Jobi 6 | ALB Bible Study

Jobi 6:1 (ALB)
Atëherë Jobi u përgjigj dhe tha:

Jobi 6:2 (ALB)
"Ah, sikur dhembja ime të ishte peshuar tërësisht, dhe fatkeqësia ime të vihej bashkë mbi peshoren,

Jobi 6:3 (ALB)
do të ishte me siguri më e rëndë se rëra e detit! Për këtë arsye fjalët e mia nuk u përfillën.

Jobi 6:4 (ALB)
Duke qenë se shigjetat e të Plotfuqishmit janë brenda meje, shpirti im ua pi vrerin; tmerrete Perëndisë janë renditur kundër meje.

Jobi 6:5 (ALB)
Gomari i egër a pëllet vallë përpara barit, ose kau a buluron para forazhit të tij?

Jobi 6:6 (ALB)
A hahet vallë një ushqim i amësht pa kripë, apo ka ndonjë farë shije në të bardhën e vezës?

Jobi 6:7 (ALB)
Shpirti im nuk pranon të prekë gjëra të tilla, ato për mua janë si një ushqim i neveritshëm.

Jobi 6:8 (ALB)
Ah sikur të mund të kisha atë që kërkoj, dhe Perëndia të më jepte atë që shpresoj!

Jobi 6:9 (ALB)
Dashtë Perëndia të më shtypë, të shtrijë dorën e tij dhe të më shkatërrojë!

Jobi 6:10 (ALB)
Kam megjithatë këtë ngushëllim dhe ngazëllehem në dhembjet që nuk po më kursehen, sepse nuk i kam fshehur fjalët e të Shenjtit.

Jobi 6:11 (ALB)
Cila është forca ime që ende të mund të shpresoj, dhe cili është fundi im që të mund ta zgjas jetën time?

Jobi 6:12 (ALB)
Forca ime a është vallë ajo e gurëve, ose mishi im është prej bronzi?

Jobi 6:13 (ALB)
A s’jam fare pa ndihmë në veten time, dhe a nuk është larguar nga unë dituria?

Jobi 6:14 (ALB)
Për atë që është i pikëlluar, miku duhet të tregojë dhembshuri, edhe në qoftë se ai braktis frikën e të Plotfuqishmit.

Jobi 6:15 (ALB)
Por vëllezërit e mi më kanë zhgënjyer si një përrua, si ujërat e përrenjve që zhduken.

Jobi 6:16 (ALB)
Ato turbullohen për shkak të akullit dhe në to fshihet bora,

Jobi 6:17 (ALB)
por gjatë stinës së nxehtë ato zhduken; me vapën e verës ato nuk duken më në vendin e tyre.

Jobi 6:18 (ALB)
Ato gjarpërojnë në shtigjet e shtretërve të tyre; futen në shketëtirë dhe mbarojnë.

Jobi 6:19 (ALB)
Karvanet e Temas i kërkojnë me kujdes, udhëtarët e Shebës kanë shpresa tek ata,

Jobi 6:20 (ALB)
por ata mbeten të zhgënjyer megjithë shpresat e tyre; kur arrijnë aty mbeten të hutuar.

Jobi 6:21 (ALB)
Tani për mua ju jeni e njëjta gjë, shikoni tronditjen time të thellë dhe keni frikë.

Jobi 6:22 (ALB)
A ju kam thënë vallë: "Më jepni diçka" o "më bëni një dhuratë nga pasuria juaj,"

Jobi 6:23 (ALB)
ose "liromëni nga duart e armikut," ose "më shpengoni nga duart e personave që përdorin dhunën"?

Jobi 6:24 (ALB)
Më udhëzoni, dhe do të hesht; më bëni të kuptoj ku kam gabuar.

Jobi 6:25 (ALB)
Sa të frytshme janë fjalët e drejta! Por çfarë provojnë argumentet tuaja?

Jobi 6:26 (ALB)
Mos keni ndërmend vallë të qortoni ashpër fjalët e mia dhe fjalimet e një të dëshpëruari, që janë si era?

Jobi 6:27 (ALB)
Ju do të hidhnit në short edhe një jetim dhe do të hapnit një gropë për mikun tuaj.

Jobi 6:28 (ALB)
Por tani pranoni të më shikoni, sepse nuk do të gënjej para jush.

Jobi 6:29 (ALB)
Ndërroni mendim, ju lutem, që të mos bëhet padrejtësi! Po, ndërroni mendim, sepse bëhet fjalë për drejtësinë time.

Jobi 6:30 (ALB)
A ka vallë paudhësi në gjuhën time apo qiellza ime nuk i dallon më ligësitë?".

Previous Chapter
« Jobi 5

Next Chapter
Jobi 7 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42