Gjoni 10 | ALB Bible Study

Gjoni 10:1 (ALB)
“Në të vërtetë, në të vërtetë unë po ju them: Ai që nuk hyn nëpër derë të vathës së deleve, por ngjitet nga një anë tjetër, ai është vjedhës dhe kusar;

Gjoni 10:2 (ALB)
kurse kush hyn nëpër derë është bariu i deleve.

Gjoni 10:3 (ALB)
Atij ia hap portieri; delet e dëgjojnë zërin e tij, dhe ai i thërret delet e tij me emër dhe i prin jashtë.

Gjoni 10:4 (ALB)
Dhe, pasi i ka nxjerrë delet e tij, shkon para tyre; dhe delet e ndjekin, sepse njohin zërin e tij.

Gjoni 10:5 (ALB)
Por nuk ndjekin asnjë të huaj, por do të ikin larg tij, sepse nuk e njohin zërin e të huajve.”

Gjoni 10:6 (ALB)
Jezusi u tha atyre këtë shëmbëlltyrë, por ata nuk morën vesh për çfarë po u fliste.

Gjoni 10:7 (ALB)
Prandaj Jezusi u tha atyre përsëri: “Në të vërtetë, në të vërtetë po ju them: unë jam dera e deleve.

Gjoni 10:8 (ALB)
Të gjithë ata që erdhën para meje janë vjedhës e kusarë; por delet nuk i kanë dëgjuar.

Gjoni 10:9 (ALB)
Unë jam dera; nëse dikush hyn nëpërmjet meje, do të shpëtohet; do të hyjë, do të dalë dhe do të gjejë kullotë.

Gjoni 10:10 (ALB)
Vjedhësi nuk vjen veçse për të vjedhur, për të vrarë e për të shkatërruar; por unë kam ardhur që të kenë jetë e ta kenë me bollëk.

Gjoni 10:11 (ALB)
Unë jam bariu i mirë; bariu i mirë jep jetën e vet për delet.

Gjoni 10:12 (ALB)
Kurse rrogëtari, që nuk është bari, dhe delet nuk janë të vetat, sheh ujkun që po vjen, i braktis delet dhe ikën; dhe ujku i rrëmben dhe i shpërndan delet.

Gjoni 10:13 (ALB)
Rrogëtari ikën, sepse është rrogëtar dhe nuk do t’ia dijë për delet.

Gjoni 10:14 (ALB)
Unë jam bariu i mirë, dhe i njoh delet e mia dhe ato më njohin mua,

Gjoni 10:15 (ALB)
ashtu siç më njeh Ati mua dhe unë e njoh Atin dhe lë jetën time për delet.

Gjoni 10:16 (ALB)
Unë kam edhe dele të tjera që nuk janë të kësaj vathe; duhet t’i mbledh edhe ato, dhe ato do ta dëgjojnë zërin tim, dhe do të jetë një tufë e vetme dhe një Bari i vetëm.

Gjoni 10:17 (ALB)
Prandaj Ati më do, sepse unë e lë jetën time që ta marr përsëri.

Gjoni 10:18 (ALB)
Askush nuk mund të ma heqë, por e lë nga vetja; unë kam pushtet ta lë e pushtet ta marr përsëri; ky është urdhri që kam marrë nga Ati im.”

Gjoni 10:19 (ALB)
Atëherë lindi përsëri një përçarje midis Judenjve për shkak të këtyre fjalëve.

Gjoni 10:20 (ALB)
Dhe shumë nga ata thoshnin: “Ai ka një demon dhe nuk është në vete; përse e dëgjoni?.”

Gjoni 10:21 (ALB)
Të tjerë thoshnin: “Këto nuk janë fjalë të një të demonizuari; a mundet një demon t’ua hap sytë të verbërve?.”

Gjoni 10:22 (ALB)
U kremtua festa e Kushtimit në Jeruzalem, dhe ishte dimër.

Gjoni 10:23 (ALB)
Dhe Jezusi po ecte në tempull, nën portikun e Salomonit.

Gjoni 10:24 (ALB)
E rrethuan, pra, Judenjtë dhe i thanë: “Deri kur do të na mbash pezull? Nëse je Krishti, na e thuaj haptas.”

Gjoni 10:25 (ALB)
Jezusi u përgjigj atyre: “Unë jua kam thënë, por ju nuk besoni; veprat që bëj në emër të Atit tim, janë ato që dëshmojnë për mua.

Gjoni 10:26 (ALB)
Por ju nuk besoni, sepse nuk jeni nga delet e mia, siç jua kam thënë.

Gjoni 10:27 (ALB)
Delet e mia e dëgjojnë zërin tim, unë i njoh dhe ato më ndjekin;

Gjoni 10:28 (ALB)
dhe unë u jap atyre jetën e përjetshme dhe nuk do të humbasin kurrë, e askush nuk do t’i rrëmbejë nga dora ime.

Gjoni 10:29 (ALB)
Ati im, që m’i dha, është më i madh se të gjithë; dhe askush nuk mund t’i rrëmbejë nga dora e Atit tim.

Gjoni 10:30 (ALB)
Unë dhe Ati jemi një.”

Gjoni 10:31 (ALB)
Prandaj Judenjtë morën përsëri gurë për ta vrarë me gurë.

Gjoni 10:32 (ALB)
Jezusi u përgjigj atyre: “Ju tregova shumë vepra të mira nga Ati im; për cilën nga këto më vrisni me gurë?.”

Gjoni 10:33 (ALB)
Judenjtë u përgjigjën duke thënë: “Ne nuk të vrasim me gurë për asnjë vepër të mirë, po për blasfemi, dhe sepse ti, duke qenë njeri, e bën veten Perëndi.”

Gjoni 10:34 (ALB)
Jezusi u përgjigj atyre: “A nuk është shkruar në ligjin tuaj: "Unë thashë: Ju jeni perëndi"?

Gjoni 10:35 (ALB)
Nëse ai i quan perëndi ata, të cilëve u qe drejtuar fjala e Perëndisë (dhe Shkrimi nuk mund të bjerë poshtë),

Gjoni 10:36 (ALB)
ju thoni se ai, që Ati e ka shenjtëruar dhe e ka dërguar në botë, blasfemon, sepse ka thënë: "Unë jam Biri i Perëndisë"?

Gjoni 10:37 (ALB)
Nëse unë nuk bëj veprat e Atit tim, mos më besoni,

Gjoni 10:38 (ALB)
por nëse i bëj, edhe po të mos më besoni mua, u besoni të paktën veprave, që të njihni e të besoni se Ati është në mua dhe unë në atë.”

Gjoni 10:39 (ALB)
Për këtë arsye ata kërkonin përsëri ta kapnin, por ai ikte nga duart e tyre.

Gjoni 10:40 (ALB)
Dhe shkoi përsëri përtej Jordanit, në vendin ku më parë Gjoni pagëzonte; dhe ndaloi aty.

Gjoni 10:41 (ALB)
Dhe shumë veta erdhën tek ai dhe thoshnin: “Gjoni vërtet nuk bëri asnjë shenjë, por gjithçka që Gjoni tha për këtë ishte e vërtetë.”

Gjoni 10:42 (ALB)
Dhe atje shumë veta besuan në të.

Gjoni 10 ALB

Gjoni (ALB) Chapter Selection

ALB Book Selection List