Gjoni 6 | ALB Bible Study

Gjoni 6:1 (ALB)
Pas këtyre gjërave, Jezusi kaloi përtej detit të Galilesë, domethënë të Tiberiadës.

Gjoni 6:2 (ALB)
Dhe një turmë e madhe e ndiqte, sepse shikonte shenjat që ai bënte mbi të lënguarit.

Gjoni 6:3 (ALB)
Por Jezusi u ngjit mbi malin dhe atje u ul me dishepujt e tij.

Gjoni 6:4 (ALB)
Dhe Pashka, festa e Judenjve ishte afër.

Gjoni 6:5 (ALB)
Jezusi, pra, i ngriti sytë dhe, duke parë se një turmë e madhe po vinte tek ai, i tha Filipit: “Ku do të blejmë bukë që këta të mund të hanë?.”

Gjoni 6:6 (ALB)
Por ai e thoshte këtë për ta vënë në provë, sepse ai e dinte ç’do të bënte.

Gjoni 6:7 (ALB)
Filipi iu përgjigj: “Dyqind denarë bukë nuk do të mjaftojnë për ata, që secili prej tyre mund të ketë një copë.”

Gjoni 6:8 (ALB)
Andrea, i vëllai i Simon Pjetrit, një nga dishepujt e tij, i tha:

Gjoni 6:9 (ALB)
“Këtu është një djalosh që ka pesë bukë elbi dhe dy peshq të vegjël; por ç’janë këto për aq njerëz?.”

Gjoni 6:10 (ALB)
Dhe Jezusi tha: “Bëjini njerëzit të ulen!.” Por në atë vend kishte shumë bar. Njerëzit, pra, u ulën dhe ishin në numër rreth pesë mijë.

Gjoni 6:11 (ALB)
Pastaj Jezusi mori bukët dhe, pasi falenderoi, ua ndau dishepujve dhe dishepujt njerëzve të ulur; të njëjtën gjë bënë edhe me peshqit, aq sa deshën.

Gjoni 6:12 (ALB)
Dhe mbasi ata u ngopën, Jezusi u tha dishepujve të vet: “Mblidhni copat që tepruan, që të mos shkojë dëm asgjë.”

Gjoni 6:13 (ALB)
I mblodhën, pra, dhe mbushën dymbëdhjetë shporta me copa nga ato pesë bukë prej elbi që u tepruan atyre që kishin ngrënë.

Gjoni 6:14 (ALB)
Atëherë njerëzit, kur panë shenjën që bëri Jezusi, thanë: Me të vërtetë ky është profeti, që duhet të vijë në botë.”

Gjoni 6:15 (ALB)
Por Jezusi, duke ditur se po vinin ta kapnin për ta bërë mbret, u tërhoq përsëri mbi malin, fill i vetëm.

Gjoni 6:16 (ALB)
Kur u ngrys, dishepujt e tij zbritën drejt detit.

Gjoni 6:17 (ALB)
Hipën në barkë dhe shkuan përtej detit, drejt Kapernaumit; tashmë ishte errët dhe Jezusi ende nuk kishte ardhur tek ata.

Gjoni 6:18 (ALB)
Deti ishte i trazuar, sepse frynte një erë e fortë.

Gjoni 6:19 (ALB)
Dhe pasi kishin vozitur rreth njëzet e pesë ose tridhjetë stade, panë Jezusin që po ecte mbi det dhe po i afrohej barkës dhe patën frikë.

Gjoni 6:20 (ALB)
Por ai u tha atyre: “Jam unë, mos druani!.”

Gjoni 6:21 (ALB)
Ata, pra, deshnin ta merrnin në barkë, dhe menjëherë barka u bregëzua në atë vend ku ishin drejtuar.

Gjoni 6:22 (ALB)
Të nesërmen turma, që kishte mbetur në bregun tjetër të detit, pa se atje nuk kishte tjetër përveç një barke të vogël, në të cilën kishin hipur dishepujt e Jezusit, dhe që ai nuk kishte hipur me ta, dhe që dishepujt e tij ishin nisur vetëm;

Gjoni 6:23 (ALB)
ndërkaq kishin ardhur barka të tjera nga Tiberiada, afër vendit ku kishin ngrënë bukë, pasi Zoti kishte falënderuar.

Gjoni 6:24 (ALB)
Turma, kur pa se Jezusi nuk ishte më atje dhe as dishepujt e tij, hipi edhe ajo nëpër barka dhe erdhi në Kapernaum, duke kërkuar Jezusin.

Gjoni 6:25 (ALB)
Kur e gjetën përtej detit i thanë: “Mësues, kur erdhe këtu?”

Gjoni 6:26 (ALB)
Jezusi u përgjigj dhe tha: “Në të vërtetë, në të vërtetë po ju them se ju më kërkoni jo pse patë shenja, por sepse keni ngrënë nga bukët dhe keni qenë të ngopur.

Gjoni 6:27 (ALB)
Mos punoni për ushqimin që prishet, por për ushqimin që mbetet për jetë të përjetshme, të cilin do t’jua japë Biri i njëriut, sepse mbi të Ati, domethënë Perëndia, vuri vulën e tij.”

Gjoni 6:28 (ALB)
Atëherë e pyetën: “Çfarë duhet të bëjmë për të kryer veprat e Perëndisë?.”

Gjoni 6:29 (ALB)
Jezusi u përgjigj dhe u tha atyre: “Kjo është vepra e Perëndisë: të besoni në atë që ai ka dërguar.”

Gjoni 6:30 (ALB)
Atëherë ata i thanë: “Çfarë shenjë bën ti, pra, që ne ta shohim e ta besoj-më? Ç’vepër po kryen?

Gjoni 6:31 (ALB)
Etërit tanë hëngrën manën në shkretëtirë, siç është shkruar: "Ai u dha të hanë bukë nga qielli".”

Gjoni 6:32 (ALB)
Atëherë Jezusi u tha atyre: “Në të vërtetë, në të vërtetë po ju them se jo Moisiu jua ka dhënë bukët nga qielli, por Ati im ju jep bukën e vërtetë nga qielli.

Gjoni 6:33 (ALB)
Sepse buka e Perëndisë është ai që zbret nga qielli dhe i jep jetë botës.”

Gjoni 6:34 (ALB)
Atëhere ata i thanë: “Zot, na jep gjithmonë atë bukë.”

Gjoni 6:35 (ALB)
Dhe Jezusi u tha atyre: “Unë jam buka e jetës; kush vjen tek unë nuk do të ketë më kurrë uri dhe kush beson në mua, nuk do të ketë më kurrë etje.

Gjoni 6:36 (ALB)
Por unë jua thashë: ju më keni parë, por nuk besoni.

Gjoni 6:37 (ALB)
Gjithçka që më jep Ati do të vijë tek unë; dhe atë që vjen tek unë, unë nuk do ta nxjerr jashtë kurrë,

Gjoni 6:38 (ALB)
sepse unë kam zbritur nga qielli jo për të bërë vullnetin tim, por vullnetin e atij që më ka dërguar.

Gjoni 6:39 (ALB)
Ky është vullneti i Atit që më ka dërguar: që unë të mos humbas asgjë nga të gjitha ato që ai më ka dhënë, por t’i ringjall në ditën e fundit.

Gjoni 6:40 (ALB)
Ky, pra, është vullneti i atij që më ka dërguar: që kushdo që sheh Birin dhe beson në të, të ketë jetë të përjetshme, dhe unë do ta ringjall atë në ditën e fundit.”

Gjoni 6:41 (ALB)
Judenjtë, pra, murmurisnin për të, sepse kishte thënë: “Unë jam buka që zbriti nga qielli,”

Gjoni 6:42 (ALB)
dhe thoshnin: “Vallë, a nuk është ky Jezusi, biri i Jozefit, të cilit ia njohim babanë dhe nënën? Si thotë, pra, ky: "Unë zbrita nga qielli"?.”

Gjoni 6:43 (ALB)
Atëherë Jezusi u përgjigj dhe u tha atyre: “Mos murmurisni midis jush.

Gjoni 6:44 (ALB)
Askush nuk mund të vijë tek unë, po qe se Ati që më ka dërguar nuk e tërheq dhe unë do ta ringjall atë në ditën e fundit.

Gjoni 6:45 (ALB)
Në profetët është shkruar: "Të gjithë do të jenë të mësuar nga Perëndia". Çdo njeri, pra, që ka dëgjuar dhe mësuar nga Ati, vjen tek unë.

Gjoni 6:46 (ALB)
Jo s’e ka parë ndonjë Atin, përveç atij që është nga Perëndia; ky e ka parë Atin.

Gjoni 6:47 (ALB)
Në të vërtetë, në të vërtetë po ju them: Kush beson në mua ka jetë të përjetshme.

Gjoni 6:48 (ALB)
Unë jam buka e jetës.

Gjoni 6:49 (ALB)
Etërit tuaj hëngrën manën në shkretirë dhe vdiqën.

Gjoni 6:50 (ALB)
Kjo është buka që zbret nga qielli, që një mund të hajë e të mos vdesë.

Gjoni 6:51 (ALB)
Unë jam buka e gjallë që zbriti nga qielli; nëse një ha nga kjo bukë do të jetojë përjetë; buka që unë do të jap është mishi im, që unë do ta jap për jetën e botës.”

Gjoni 6:52 (ALB)
Atëherë Judenjtë filluan të diskutojnë njeri me tjetrin duke thënë: “Si mundet ky të na japë të hamë mishin e tij?.”

Gjoni 6:53 (ALB)
Prandaj Jezusi u tha atyre: “Në të vërtetë, në të vërtetë po ju them se, po të mos hani mishin e Birit të njeriut dhe të mos pini gjakun e tij, nuk keni jetën në veten tuaj.

Gjoni 6:54 (ALB)
Kush ha mishin tim dhe pi gjakun tim, ka jetë të përjetshme, dhe unë do ta ringjall atë në ditën e fundit.

Gjoni 6:55 (ALB)
Sepse mishi im është me të vërtetë ushqim dhe gjaku im është me të vërtetë pije.

Gjoni 6:56 (ALB)
Kush ha mishin tim dhe pi gjakun tim, mbetet në mua dhe unë në të.

Gjoni 6:57 (ALB)
Sikurse Ati i gjallë më ka dërguar dhe unë jetoj për shkak të Atit, ashtu edhe ai që më ha mua do të jetojë edhe ai për shkakun tim.

Gjoni 6:58 (ALB)
Kjo është buka që zbriti nga qielli; nuk është si mana që hëngrën etërit tuaj dhe vdiqën; kush ha këtë bukë do të jetojë përjetë.”

Gjoni 6:59 (ALB)
Këto gjëra tha Jezusi në sinagogë, duke mësuar në Kapernaum.

Gjoni 6:60 (ALB)
Kur i dëgjuan këto, shumë nga dishepujt e tij thanë: “Kjo e folur është e rëndë, kush mund ta kuptojë?.”

Gjoni 6:61 (ALB)
Por Jezusi, duke e ditur në vetvete se dishepujt e vet po murmurisnin për këtë, u tha atyre: “Kjo ju skandalizon?

Gjoni 6:62 (ALB)
Ç’do të ishte po ta shihnit, pra, Birin e njeriut duke u ngjitur atje ku ishte më parë?

Gjoni 6:63 (ALB)
Éshtë Fryma që jep jetë; mishi nuk vlen asgjë; fjalët që po ju them janë frymë dhe jetë.

Gjoni 6:64 (ALB)
Por janë disa midis jush që nuk besojnë”; në fakt Jezusi e dinte që në fillim kush ishin ata që nuk besonin, dhe kush ishte ai që do ta tradhtonte;

Gjoni 6:65 (ALB)
dhe thoshte: “Për këtë arsye ju thashë se askush nuk mund të vijë tek unë, nëse nuk i është dhënë nga Ati im.”

Gjoni 6:66 (ALB)
Që nga ai moment shumë nga dishepujt e vet u tërhoqën dhe nuk shkuan më me të.

Gjoni 6:67 (ALB)
Atëherë Jezusi u tha të dymbëdhjetëve: “A doni edhe ju të largoheni?.”

Gjoni 6:68 (ALB)
Dhe Simon Pjetri iu përgjigj: “Zot, te kush të shkojmë? Ti ke fjalë jete të përjetshme.

Gjoni 6:69 (ALB)
Ne kemi besuar dhe kemi njohur se ti je Krishti, Biri i Perëndisë të gjallë.”

Gjoni 6:70 (ALB)
Jezusi u përgjigj atyre: “A nuk ju kam zgjedhur unë ju të dymbëdhjetët? E një prej jush është një djall.”

Gjoni 6:71 (ALB)
Por ai fliste për Judë Iskariotin, birin e Simonit, sepse ky kishte për ta tradhtuar, ndonëse ishte një nga të dymbëdhjetët.

Gjoni 6 ALB

Gjoni (ALB) Chapter Selection

ALB Book Selection List