Jobi 36 | ALB Bible Study

« Jobi 35

Jobi 37 »

Jobi 36:1 (ALB)
Elihu vazhdoi edhe më, duke thënë:

Jobi 36:2 (ALB)
"Prit edhe pak dhe do të të tregoj që ka ende gjëra për të thënë nga ana e Perëndisë.

Jobi 36:3 (ALB)
Do ta sjell larg atë që di dhe do t’i jap hak atij që më ka krijuar.

Jobi 36:4 (ALB)
Sigurisht fjalët e mia nuk janë të rreme; para teje ke një njeri me njohuri të përsosur.

Jobi 36:5 (ALB)
Ja, Perëndia është i fuqishëm, por nuk përçmon njeri; është i fuqishëm në forcën e diturisë së tij.

Jobi 36:6 (ALB)
Ai nuk e lë të jetojë njeriun e keq dhe u siguron drejtësinë të shtypurve.

Jobi 36:7 (ALB)
Nuk i heq sytë nga të drejtët, por bën që të ulen për gjithnjë me mbretërit mbi fronin; kështu ata rrinë lart.

Jobi 36:8 (ALB)
Por në rast se janë të lidhur me zinxhira dhe të mbajtur me veriga pikëllimi,

Jobi 36:9 (ALB)
atëherë u tregon veprat e tyre dhe shkeljet e tyre, sepse u është rritur mendja.

Jobi 36:10 (ALB)
Kështu ai ua hap veshët për t’u ndrequr dhe i nxit të largohen nga e keqja.

Jobi 36:11 (ALB)
Në rast se ata e dëgjojnë dhe nënshtrohen, do t’i mbarojnë ditët e tyre në mirëqënie dhe vitet e tyre në gëzime;

Jobi 36:12 (ALB)
por, në rast se nuk e dëgjojnë, do të vdesin nga shpata, do të vdesin pa ardhur në vete.

Jobi 36:13 (ALB)
Por të pabesët nga zemra mbledhin zemërimin, nuk bërtasin për të kërkuar ndihmë,

Jobi 36:14 (ALB)
kështu ata vdesin ende të rinj, dhe jeta e tyre mbaron midis Sodomitëve.

Jobi 36:15 (ALB)
Perëndia çliron të pikëlluarit me anë të pikëllimit të tyre dhe u hap veshët me anë të fatkeqësisë.

Jobi 36:16 (ALB)
Ai dëshiron të të largojë edhe ty nga kafshimi i fatkeqësisë, që të të çojë në një vend të gjerë pa kufizim, me një tryezë të shtruar me ushqime të shijshme.

Jobi 36:17 (ALB)
Por ti je mbushur me mendimin e njeriut të keq, dhe gjykimi e drejtësia do të të kapin.

Jobi 36:18 (ALB)
Në rast se ekziston zemërimi, ki kujdes që ai të mos të të fshijë me një goditje të vetme, sepse një shumë e madhe parash nuk do të mund të largonte.

Jobi 36:19 (ALB)
Vallë a do t’i çmojë pasuritë e tua, kur ai ka ar dhe të gjitha burimet e fuqisë?

Jobi 36:20 (ALB)
Mos dëshiro natën, gjatë së cilës njerëzia çohet larg nga vendi i saj.

Jobi 36:21 (ALB)
Ki kujdes të mos anosh nga paudhësia, sepse ti ke preferuar këtë pikëllim.

Jobi 36:22 (ALB)
Ja, Perëndia ka shkëlqyer në fuqinë e tij; kush mund të na mësojë si ai?

Jobi 36:23 (ALB)
Vallë, kush mund t’i imponojë rrugën që duhet ndjekur dhe kush mund t’i thotë: "Ti ke bërë keq"?

Jobi 36:24 (ALB)
Kujtohu të lartësosh veprat e tij, që njerëzit i kanë kënduar;

Jobi 36:25 (ALB)
tërë njerëzit i admirojnë, vdekatari mund t’i soditë nga larg.

Jobi 36:26 (ALB)
Po, Perëndia është i madh, por ne nuk e njohim, dhe numri i viteve të tij është i panjohshëm.

Jobi 36:27 (ALB)
Ai tërheq atje lart pikat e ujit në formë avulli, i cili dëndësohet pastaj në shi,

Jobi 36:28 (ALB)
që retë zbrazin dhe lëshojnë mbi njeriun në sasi të madhe.

Jobi 36:29 (ALB)
Kush mund të kuptojë shtjellimin e reve, shungullimën që shpërthen në çadrën e tij?

Jobi 36:30 (ALB)
Ja, ai përhap rreth vetes dritën e tij dhe mbulon thellësitë e detit.

Jobi 36:31 (ALB)
Me anë të tyre dënon popujt dhe jep ushqime me shumicë.

Jobi 36:32 (ALB)
Mbulon duart me rrufetë dhe i urdhëron ato të godasin shenjën.

Jobi 36:33 (ALB)
Bubullima flet për të, edhe bagëtia e ndjen furtunën që po vjen.

Previous Chapter
« Jobi 35

Next Chapter
Jobi 37 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

ALB Book Selection List

View full list of ALB Bible Books and Chapters