Gjoni 7 | ALB Bible Study

Gjoni 7:1 (ALB)
Pas këtyre gjërave, Jezusi përshkoi Galilenë, sepse nuk donte të endej nëpër Jude, nga që Judenjtë kërkonin ta vrisnin.

Gjoni 7:2 (ALB)
Por festa e Judenjve, ajo e Tabernakujve ishte afër.

Gjoni 7:3 (ALB)
Prandaj vëllezërit e tij i thanë: “Nisu prej këndej dhe shko në Jude, që edhe dishepujt e tu t’i shohin veprat që ti bën.

Gjoni 7:4 (ALB)
Askush në fakt nuk bën asgjë në fshehtësi kur kërkon të nijhet botërisht; kur ti do të bësh gjëra të tilla, tregohu botës!.”

Gjoni 7:5 (ALB)
Në fakt as vëllezërit e tij nuk besonin në të.

Gjoni 7:6 (ALB)
Atëherë Jezusi u tha aytre: “Koha ime nuk ka ardhur ende; por koha juaj është gjithmonë gati.

Gjoni 7:7 (ALB)
Bota nuk mund t’ju urrejë juve, por më urren mua sepse unë dëshmoj për të se veprat e saj janë të mbrapshta.

Gjoni 7:8 (ALB)
Ngjituni ju në këtë festë; unë nuk po ngjitem ende në këtë festë, sepse koha ime ende nuk është plotësuar.”

Gjoni 7:9 (ALB)
Dhe si u tha atyre këto gjëra, mbeti në Galile.

Gjoni 7:10 (ALB)
Mbasi vëllezërit e tij u ngjitën në festë, atëherë edhe ai u ngjit atje, jo haptas, por si fshehurazi.

Gjoni 7:11 (ALB)
Judenjtë, pra, e kërkonin gjatë festës dhe thoshnin: “Ku është ai?.”

Gjoni 7:12 (ALB)
Në turmë pëshpëritej shumë për të; disa thoshnin: “Ai është i mirë!.” Të tjerë thoshnin: “Jo, madje ai e mashtron popullin.”

Gjoni 7:13 (ALB)
Por askush nuk fliste haptas për të, nga druajtja e Judenjve.

Gjoni 7:14 (ALB)
Por, aty nga mesi i festës, Jezusi u ngjit në tempull dhe mësonte.

Gjoni 7:15 (ALB)
Dhe Judenjtë mrrekulloheshin duke thënë: “Si i ditka ky shkronjat, pa pasur studiuar?.”

Gjoni 7:16 (ALB)
Jezusi atëherë iu përgjigj atyre dhe tha: “Doktrina ime nuk është imja, por e atij që më ka dërguar.

Gjoni 7:17 (ALB)
Në qoftë se dikush don të bëjë vullnetin e tij, do ta njohë nëse kjo doktrinë vjen nga Perëndia apo që unë flas nga vetja ime.

Gjoni 7:18 (ALB)
Kush flet nga vetja e tij kërkon lavdinë e vet, kurse ai që kërkon lavdinë e atij që e ka dërguar është i vërtetë, dhe në të nuk ka padrejtësi.

Gjoni 7:19 (ALB)
A nuk jua ka dhënë Moisiu ligjin? E pra, asnjë nga ju nuk e vë në praktikë ligjin. Pse kërkoni të më vritni?.”

Gjoni 7:20 (ALB)
Turma u përgjigj dhe tha: “Ti ke një demon; kush kërkon të të vrasë?.”

Gjoni 7:21 (ALB)
Jezusi u përgjigj dhe u tha: “Unë bëra një vepër dhe ju të gjithë jeni të mreku-lluar.

Gjoni 7:22 (ALB)
Prandaj Moisiu iu dha rrethprerjen (ajo nuk është prej Moisiut, por prej etërve); dhe ju e rrethpritni një njeri të shtunën.

Gjoni 7:23 (ALB)
Në qoftë se një njeri merr rrethprerjen të shtunën, që të mos shkelet ligji i Moisiut, ju zemëroheni kundër meje sepse shërova tërësishtë një njeri të shtunën?

Gjoni 7:24 (ALB)
Mos gjykoni sipas pamjes së jashtme, por gjykoni sipas drejtësisë!”

Gjoni 7:25 (ALB)
Atëherë disa nga Jeruzalemi thanë: “A nuk është ky ai që kërkojnë ta vrasin?

Gjoni 7:26 (ALB)
E megjithatë ja, ai po flet lirisht dhe nuk i thonë asgjë; mos kanë njohur krerët me të vërtetë se ai është Krishti?

Gjoni 7:27 (ALB)
Por ne e dimë se nga është ai; ndërsa kur të vijë Krishti, askush nuk do ta dijë se nga është.”

Gjoni 7:28 (ALB)
Atëherë Jezusi, duke mësuar në tempull, thirri dhe tha: “Ju më njihni dhe e dini se nga jam, megjithatë unë s’kam ardhur nga vetja, por ai që më ka dërguar është i vërtetë dhe ju nuk e njihni.

Gjoni 7:29 (ALB)
Por unë atë e njoh, sepse jam nga ai dhe ai më dërgoi.”

Gjoni 7:30 (ALB)
Prandaj ata kërkonin ta kapnin, por askush nuk vuri dorë mbi të, sepse ora e tij s’kishte ardhur akoma.

Gjoni 7:31 (ALB)
Por shumë veta nga turma besuan në të dhe thoshnin: “Kur të vijë Krishti, a do të bëjë më shumë shenja se këto që ka bërë ky?.”

Gjoni 7:32 (ALB)
Farisenjtë dëgjuan turmën duke pëshpëritur këto gjëra për të; prandaj farisenjtë dhe krerët e priftërinjve dërguan roje për ta kapur.

Gjoni 7:33 (ALB)
Atëherë Jezusi u tha atyre: “Unë jam edhe për pak kohë me ju, pastaj do të shkoj tek ai që më ka dërguar.

Gjoni 7:34 (ALB)
Do të më kërkoni e nuk do të më gjeni; dhe atje ku do të jem unë, ju nuk do të mund të vini.”

Gjoni 7:35 (ALB)
Prandaj Judenjtë thonin në mes tyre: “Ku do të shkojë ky që ne nuk do ta gjejmë? Mos do të shkojë tek ata që janë shpërndarë midis Grekëve, dhe të mësojë Grekët?

Gjoni 7:36 (ALB)
Çfarë deshi të thoshte kur tha: "Ju do të më kërkoni dhe nuk do të më gjeni"; dhe: "Atje ku do të jem unë, ju nuk mund të vini"?.”

Gjoni 7:37 (ALB)
Ditën e fundit, në ditën e madhe të festës, Jezusi u çua në këmbë dhe thirri duke thënë: “Nëse dikush ka etje, le të vijë tek unë e të pijë.

Gjoni 7:38 (ALB)
Ai që beson në mua, siç ka thënë Shkrimi, nga brendësia e tij do të burojnë lumenj uji të gjallë.”

Gjoni 7:39 (ALB)
Por këtë ai e tha për Frymën, që do të merrnin ata që do të besonin në të; sepse Fryma e Shenjtë në fakt nuk ishte dhënë ende, sepse Jezusi ende nuk ishte përlëvduar.

Gjoni 7:40 (ALB)
Shumë veta nga turma, kur i dëgjuan këto fjalë, thoshnin: “Ky është me të vërtetë Profeti!.”

Gjoni 7:41 (ALB)
Të tjerë thoshnin: “Ky është Krishti.” Kurse të tjerë thoshnin: “Vallë nga Galilea vjen Krishti?

Gjoni 7:42 (ALB)
A nuk thotë Shkrimi se Krishti vjen nga pasardhja e Davidit dhe nga Bethlehemi, fshati ku jetonte Davidi?.”

Gjoni 7:43 (ALB)
Kështu pati përçarje në turmë për shkak të tij.

Gjoni 7:44 (ALB)
Dhe disa prej tyre donin ta kapnin, por askush nuk vuri dorë mbi të.

Gjoni 7:45 (ALB)
Atëherë rojet u kthyen te krerët e priftërinjve dhe te farisenjtë, dhe këta u thanë atyre: “Pse nuk e sollët?.”

Gjoni 7:46 (ALB)
Rojet u përgjigjen: “Asnjeri nuk ka folur kurrë si ai njeri.”

Gjoni 7:47 (ALB)
Prandaj farisenjtë iu përgjigjën atyre: “Mos u gënjyet edhe ju?

Gjoni 7:48 (ALB)
Mos vallë ndonjë nga krerët ose nga farisenjtë besoi në të?

Gjoni 7:49 (ALB)
Por kjo turmë, që nuk e njeh ligjin, është e mallkuar.”

Gjoni 7:50 (ALB)
Nikodemi, një prej tyre, i cili natën kishte shkuar te Jezusi, u tha atyre:

Gjoni 7:51 (ALB)
“Ligji ynë dënon vallë një njeri para se ta ketë dëgjuar dhe ta dijë ç’ka bërë ai?.”

Gjoni 7:52 (ALB)
Ata u përgjigjën dhe i thanë: “Mos je edhe ti nga Galilea? Hulumto Shkrimet dhe do të shohësh se nga Galilea s’ka dalë kurrë profet.”

Gjoni 7:53 (ALB)
Dhe secili u kthye në shtëpinë e vet.

Gjoni 7 ALB

Gjoni (ALB) Chapter Selection

ALB Book Selection List