Gjoni 5 | ALB Bible Study

Gjoni 5:1 (ALB)
Pas këtyre ngjarjeve ishte një festë e Judenjve dhe Jezusi u ngjit në Jeruzalem.

Gjoni 5:2 (ALB)
Në Jeruzalem, afër portës së dhenve, është një pellg që në hebraisht quhet Betesda, dhe ka pesë portikë.

Gjoni 5:3 (ALB)
Nën to dergjeshin një numër i madh të lënguarish: të verbër, të çalë dhe të paralizuar, të cilët prisnin lëvizjen e ujit.

Gjoni 5:4 (ALB)
Sepse një engjëll, kohë pas kohe, zbriste në pellg dhe e lëvizte ujin; dhe i pari që hynte, mbasi uji ishte lëvizur, shërohej nga çfarëdo sëmundje që të kishte.

Gjoni 5:5 (ALB)
Aty ishte një njeri i lënguar prej tridhjetë e tetë vjetësh.

Gjoni 5:6 (ALB)
Jezusi, duke e parë shtrirë dhe duke ditur se prej shumë kohe ishte në atë gjendje, i tha: “A dëshiron të shërohesh?.”

Gjoni 5:7 (ALB)
I lënguari u përgjigj: "Zot, unë s’kam njeri që, kur lëviz uji, të më fusë në pellg; dhe, ndërsa unë po shkoj, një tjetër zbret para meje.”

Gjoni 5:8 (ALB)
Jezusi i tha: “Çohu, merr vigun tënd dhe ec!.”

Gjoni 5:9 (ALB)
Njeriu u shërua në çast, mori vigun e tij dhe eci. Atë ditë ishte e shtunë.

Gjoni 5:10 (ALB)
Prandaj Judenjtë i thanë atij që u shërua: “Éshtë e shtunë; nuk është e ligjshme për ty të ngresh vigun tënd!.”

Gjoni 5:11 (ALB)
Ai iu përgjigj atyre: “Ai që më shëroi më tha: "Merre vigun tënd dhe ec!".”

Gjoni 5:12 (ALB)
Atëherë ata e pyetën: “Kush është ai njeri që të tha: "Merre vigun tënd dhe ec"?.”

Gjoni 5:13 (ALB)
Por ai që ishte shëruar nuk e dinte kush ishte, sepse Jezusi ishte larguar për shkak të turmës që ishte në atë vend.

Gjoni 5:14 (ALB)
Më vonë Jezusi e gjeti në tempull dhe i tha: “Ja, ti u shërove; mos mëkato më që të mos të të bëhet një gjë më e keqe.”

Gjoni 5:15 (ALB)
Ai njeri shkoi dhe u tregoi Judenjve se Jezusi ishte ai që e shëroi.

Gjoni 5:16 (ALB)
Për këtë Judenjtë e përndiqnin Jezusin dhe kërkonin ta vrisnin, sepse bënte këto gjëra të shtunave.

Gjoni 5:17 (ALB)
Por Jezusi u përgjigj atyre: “Im Atë vepron deri më tash, e edhe unë veproj.”

Gjoni 5:18 (ALB)
Për këtë Judenjtë kërkonin edhe më tepër ta vrisnin, sepse jo vetëm se shkelte të shtunën, por edhe se thoshte se Perëndia ishte ati i vet, duke e barazuar veten me Perëndinë.

Gjoni 5:19 (ALB)
Atëherë Jezusi u përgjgj dhe u tha atyre: “Në të vërtetë, në të vërtetë po ju them se Biri nuk mund të bëjë asgjë prej vetvetes, përveç asaj që sheh se bën Ati; gjërat në fakt që bën Ati, i bën po ashtu dhe Biri.

Gjoni 5:20 (ALB)
Sepse Ati e do Birin dhe i dëfton gjithçka që bën vetë; dhe do t’i dëftojë vepra më të mëdha se këto, që të mrekulloheni.

Gjoni 5:21 (ALB)
Në fakt ashtu si ati ringjall të vdekurit dhe u jep atyre jetën, po kështu edhe Biri i jep jetën kujtdo që do.

Gjoni 5:22 (ALB)
Sepse Ati nuk gjykon asnjë, por gjithë gjyqin ia dha Birit,

Gjoni 5:23 (ALB)
që të gjithë ta nderojnë Birin ashtu siç nderojnë Atin; kush nuk e nderon Birin, nuk nderon Atin që e ka dërguar.

Gjoni 5:24 (ALB)
Në të vërtetë, në të vërtetë po ju them: Ai që e dëgjon fjalën time dhe beson në atë që më ka dërguar, ka jetë të përjetshme, dhe ai nuk vjen në gjyq, por ka kaluar nga vdekja në jetë.

Gjoni 5:25 (ALB)
Në të vërtetë, në të vërtetë po ju them: Po vjen ora, madje ka ardhur, kur të vdekurit do të dëgjojnë zërin e Birit të Perëndisë, dhe ata që e kanë dëgjuar do të jetojnë.

Gjoni 5:26 (ALB)
Sepse, sikurse Ati ka jetë në vetvete, kështu ia ka dhënë dhe Birit të ketë jetë në vetvete;

Gjoni 5:27 (ALB)
dhe i ka dhënë gjithashtu autoritet të gjykojë, sepse është Bir i njeriut.

Gjoni 5:28 (ALB)
Mos u mrrekulloni për këtë, sepse po vjen ora kur të gjithë ata që janë në varre do ta dëgjojnë zërin e tij

Gjoni 5:29 (ALB)
dhe do të dalin prej tyre; ata që kanë bërë të mira, në ringjallje të jetës, dhe ata që kanë bërë të liga, në ringjalljen e dënimit.

Gjoni 5:30 (ALB)
Unë s’mund të bëj asgjë nga vetja ime; gjykoj sipas asaj që dëgjoj dhe gjyqi im është i drejtë, sepse nuk kërkoj vullnetin tim, por vullnetin e Atit që më ka dërguar.

Gjoni 5:31 (ALB)
Nëse unë dëshmoj për veten time, dëshmia ime nuk është e vërtetë.

Gjoni 5:32 (ALB)
Éshtë një tjetër që dëshmon për mua, dhe unë e di se dëshmia që ai jep për mua është e vërtetë.

Gjoni 5:33 (ALB)
Ju keni dërguar te Gjoni dhe ai i ka dhënë dëshmi të vërtetës.

Gjoni 5:34 (ALB)
Tani unë nuk e marr dëshminë nga asnjë njeri, por i them këto gjëra që ju të shpëtoheni.

Gjoni 5:35 (ALB)
Ai ishte një kandil që digjet e ndriçon; dhe ju deshët të gëzoheni për pak kohë në dritën e tij.

Gjoni 5:36 (ALB)
Por dëshmia që kam unë është më e madhe nga ajo e Gjonit; sepse veprat që Ati më ka dhënë të kryej, ato vepra që bëj unë, dëshmojnë për mua, se Ati më ka dërguar.

Gjoni 5:37 (ALB)
Dhe Ati, që më dërgoi, ai vetë ka dëshmuar për mua; ju nuk e keni dëgjuar kurrë zërin e tij dhe as nuk e keni parë fytyrën e tij,

Gjoni 5:38 (ALB)
dhe nuk e keni fjalën e tij që të banojë në ju, sepse nuk besoni në atë që ai ka dërguar.

Gjoni 5:39 (ALB)
Ju hetoni Shkrimet sepse mendoni të keni nëpërmjet tyre jetë të përjetshme; dhe ato janë këto që dëshmojnë për mua.

Gjoni 5:40 (ALB)
Por ju nuk doni të vini tek unë që të keni jetën.

Gjoni 5:41 (ALB)
Unë nuk marr lavdi nga njerëzit.

Gjoni 5:42 (ALB)
Por unë ju njoh, që nuk keni dashurinë e Perëndisë në ju.

Gjoni 5:43 (ALB)
Unë kam ardhur në emër të Atit tim dhe ju nuk më pranoni; po të vinte ndonjë tjetër në emër të vet, ju do ta pranonit.

Gjoni 5:44 (ALB)
Si mund të besoni ju, ju që ia merrni lavdinë njëri-tjetrit dhe nuk kërkoni lavdinë që vjen vetëm nga Perëndia?

Gjoni 5:45 (ALB)
Mos mendoni se unë ju padis tek Ati; ka kush t’ju padisë: Moisiu, në të cilin ju kishit varur shpresën tuaj;

Gjoni 5:46 (ALB)
sepse nëqoftëse ju do t’i kishit besuar Moisiut, do të më besonit edhe mua, sepse ai ka shkruar për mua.

Gjoni 5:47 (ALB)
Por nëqoftëse ju nuk u besoni shkrimeve të tij, si do t’u besoni fjalëve të mia?.”

Gjoni 5 ALB

Gjoni (ALB) Chapter Selection

ALB Book Selection List