat e tyre nuk do të qajnë.

Jobi 27:16 (ALB)
Në rast se grumbullon argjend si pluhur dhe mbledh rrobe si baltë,

Jobi 27:17 (ALB)
ai i grumbullon, por do t’i veshë i drejti, dhe argjendin do ta ndajë i pafajmi.

Jobi 27:18 (ALB)
Ai ndërton shtëpinë e tij si një mole, si një kasolle që e ka bërë një rojtar.

Jobi 27:19 (ALB)
I pasuri bie në shtrat, por nuk do të bashkohet me njerëzit e tij; hap sytë dhe nuk është më.

Jobi 27:20 (ALB)
Tmerri e kap në befasi si ujërat; në mes të natës një furtunë e rrëmben tinëzisht.

Jobi 27:21 (ALB)
Era e lindjes e merr me vete dhe ai ikën, e fshin nga vendi i tij si një vorbull.

Jobi 27:22 (ALB)
Ajo sulet kundër tij pa mëshirë, ndërsa ai kërkon në mënyrë të dëshpëruar të shpëtojë nga ajo dorë,

Jobi 27:23 (ALB)
njerëzia duartroket në mënyrë tallëse për të dhe fërshëllen kundër tij nga vendi ku ndodhet".

Previous Chapter
« Jobi 26

Next Chapter
Jobi 28 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42