Gjoni 14 | ALB Bible Study

Gjoni 14:1 (ALB)
“Zemra juaj mos u trondittë; besoni në Perëndi dhe besoni edhe në mua!

Gjoni 14:2 (ALB)
Në shtëpinë e Atit tim ka shumë banesa; përndryshe do t’ju thoja. Unë po shkoj t’ju përgatis një vend.

Gjoni 14:3 (ALB)
Dhe kur të shkoj e t’ju përgatis vendin, do të kthehem dhe do t’ju marr pranë meje, që aty ku jam unë, të jeni edhe ju.

Gjoni 14:4 (ALB)
Ju e dini se ku po shkoj dhe e njihni edhe udhën.”

Gjoni 14:5 (ALB)
Thomai i tha: “Zot, ne nuk e dimë se ku po shkon; pra, si mund ta njohim udhën?”

Gjoni 14:6 (ALB)
Jezusi i tha: “Unë jam udha, e vërteta dhe jeta; askush nuk vjen tek Ati përveçse nëpërmjet meje.

Gjoni 14:7 (ALB)
Po të më kishit njohur, do të kishit njohur edhe Atin tim; qysh tani e njihni dhe e keni parë.”

Gjoni 14:8 (ALB)
Filipi i tha: “Zot, na e trego Atin, dhe na mjafton.”

Gjoni 14:9 (ALB)
Jezusi i tha: “Ka kaq kohë që unë jam me ju dhe ti nuk më ke njohur akoma, o Filip? Kush më ka parë mua, ka parë Atin; Si vallë po thua: "Na e trego Atin?".

Gjoni 14:10 (ALB)
A nuk beson se unë jam në Atin dhe se Ati është në mua? Fjalët që po ju them, nuk i them nga vetja. Ati që qëndron në mua, është ai që i bën veprat.

Gjoni 14:11 (ALB)
Më besoni se unë jam në Atin dhe se Ati është në mua; në mos, më besoni për shkak të vet veprave.

Gjoni 14:12 (ALB)
Në të vërtetë, në të vërtetë po ju them: kush beson në mua do të bëjë edhe ai veprat që bëj unë; madje do të bëjë edhe më të mëdha se këto, sepse unë po shkoj tek Ati.

Gjoni 14:13 (ALB)
Dhe çfarëdo të kërkoni në emrin tim, do ta bëj, që Ati të përlëvdohet në Birin.

Gjoni 14:14 (ALB)
Në qoftë se do të kërkoni diçka në emrin tim, unë do ta bëj.”

Gjoni 14:15 (ALB)
“Nëse më doni, zbatoni urdhërimet e mia.

Gjoni 14:16 (ALB)
Dhe unë do t’i lutem Atit dhe ai do t’ju japë një Ngushëllues tjetër, që do të qëndrojë përgjithmonë me ju,

Gjoni 14:17 (ALB)
Frymën e së Vërtetës, që bota nuk mund ta marrë, sepse nuk e sheh dhe nuk e njeh; por ju e njihni, sepse qëndron me ju dhe do të jetë në ju.

Gjoni 14:18 (ALB)
Nuk do t’ju lë bonjakë, do të kthehem te ju.

Gjoni 14:19 (ALB)
Edhe pak kohë dhe bota nuk do të më shohë më, por ju do të më shihni; sepse unë jetoj, edhe ju do të jetoni.

Gjoni 14:20 (ALB)
Atë ditë do të mësoni se unë jam në Atin tim, dhe se ju jeni në mua dhe unë në ju.

Gjoni 14:21 (ALB)
Kush ka urdhërimet e mia dhe i zbaton, është ai që më do; dhe kush më do mua, Ati im do ta dojë; dhe unë do ta dua dhe do t’i dëftehem atij.”

Gjoni 14:22 (ALB)
Juda, jo Iskarioti, i tha: “Zot, si vallë do të na dëftehesh neve dhe jo botës?.”

Gjoni 14:23 (ALB)
Jezusi u përgjigj dhe i tha: “Nëse ndokush më do, do ta zbatojë fjalën time; edhe Ati im do ta dojë dhe ne do të vijmë tek ai dhe do të bëjmë banesën tek ai.

Gjoni 14:24 (ALB)
Kush nuk më do, nuk i zbaton fjalët e mia; dhe fjala që po dëgjoni nuk është imja, por e Atit që më ka dërguar.

Gjoni 14:25 (ALB)
Ju kam thënë këto gjëra, ndërkaq jam me ju;

Gjoni 14:26 (ALB)
por Ngushëlluesi, Fryma e Shenjtë, që Ati do ta dërgojë në emrin tim, do t’ju mësojë çdo gjë dhe do t’ju kujtojë të gjitha këto që ju thashë.

Gjoni 14:27 (ALB)
Unë po ju lë paqen, po ju jap paqen time: unë po jua jap, po jo si e jep bota; zemra juaj mos u trondittë dhe mos u frikësoftë.

Gjoni 14:28 (ALB)
Ju keni dëgjuar që ju thashë: "Unë po shkoj dhe do të kthehem te ju". Po të më donit, do të gëzoheshit sepse unë thashë: "Po shkoj tek Ati"; sepse Ati është më i madh se unë.

Gjoni 14:29 (ALB)
Dhe jua kam thënë tani, para se të ndodhë, që, kur të ndodhë, të besoni.

Gjoni 14:30 (ALB)
Nuk do të flas më gjatë me ju, sepse po vjen princi i kësaj bote dhe ai nuk ka asgjë në mua;

Gjoni 14:31 (ALB)
por kjo ndodh që bota ta njohë se unë e dua Atin dhe se bëj ashtu siç Ati më ka urdhëruar. Çohuni, ikim prej këndej!.”

Previous Chapter
« Gjoni 13

Next Chapter
Gjoni 15 »

Gjoni (ALB) Chapter Selection

1 2 3 4 5 6 7 8 9 10 11 12 13 14 15 16 17 18 19 20 21

ALB Book Selection List

View full list of ALB Bible Books and Chapters