Jobi 15 | ALB Bible Study

Jobi 15:1 (ALB)
Atëherë Elifazi nga Temani u përgjigj dhe tha:

Jobi 15:2 (ALB)
"Një njeri i urtë a përgjigjet vallë me njohuri të kota, dhe a mbushet me erëra lindore?

Jobi 15:3 (ALB)
Diskuton vallë me ligjërata boshe dhe me fjalë që nuk shërbejnë për asgjë?

Jobi 15:4 (ALB)
Po, ti heq mëshirën dhe eliminon lutjen përpara Perëndisë.

Jobi 15:5 (ALB)
Sepse prapësia jote t’i sugjeron fjalët dhe ti po zgjedh gjuhën e dinakëve.

Jobi 15:6 (ALB)
Jo unë, por vetë goja jote të dënon, dhe vetë buzët e tua dëshmojnë kundër teje.

Jobi 15:7 (ALB)
A je ti vallë i pari njeri që ka lindur apo je formuar përpara kodrave?

Jobi 15:8 (ALB)
A e ke dëgjuar ti këshillën sekrete të Perëndisë apo vetëm ti zotëroke diturinë?

Jobi 15:9 (ALB)
Çfarë di ti që ne nuk e dimë, ose çfarë kupton ti që nuk e kuptojmë edhe ne?

Jobi 15:10 (ALB)
Midis nesh ka njerëz flokëbardhë dhe pleq më të thinjur se ati yt.

Jobi 15:11 (ALB)
Të duken gjëra të vogla përdëllimet e Perëndisë dhe fjalët e ëmbla që të drejton ty?

Jobi 15:12 (ALB)
Pse, pra, zemra jote të çon larg dhe pse sytë e tu vetëtijnë,

Jobi 15:13 (ALB)
duke e drejtuar zemërimin tënd kundër Perëndisë dhe duke nxjerrë nga goja jote fjalë të tilla?".

Jobi 15:14 (ALB)
"Ç’është njeriu që ta konsiderojë veten të pastër dhe i linduri nga një grua për të qenë i drejtë?

Jobi 15:15 (ALB)
Ja, Perëndia nuk u zë besë as shenjtorëve të tij dhe qiejt nuk janë të pastër në sytë e tij;

Jobi 15:16 (ALB)
aq më pak një qenie e neveritshme dhe e korruptuar, njeriu, që e pi paudhësinë sikur të ishte ujë!

Jobi 15:17 (ALB)
Dua të të flas, më dëgjo; do të të tregoj atë që kam parë,

Jobi 15:18 (ALB)
atë që të urtit tregojnë pa fshehur asgjë nga sa kanë dëgjuar prej etërve të tyre,

Jobi 15:19 (ALB)
të cilëve vetëm iu dha ky vend dhe pa praninë e asnjë të huaji në radhët e tyre.

Jobi 15:20 (ALB)
I keqi heq dhembje tërë jetën e tij dhe vitet e caktuara për tiranin janë të numëruara.

Jobi 15:21 (ALB)
Zhurma të llahtarshme arrijnë në veshët e tij, dhe në kohën e bollëkut i sulet rrënuesi.

Jobi 15:22 (ALB)
Nuk ka shpresë kthimi nga errësira, dhe shpata e pret.

Jobi 15:23 (ALB)
Endet e kërkon bukë, po ku mund ta gjejë? Ai e di se dita e territ është përgatitur në krah të tij.

Jobi 15:24 (ALB)
Fatkeqësia dhe ankthi i shtien frikë, e sulmojnë si një mbret gati për betejë,

Jobi 15:25 (ALB)
sepse ka shtrirë dorën e tij kundër Perëndisë, ka sfiduar të Plotfuqishmin,

Jobi 15:26 (ALB)
duke u hedhur me kokëfortësi kundër tij me mburojat e tij të zbukuruara me tokëza.

Jobi 15:27 (ALB)
Ndonëse fytyra e tij është e mbuluar me dhjamë dhe ijet e tij janë fryrë nga shëndoshja e tepërt;

Jobi 15:28 (ALB)
ai banon në qytete të shkretuara, në shtëpi të pabanuara që do të katandisen në grumbuj gërmadhash.

Jobi 15:29 (ALB)
Ai nuk do të pasurohet dhe fati i tij nuk ka për të vazhduar, as edhe pasuria e tij nuk do të shtohet mbi tokë.

Jobi 15:30 (ALB)
Nuk do të arrijë të çlirohet nga terri, flaka do të thajë lastarët e tij, dhe do të çohet larg nga fryma e gojës së tij.

Jobi 15:31 (ALB)
Të mos mbështetet te kotësia; duke gënjyer veten, sepse kotësia ka për të qenë shpërblimi i tij.

Jobi 15:32 (ALB)
Do të kryhet para kohe, dhe degët e tij nuk do të gjelbërojnë më.

Jobi 15:33 (ALB)
Do të jetë si një hardhi nga e cila merret rrushi ende i papjekur, si ulliri nga i cili shkundet lulja.

Jobi 15:34 (ALB)
Sepse familja e hipokritëve do të jetë shterpë dhe zjarri do të përpijë çadrat e njeriut të korruptuar.

Jobi 15:35 (ALB)
Ata sajojnë paudhësinë dhe shkaktojnë shkatërrimin; në gjirin e tyre bluhet mashtrimi.

Previous Chapter
« Jobi 14

Next Chapter
Jobi 16 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42