Gjoni 3 | ALB Bible Study

Gjoni 3:1 (ALB)
Midis farisenjve ishte një njeri me emrin Nikodem, një krer i Judenjve.

Gjoni 3:2 (ALB)
Ky erdhi natën te Jezusi dhe i tha: “Mësues, ne e dimë se ti je një mësues i ardhur nga Perëndia, sepse askush nuk mund të bëjë shenjat që bën ti, në qoftë se Perëndia nuk është me të.”

Gjoni 3:3 (ALB)
Jezusi iu përgjigj dhe tha: “Në të vërtetë, në të vërtete po të them që nëse një nuk ka rilindur, nuk mund ta shohë mbretërinë e Perëndisë.”

Gjoni 3:4 (ALB)
Nikodemi i tha: “Po si mund të lindë njeriu kur është plak? A mund të hyjë ai për së dyti në barkun e nënës së vet dhe të lindë?.”

Gjoni 3:5 (ALB)
Jezusi u përgjigj: “Në të vërtetë, në të vërtetë po të them se kush nuk ka lindur nga uji dhe nga Fryma, nuk mund të hyjë në mbretërinë e Perëndisë.

Gjoni 3:6 (ALB)
Ç’ka lindur nga mishi është mish; por ç’ka lindur nga Fryma është frymë.

Gjoni 3:7 (ALB)
Mos u mrrekullo që të thashë: "Duhet të lindni përsëri".

Gjoni 3:8 (ALB)
Era fryn ku të dojë dhe ti ia dëgjon zërin, por ti nuk e di nga vjen as ku po shkon; kështu është edhe çdo njëri që ka lindur nga Fryma.”

Gjoni 3:9 (ALB)
Nikodemi, duke u përgjigjur, i tha: “Si mund të ndodhin këto gjëra?.”

Gjoni 3:10 (ALB)
Jezusi u përgjigj dhe i tha: “Ti je mësuesi i Izraelit dhe nuk i ditke këto gjëra?

Gjoni 3:11 (ALB)
Në të vërtetë, në të vërtetë po të them se ne flasim atë që dimë dhe dëshmojmë atë që pamë, por ju nuk e pranoni dëshminë tonë.

Gjoni 3:12 (ALB)
Në qoftë se ju fola për gjërat tokësore dhe ju nuk besoni, si do të më besoni nëse ju flas për gjërat qiellore?

Gjoni 3:13 (ALB)
Askush nuk u ngjit në qiell, përveç atij që zbriti nga qielli, pra, Birit të njeriut që është në qiell.

Gjoni 3:14 (ALB)
Dhe ashtu si Moisiu e ngriti lart gjarprin në shkretëtirë, kështu duhet të ngrihet lart Biri i njeriut,

Gjoni 3:15 (ALB)
që kushdo që beson në të të mos humbasë, por të ketë jetë të përjetshme.

Gjoni 3:16 (ALB)
Sepse Perëndia e deshi aq botën, sa dha Birin e tij të vetëmlindurin, që, kushdo që beson në të, të mos humbasë, por të ketë jetë të përjetshme.

Gjoni 3:17 (ALB)
Sepse Perëndia nuk e dërgoi Birin e vet në botë që ta dënojë botën, por që bota të shpëtohet prej tij.

Gjoni 3:18 (ALB)
Ai që beson në të nuk dënohet, por ai që nuk beson tashmë është dënuar, sepse nuk ka besuar në emrin e Birit të vetëmlindur të Perëndisë.

Gjoni 3:19 (ALB)
Tani gjykimi është ky: Drita erdhi në botë dhe njerëzit deshën errësirën më tepër se dritën, sepse veprat e tyre ishin të mbrapshta.

Gjoni 3:20 (ALB)
Sepse kushdo që bën gjëra të mbrapshta e urren dritën dhe nuk vjen te drita, që të mos zbulohen veprat e tij;

Gjoni 3:21 (ALB)
por kush bën të vërtetën vjen te drita, që veprat e tij të zbulohen, sepse u bënë në Perëndinë.”

Gjoni 3:22 (ALB)
Pas këtyre gjërave, Jezusi erdhi me dishepujt e vet në tokën e Judesë dhe qëndroi aty bashkë me ta dhe pagëzonte.

Gjoni 3:23 (ALB)
Por edhe Gjoni pagëzonte në Enon, afër Salimit, sepse aty kishte shumë ujë; dhe njerëzit vinin dhe pagëzoheshin,

Gjoni 3:24 (ALB)
sepse Gjoni s’ishte hedhur akoma në burg.

Gjoni 3:25 (ALB)
Atëherë lindi një diskutim ndërmjet dishepujve të Gjonit me Judenjtë rreth pastrimit.

Gjoni 3:26 (ALB)
Kështu erdhën te Gjoni dhe i thanë: “Mësues, ai që ishte me ty përtej Jordanit, për të cilin ti bëre dëshmi, ja, ai pagëzon dhe të gjithë shkojnë tek ai.”

Gjoni 3:27 (ALB)
Gjoni u përgjigj dhe tha: “Njeriu nuk mund të marrë asgjë, nëse nuk i është dhënë nga qielli.

Gjoni 3:28 (ALB)
Ju vetë më jeni dëshmitarë se thashë: "Unë nuk jam Krishti, por jam dërguar përpara tij".

Gjoni 3:29 (ALB)
Ai që e ka nusen është dhëndri, por miku i dhëndrit, që është i pranishëm dhe e dëgjon, gëzohet shumë për zërin e dhëndrit; prandaj ky gëzimi im është i plotësuar!

Gjoni 3:30 (ALB)
Ai duhet të rritet dhe unë të zvogëlohem.

Gjoni 3:31 (ALB)
Ai që vjen nga lart është përmbi të gjithë; ai që vjen nga dheu është nga dheu dhe flet për dheun; ai që vjen nga qielli është përmbi të gjithë.

Gjoni 3:32 (ALB)
Dhe ai dëshmon çfarë ka parë dhe dëgjuar, por askush nuk e pranon dëshminë e tij.

Gjoni 3:33 (ALB)
Ai që e pranoi dëshminë e tij e vulosi se Perëndia është i vërtetë.

Gjoni 3:34 (ALB)
Sepse ai që Perëndia ka dërguar flet fjalët e Perëndisë, sepse Perëndia nuk e jep Frymën e tij me masë.

Gjoni 3:35 (ALB)
Ati e do Birin dhe i ka dhënë në dorë çdo gjë.

Gjoni 3:36 (ALB)
Kush beson në Birin ka jetë të përjetshme, kurse kush nuk i bindet Birit nuk do të shohë jetë, por zemërimi i Perëndisë qëndron mbi të.”

Gjoni 3 ALB

Gjoni (ALB) Chapter Selection

ALB Book Selection List