Jobi 20 | ALB Bible Study

Jobi 20:1 (ALB)
Atëherë Zofari nga Naamathi u përgjigj dhe tha:

Jobi 20:2 (ALB)
"Për këtë mendimet e mia më shtyjnë të përgjigjem, për shkak të shqetësimit që ndjej brenda vetes sime.

Jobi 20:3 (ALB)
Kam dëgjuar një qortim që më turpëron, por fryma ime më shtyn të përgjigjem ashtu si e gjykoj.

Jobi 20:4 (ALB)
A nuk e di ti që gjithnjë, qysh prej kohës që njeriu u vu mbi tokë,

Jobi 20:5 (ALB)
triumfi i të këqijve zgjat pak dhe gëzimi i të pabesëve zgjat vetëm një çast?

Jobi 20:6 (ALB)
Edhe sikur madhështia e tij të arrinte deri në qiell dhe koka e tij të prekte retë,

Jobi 20:7 (ALB)
ai do të vdesë për gjithmonë si jashtëqitjet e tij; ata që e kanë parë do të thonë: "Ku është?".

Jobi 20:8 (ALB)
Do të fluturojë si një ëndërr dhe nuk do të gjendet më; do të zhduket si një vegim nate.

Jobi 20:9 (ALB)
Syri që e shihte, nuk do ta dallojë më; edhe banesa e tij nuk do ta shohë më.

Jobi 20:10 (ALB)
Bijtë e tij do të kërkojnë të fitojnë favorin e të varfërve dhe duart e tij do të rivendosin pasurinë e tij.

Jobi 20:11 (ALB)
Forca rinore që i mbushte kockat do të dergjet në pluhur bashkë me të.

Jobi 20:12 (ALB)
Edhe sikur e keqja të jetë e ëmbël në gojën e tij, ai e fsheh atë nën gjuhë,

Jobi 20:13 (ALB)
nuk lejon që të dalë që andej por vazhdon ta mbajë në gojë.

Jobi 20:14 (ALB)
Por ushqimi i tij, që është në zorrët e veta transformohet dhe bëhet një helm gjarpëri brenda tij.

Jobi 20:15 (ALB)
Ai do të vjellë pasuritë që ka gëlltitur; vetë Perëndia do t’ia nxjerrë nga barku.

Jobi 20:16 (ALB)
Ai ka thithur helm gjarpëri, gjuha e një nepërke do ta vrasë.

Jobi 20:17 (ALB)
Nuk ka për të parë më lumenj as përrenj që rrjedhin me mjaltë dhe gjalpë.

Jobi 20:18 (ALB)
Do të kthejë atë për të cilën është lodhur pa e vënë aspak në gojë; nuk do të ketë asnjë gëzim nga përfitimet e tregtisë së tij.

Jobi 20:19 (ALB)
Sepse ka shtypur dhe braktisur të varfrin, ka shtënë në dorë me forcë një shtëpi që nuk e kishte ndërtuar.

Jobi 20:20 (ALB)
Duke qenë se lakmia e tij nuk ka njohur kurrë qetësi, ai nuk do të shpëtojë asgjë nga gjërat që dëshironte aq shumë.

Jobi 20:21 (ALB)
Asgjë nuk do t’i shpëtojë pangopësisë së tij, prandaj mirëqënia e tij nuk do të zgjasë.

Jobi 20:22 (ALB)
Kur të jetë në kulmin e bollëkut do të gjendet ngushtë; dora e të gjithë atyre që vuajnë do të ngrihet kundër tij.

Jobi 20:23 (ALB)
Kur të jetë bërë gati për të mbushur barkun, Perëndia do të dërgojë mbi të zjarrin e zemërimit të tij, që do të bjerë mbi të kur të jetë duke ngrënë.

Jobi 20:24 (ALB)
Ai mund të shpëtojë nga një armë prej hekuri, por atë do ta shpojë një hark prej bronzi.

Jobi 20:25 (ALB)
Nxirret shigjeta që del nga trupi i tij, maja e shndritshme del nga vreri i tij, atë e pushton tmerri.

Jobi 20:26 (ALB)
Errësirë e plotë është caktuar për thesaret e tij; do ta konsumojë një zjarr jo i nxitur; ata që kanë mbetur në çadrën e tij do të jenë në ankth.

Jobi 20:27 (ALB)
Qielli do të zbulojë paudhësinë e tij dhe toka do të ngrihet kundër tij.

Jobi 20:28 (ALB)
Të ardhurat e shtëpisë së tij do t’i merren, do t’i marrin në ditën e zemërimit të tij.

Jobi 20:29 (ALB)
Ky është fati që Perëndia i cakton njeriut të keq, trashëgimi që i është dhënë nga Perëndia.

Previous Chapter
« Jobi 19

Next Chapter
Jobi 21 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

ALB Book Selection List

View full list of ALB Bible Books and Chapters