Jobi 3 | ALB Bible Study

Jobi 3:1 (ALB)
Atëherë Jobi hapi gojën dhe mallkoi ditën e lindjes së tij.

Jobi 3:2 (ALB)
Kështu Jobi mori fjalën dhe tha:

Jobi 3:3 (ALB)
"Humbtë dita në të cilën linda dhe nata që tha: "U ngjiz një mashkull!".

Jobi 3:4 (ALB)
Ajo ditë u bëftë terr, mos u kujdesoftë për të Perëndia nga lart, dhe mos shkëlqeftë mbi të drita!

Jobi 3:5 (ALB)
E marrshin përsëri terri dhe hija e vdekjes, qëndroftë mbi të një re, furtuna e ditës e tmerroftë!

Jobi 3:6 (ALB)
Atë natë e marrtë terri, mos hyftë në ditët e vitit, mos hyftë në llogaritjen e muajve!

Jobi 3:7 (ALB)
Po, ajo natë qoftë natë shterpe, mos depërtoftë në të asnjë britmë gëzimi.

Jobi 3:8 (ALB)
E mallkofshin ata që mallkojnë ditën, ata që janë gati të zgjojnë Leviathanin.

Jobi 3:9 (ALB)
U errësofshin yjet e muzgut të tij, le të presë dritën; por mos e pastë fare dhe mos paftë ditën që agon,

Jobi 3:10 (ALB)
sepse nuk e mbylli portën e barkut të nënës sime dhe nuk ua fshehu dhembjen syve të mi.

Jobi 3:11 (ALB)
Pse nuk vdiqa në barkun e nënës sime? Pse nuk vdiqa sapo dola nga barku i saj?

Jobi 3:12 (ALB)
Pse vallë më kanë pritur gjunjët, dhe sisët për të pirë?

Jobi 3:13 (ALB)
Po, tani do të dergjesha i qetë, do të flija dhe do të pushoja,

Jobi 3:14 (ALB)
bashkë me mbretërit dhe me këshilltarët e dheut, që kanë ndërtuar për vete rrënoja të shkretuara,

Jobi 3:15 (ALB)
ose bashkë me princat që kishin ar ose që mbushën me argjend pallatet e tyre.

Jobi 3:16 (ALB)
Ose pse nuk qeshë si një dështim i fshehur, si fëmijët që nuk e kanë parë kurrë dritën?

Jobi 3:17 (ALB)
Atje poshtë të këqinjtë nuk brengosen më, atje poshtë çlodhen të lodhurit.

Jobi 3:18 (ALB)
Atje poshtë të burgosurit janë të qetë bashkë, dhe nuk e dëgjojnë më zërin e xhelatit.

Jobi 3:19 (ALB)
Atje poshtë ka të vegjël dhe të mëdhenj, dhe skllavi është i lirë nga pronari i tij.

Jobi 3:20 (ALB)
Pse t’i japësh dritë fatkeqit dhe jetën atij që ka shpirtin në hidhërim,

Jobi 3:21 (ALB)
të cilët presin vdekjen që nuk vjen, dhe e kërkojnë më tepër se thesaret e fshehura;

Jobi 3:22 (ALB)
gëzohen shumë dhe ngazëllojnë kur gjejnë varrin?

Jobi 3:23 (ALB)
Pse të lindë një njeri rruga e të cilit është fshehur, dhe që Perëndia e ka rrethuar nga çdo anë?

Jobi 3:24 (ALB)
Në vend që të ushqehem, unë psherëtij, dhe rënkimet e mia burojnë si uji.

Jobi 3:25 (ALB)
Sepse ajo që më tremb më shumë më bie mbi krye, dhe ajo që më tmerron më ndodh.

Jobi 3:26 (ALB)
Nuk kam qetësi, nuk kam prehje, por më pushton shqetësimi".

Previous Chapter
« Jobi 2

Next Chapter
Jobi 4 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42