Jobi 16 | ALB Bible Study

« Jobi 15

Jobi 17 »

Jobi 16:1 (ALB)
Atëherë Jobi u përgjigj dhe tha:

Jobi 16:2 (ALB)
"Gjëra të tilla kam dëgjuar shumë! Të gjithë ju jeni ngushëllues të mërzitshëm!

Jobi 16:3 (ALB)
Kur do të marrin fund fjalimet tuaja boshe? Ose çfarë të shtyn të përgjigjesh?

Jobi 16:4 (ALB)
Edhe unë mund të flisja si ju, po të ishit ju në vendin tim; do të mund të radhitja fjalë kundër jush duke tundur kokën time kundër jush.

Jobi 16:5 (ALB)
Por do t’ju jepja kurajo me gojën time dhe ngushëllimi i buzëve të mia do ta lehtësonte dhembjen tuaj.

Jobi 16:6 (ALB)
Në rast se flas, dhembja ime nuk pakësohet, në qoftë se nuk flas më, çfarë lehtësimi kam?

Jobi 16:7 (ALB)
Por tani ai më ka çuar në pikën e fundit të forcave të mia. Ti ke shkatërruar tërë familjen time;

Jobi 16:8 (ALB)
më ke mbuluar me rrudha dhe kjo dëshmon kundër meje, dobësia ime ngrihet dhe dëshmon kundër meje.

Jobi 16:9 (ALB)
Zemërimi i tij më grin dhe më përndjek, kërcëllin dhëmbët kundër meje; Armiku im mpreh shikimin mbi mua.

Jobi 16:10 (ALB)
Duke hapur gojën e tyre kundër meje, ata më godasin me përçmim mbi faqet, mblidhen tok kundër meje.

Jobi 16:11 (ALB)
Perëndia më ka dhënë në duart e të pabesëve, më ka dorëzuar në duart e njerëzve të këqij.

Jobi 16:12 (ALB)
Jetoja i qetë, por ai më shkatërroi, më kapi për qafe dhe më bëri copë-copë, dhe më shndërroi në objekt goditjeje.

Jobi 16:13 (ALB)
Harkëtarët e tij më rrethojnë në çdo anë, më shpon pa mëshirë veshkat, derdh për tokë vrerin tim.

Jobi 16:14 (ALB)
Ai më sulmon vazhdimisht me forcë, më sulet si një luftëtar.

Jobi 16:15 (ALB)
kam qepur një grathore mbi lëkurën time, e kam ulur ballin tim në pluhur,

Jobi 16:16 (ALB)
Fytyra ime është e kuqe nga të qarat dhe mbi qepallat e mia po zë vend hija e vdekjes,

Jobi 16:17 (ALB)
megjithëse nuk ka asnjë dhunë në duart e mia, dhe lutja ime është e pastër.

Jobi 16:18 (ALB)
O tokë, mos e mbulo gjakun tim, dhe britma ime mos gjeftë asnjë vend qetësimi.

Jobi 16:19 (ALB)
Që tani, ja, dëshmitari im është në qiell, garanti im është lart.

Jobi 16:20 (ALB)
Shokët e mi më përqeshin, por sytë e mi derdhin lotë përpara Perëndisë.

Jobi 16:21 (ALB)
Le të përkrahë ai arsyetimet e njeriut pranë Perëndisë, ashtu si bën njeriu me fqinjin e tij.

Jobi 16:22 (ALB)
Do të kalojnë në të vërtetë edhe pak vjet akoma dhe unë do të shkoj pastaj në një rrugë pa kthim.

Previous Chapter
« Jobi 15

Next Chapter
Jobi 17 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42

ALB Book Selection List

View full list of ALB Bible Books and Chapters