Jobi 17 | ALB Bible Study

Jobi 17:1 (ALB)
"Fryma ime u copëtua, ditët po më shuhen, varri po më pret.

Jobi 17:2 (ALB)
A nuk jam i rrethuar nga njerëz që më përqeshin. Syri im ndalet mbi fyerjet e tyre.

Jobi 17:3 (ALB)
Më jep, pra, një peng pranë teje, përndryshe kush do të më shtrëngonte dorën si garant?

Jobi 17:4 (ALB)
Nga që i ke penguar mendjet e tyre të kuptojnë, prandaj nuk do t’i bësh të triumfojnë.

Jobi 17:5 (ALB)
Kush i tradhton miqtë deri sa t’i grabisë, ka për t’i parë më pak sytë e fëmijëve të tij.

Jobi 17:6 (ALB)
Por unë prej tij jam bërë gazi i popujve dhe jam katandisur në një njeri të cilin e pështyjnë në fytyrë.

Jobi 17:7 (ALB)
Syri më erret për shkak të dhembjes dhe tërë gjymtyrët e mia nuk janë veçse hije.

Jobi 17:8 (ALB)
Njerëzit e drejtë habiten nga kjo, dhe i pafajmi ngrihet kundër të pabesit.

Jobi 17:9 (ALB)
Megjithatë i drejti mbetet i lidhur fort me rrugën e tij, dhe ai që i ka duart e pastra fortësohet gjithnjë e më tepër.

Jobi 17:10 (ALB)
Sa për ju të gjithë, kthehuni, ejani, pra, sepse midis jush nuk po gjej asnjë njeri të urtë.

Jobi 17:11 (ALB)
Ditët e mia shkuan dhe planet e mia u prishën, pikërisht ato dëshira që unë ushqeja në zemër.

Jobi 17:12 (ALB)
Ata e ndërrojnë natën në ditë, "drita është afër," thonë, për shkak të errësirës.

Jobi 17:13 (ALB)
Në rast se e pres Sheolin si shtëpinë time në rast se e shtrij shtrojen time në terr,

Jobi 17:14 (ALB)
në rast se i them vendvarrit: "Ti je ati im," dhe krimbave: "Jeni nëna ime dhe motra ime,"

Jobi 17:15 (ALB)
ku është, pra, shpresa ime? Kush mund të dallojë ndonjë shpresë për mua?

Jobi 17:16 (ALB)
A do të zbres vallë në portat e Sheolit, kur do të gjejmë bashkë prehje në pluhur?".

Previous Chapter
« Jobi 16

Next Chapter
Jobi 18 »

Jobi (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42