Jobi 41 | ALB Bible Study

Jobi 41:1 (ALB)
A mund ta nxjerrësh Leviathanin me grep ose të mbash të palëvizur gjuhën e tij me një litar?

Jobi 41:2 (ALB)
A mund t’i vësh një xunkth në flegrat e hundës ose t’i shposh nofullën me një çengel?

Jobi 41:3 (ALB)
A do të të lutet ai së tepërmi apo do të të drejtojë fjalë të ëmbla?

Jobi 41:4 (ALB)
A do të lidhë një besëlidhje me ty, që ti ta marrësh si shërbëtor për gjithnjë?

Jobi 41:5 (ALB)
A do të lozësh me të si me një zog apo do ta mbash lidhur për vajzat e tua?

Jobi 41:6 (ALB)
Miqtë e tu do të bëjnë me të takime të mrekullueshme apo do ta ndajnë vallë midis tregtarëve?

Jobi 41:7 (ALB)
A mund të mbulosh lëkurën e tij me shigjeta dhe kokën e tij me fuzhnja?

Jobi 41:8 (ALB)
Vëri duart mbi trupin e tij; do të të kujtohet luftimi dhe nuk ke për ta rifilluar.

Jobi 41:9 (ALB)
Ja, shpresa e atij që e sulmon është e rreme; mjafton ta shikosh dhe të zë tmerri.

Jobi 41:10 (ALB)
Askush nuk ka aq guxim sa ta provokojë. Kush, pra, është në gjendje të qëndrojë i fortë para meje?

Jobi 41:11 (ALB)
Kush më ka bërë një shërbim i pari që unë duhet ta shpërblej? Çdo gjë nën qiejt është imja.

Jobi 41:12 (ALB)
Nuk do t’i kaloj në heshtje gjymtyrët e tij, forcën e tij të madhe dhe bukurinë e armaturës së tij.

Jobi 41:13 (ALB)
Kush mund ta zhveshë nga parzmorja e tij dhe kush mund t’i afrohet me një fre të dyfishtë?

Jobi 41:14 (ALB)
Kush mund të hapë portat e gojës së tij, e rrethuar siç është nga tmerri i dhëmbëve të tij?

Jobi 41:15 (ALB)
Shumë të bukura janë rreshtat e mburojave të tij, të salduara fort si prej një vule.

Jobi 41:16 (ALB)
Ato janë aq afër njëra-tjetrës sa nuk kalon as ajri midis tyre.

Jobi 41:17 (ALB)
Janë të ngjitura njëra me tjetrën, të bashkuara fort midis tyre, dhe nuk mund të ndahen.

Jobi 41:18 (ALB)
Teshtimat e tij japin shkreptima drite dhe sytë e tij janë si qepallat e agimit.

Jobi 41:19 (ALB)
Nga goja e tij dalin flakë, dalin shkëndija zjarri.

Jobi 41:20 (ALB)
Nga flegrat e hundës së tij del tym, si nga një enë që vlon ose nga një kazan.

Jobi 41:21 (ALB)
Fryma e tij i vë zjarrin qymyrit dhe nga goja e tij del flakë.

Jobi 41:22 (ALB)
Forca qëndron te qafa e tij dhe para tij hedh valle tmerri.

Jobi 41:23 (ALB)
Pjesët e flashkëta të mishit të tij janë fort kompakte, janë mjaft të ngjeshura mbi të dhe nuk lëvizin.

Jobi 41:24 (ALB)
Zemra e tij është e fortë si një gur, e fortë si pjesa e poshtme e mokrës.

Jobi 41:25 (ALB)
Kur ngrihet, të fuqishmit kanë frikë, dhe nga tmerri mbeten të hutuar.

Jobi 41:26 (ALB)
Shpata që arrin nuk i bën asgjë, e njëjta gjë ndodh me ushtën, shigjetën dhe shtizën.

Jobi 41:27 (ALB)
E quan hekurin si kashtë dhe bronzin si dru të brejtur nga krimbi.

Jobi 41:28 (ALB)
Shigjeta nuk e bën të ikë; gurët e hobesë për të janë si kallamishte.

Jobi 41:29 (ALB)
Topuzi i duket sikur është kashtë, ai tallet me vringëllimën e ushtës.

Jobi 41:30 (ALB)
Poshtë ka maja të mprehta dhe lë gjurmë si të lesës mbi baltë.

Jobi 41:31 (ALB)
E bën të ziejë humnerën si ndonjë kazan dhe e bën detin si të ishte një enë me melhem.

Jobi 41:32 (ALB)
Lë pas vetes një vazhdë drite dhe humnera duket si e mbuluar nga thinjat.

Jobi 41:33 (ALB)
Mbi tokë nuk ka asgjë që t’i ngjajë, që të jetë bërë pa pasur fare frikë.

Jobi 41:34 (ALB)
Shiko në fytyrë tërë njerëzit mendjemëdhenj; ai është mbret mbi të gjitha bishat më madhështore".

Previous Chapter
« Jobi 40

Next Chapter
Jobi 42 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42