Jobi 12 | ALB Bible Study

« Jobi 11

Jobi 13 »

Jobi 12:1 (ALB)
Atëherë Jobi u përgjigj dhe tha:

Jobi 12:2 (ALB)
"Pa dyshim ju jeni njerëz të urtë, dhe dituria do të marrë fund me ju.

Jobi 12:3 (ALB)
Edhe unë kam mendje si ju, dhe nuk bie më poshtë se ju; përveç kësaj, kush nuk i di gjërat si këto?

Jobi 12:4 (ALB)
Jam bërë gazi i miqve të mi; unë, të cilit Perëndia i përgjigjej kur i drejtohesha; të drejtin, të ndershmin, e kanë vënë në lojë.

Jobi 12:5 (ALB)
Një llambë, e përçmuar në mendimet e atyre që jetojnë në mes të të mirave, është përgatitur për ata të cilëve u merren këmbët.

Jobi 12:6 (ALB)
Çadrat e cubave përkundrazi janë të qeta dhe e ndjejnë veten të sigurt ata që provokojnë Perëndinë dhe që e hyjnizojnë forcën e tyre.

Jobi 12:7 (ALB)
Por pyeti tani kafshët dhe do të të mësojnë, zogjtë e qiellit dhe do të ta thonë,

Jobi 12:8 (ALB)
ose foli tokës, dhe ajo do të të mësojë, dhe peshqit e detit do të ta tregojnë.

Jobi 12:9 (ALB)
Midis tërë këtyre krijesave, cila nuk e di që dora e Zotit i ka bërë këto?

Jobi 12:10 (ALB)
Ai ka në dorë të tij jetën e çdo gjallese dhe frymën e çdo qenieje njerëzore.

Jobi 12:11 (ALB)
Veshi a nuk i shqyrton vallë fjalët, ashtu si i shijon qiellza ushqimet?

Jobi 12:12 (ALB)
Ndër pleqtë gjejmë diturinë, dhe gjatësia e ditëve u jep edhe gjykimin.

Jobi 12:13 (ALB)
Por tek ai gjejmë diturinë dhe forcën, atij i përkasin mendja dhe gjykimi.

Jobi 12:14 (ALB)
Në rast se ai shkatërron, askush nuk mund të rindërtojë; në rast se fut në burg dikë, askush nuk mund t’ia hapë.

Jobi 12:15 (ALB)
Në rast se i ndal ujërat, çdo gjë thahet; po t’i lërë të lira, përmbytin tokën.

Jobi 12:16 (ALB)
Ai zotëron forcën dhe diturinë; prej tij varen ai që mashtrohet dhe ai që mashtron.

Jobi 12:17 (ALB)
Ai i bën këshilltarët të ecin zbathur, i bën gjyqtarët të pamend.

Jobi 12:18 (ALB)
Këput verigat e imponuara nga mbretërit dhe lidh me zinxhirë ijet e tyre.

Jobi 12:19 (ALB)
I bën që të ecin zbathur priftërinjtë dhe përmbys të fuqishmit.

Jobi 12:20 (ALB)
I lë pa gojë ata tek të cilët ka besim dhe i lë pa mend pleqtë.

Jobi 12:21 (ALB)
Zbraz përçmimin mbi fisnikët dhe ua liron brezin të fortëve.

Jobi 12:22 (ALB)
Zbulon gjërat e thella të fshehura në terr dhe sjell në dritë hijen e vdekjes.

Jobi 12:23 (ALB)
I bën të mëdha kombet dhe pastaj i shkatërron, i zgjeron kombet dhe pastaj i mërgon.

Jobi 12:24 (ALB)
U heq arsyen sundimtarëve të tokës dhe i bën të enden në vende të shkreta pa rrugë.

Jobi 12:25 (ALB)
Ecin verbërisht në terr pa dritë dhe i bën të ecin si të dehur".

Previous Chapter
« Jobi 11

Next Chapter
Jobi 13 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

ALB Book Selection List

View full list of ALB Bible Books and Chapters