Jobi 31 | ALB Bible Study

Jobi 31:1 (ALB)
"Unë kisha bërë një besëlidhje me sytë e mi; si mund ta fiksoja, pra, shikimin mbi një virgjëreshë?

Jobi 31:2 (ALB)
Cili është fati që më ka caktuar Perëndia nga atje lart dhe trashëgimia e të Plotfuqishmit nga vendet e larta?

Jobi 31:3 (ALB)
A nuk është vallë fatkeqësia për njeriun e çoroditur dhe mjerimi për atë që kryen të keqen?

Jobi 31:4 (ALB)
Nuk i shikon ai tërë rrugët e mia dhe nuk i numëron të gjitha hapat që bëj?

Jobi 31:5 (ALB)
Në rast se kam vepruar me falsitet, ose në rast se këmba ime është shpejtuar të ndjekë mashtrimin,

Jobi 31:6 (ALB)
le të më peshojë me një peshore të saktë, dhe Perëndia do ta njohë ndershmërinë time.

Jobi 31:7 (ALB)
Në qoftë se hapat e mia kanë dalë nga rruga e drejtë, dhe në qoftë se zemra ime ka ndjekur sytë e mi, apo në se ndonjë njollë u është ngjitur duarve të mia,

Jobi 31:8 (ALB)
le të mbjell unë dhe një tjetër të hajë, dhe pasardhësit e mi u çrrënjofshin.

Jobi 31:9 (ALB)
Në rast se zemra ime është mashtruar nga një grua dhe kam përgjuar në portën e të afërmit tim,

Jobi 31:10 (ALB)
gruaja ime le të bluajë për një tjetër dhe të tjerë u përkulshin mbi të.

Jobi 31:11 (ALB)
Sepse kjo do të ishte një mbrapshti, një faj që duhet të dënohet nga gjyqtarët,

Jobi 31:12 (ALB)
një zjarr që konsumon deri në Abadon, dhe do të kishte shkatërruar deri në rrënjë gjithë të korrat e mia.

Jobi 31:13 (ALB)
Në rast se kam hedhur poshtë të drejtën e shërbëtorit tim dhe të shërbëtores sime, kur po grindeshin me mua,

Jobi 31:14 (ALB)
çfarë do të bëja kur Perëndia të ngrihej kundër meje, dhe si do t’i përgjigjesha kur të më kërkonte llogari?

Jobi 31:15 (ALB)
Ai që më ka bërë mua në barkun e nënës, a nuk e ka bërë edhe atë? A nuk ka qenë po ai Perëndi që na ka krijuar në bark?

Jobi 31:16 (ALB)
Në rast se u kam refuzuar të varfërve atë që dëshironin dhe bëra të veniten sytë e gruas së ve,

Jobi 31:17 (ALB)
në rast se e hëngra vetëm copën e bukës pa i dhënë një pjesë jetimit,

Jobi 31:18 (ALB)
(por që në rininë time unë e rrita si një baba, dhe që në bark të nënës sime e kam ndihmuar gruan e ve)

Jobi 31:19 (ALB)
në rast se kam parë dikë të vdesë për mungesë rrobash ose një të varfër që nuk kishte me se të mbulohej,

Jobi 31:20 (ALB)
në rast se ijet e tij nuk më kanë bekuar, dhe nuk është ngrohur me leshin e qengjave të mi,

Jobi 31:21 (ALB)
në qoftë se kam ngritur dorën kundër jetimit, sepse e dija që do të ndihmohesha tek porta,

Jobi 31:22 (ALB)
supi im u ndaftë nga shpatulla, krahu im u theftë në bërryl!

Jobi 31:23 (ALB)
Sepse fatkeqësia që vjen nga Perëndia më kall drithma, dhe për shkak të madhështisë së tij nuk mund të bëj asgjë.

Jobi 31:24 (ALB)
Në qoftë se kam pasur besim tek ari, dhe arit të kulluar i kam thënë: Ti je shpresa ime,,"

Jobi 31:25 (ALB)
në rast se jam gëzuar sepse pasuritë e mia ishin të mëdha, dhe sepse dora ime ka grumbulluar shumë pasuri,

Jobi 31:26 (ALB)
në qoftë se kam shikuar diellin kur shkëlqen ose hënën që shkonte përpara duke ndritur, dhe zemra ime u mashtrua tinëz dhe goja ime puthi dorën time;

Jobi 31:27 (ALB)
edhe ky do të ishte një faj që duhet të dënohet nga gjyqtarët, sepse do të kisha mohuar Perëndinë që rri aty lart.

Jobi 31:28 (ALB)
Në rast se jam gëzuar për fatkeqësinë e armikut tim dhe u ngrita, sepse e kishte goditur fakeqësia

Jobi 31:29 (ALB)
(por unë nuk e lejova gojën time të mëkatonte, duke i uruar të vdesë me një mallkim);

Jobi 31:30 (ALB)
në qoftë se njerëzit e çadrës sime nuk kanë thënë: "Kush mund të gjejë një që nuk është ngopur me mishin e tij?".

Jobi 31:31 (ALB)
(përveç kësaj asnjë i huaj nuk e kalonte natën jashtë, sepse i hapja portat e mia udhëtarit);

Jobi 31:32 (ALB)
në rast se i kam mbuluar mëkatet e mia si Adami, duke e fshehur fajin tim në gji,

Jobi 31:33 (ALB)
sepse kisha frikë nga turma e madhe dhe përbuzja e familjeve më tmerronte, kështu që rrija i heshtur pa dalë nga shtëpia.

Jobi 31:34 (ALB)
Ah, sikur të kisha një që të më dëgjonte! Ja firma ime! I Plotfuqishmi të më përgjigjet! Kundërshtari im të shkruajë një dokument,

Jobi 31:35 (ALB)
dhe unë do ta mbaja me siguri mbi shpatullat e mia, dhe do ta mbaja si një diademë

Jobi 31:36 (ALB)
do t’i jepja llogari për të gjitha hapat e mia, duke iu paraqitur si një princ.

Jobi 31:37 (ALB)
Në qoftë se toka ime bërtet kundër meje dhe brazdat e saj qajnë bashkë me të,

Jobi 31:38 (ALB)
në rast se kam ngrënë frytin e saj pa paguar, në rast se u kam nxjerrë frymën e fundit zotërve të saj,

Jobi 31:39 (ALB)
në vend të grurit u rritshin ferra dhe barëra të këqija në vend të elbit".

Jobi 31:40 (ALB)
Këtu mbarojnë fjalët e Jobit.

Previous Chapter
« Jobi 30

Next Chapter
Jobi 32 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

ALB Book Selection List

View full list of ALB Bible Books and Chapters