Gjoni 12 | ALB Bible Study

Gjoni 12:1 (ALB)
Jezusi, pra, gjashtë ditë përpara Pashkës, erdhii në Betani, ku banonte Llazari, ai që kishte vdekur dhe Jezusi e kishte ringjallur prej së vdekurish.

Gjoni 12:2 (ALB)
Dhe aty i shtruan një darkë: Marta shërbente dhe Llazari ishte një nga ata që rrinin në tryezë me të.

Gjoni 12:3 (ALB)
Atëherë Maria mori një liber vaj erëkëndshëm prej nardi të pastër shumë të kushtueshëm, vajosi me të këmbët e Jezusit dhe i fshiu këmbët e tij me flokët e saj; dhe shtëpia u mbush me erën e këtij vaji.

Gjoni 12:4 (ALB)
Atëherë një nga dishepujt e tij, Juda Iskarioti, bir i Simonit, ai që do ta tradhtonte, tha:

Gjoni 12:5 (ALB)
“Pse nuk u shit ky vaj për treqind denarë dhe t’u jepej fitimi të varfërve?.”

Gjoni 12:6 (ALB)
Por ai e tha këtë, jo se kujdesej për të varfrit, por sepse ishte vjedhës dhe, duke qenë se ai e mbante qesen, mbante ç’shtinin atje brenda.

Gjoni 12:7 (ALB)
Jezusi, pra, tha: “Lëre! Ajo e ka ruajtur për ditën e varrimit tim.

Gjoni 12:8 (ALB)
Të varfrit në fakt, i keni gjithmonë me ju, por mua nuk më keni gjithmonë.”

Gjoni 12:9 (ALB)
Ndërkaq një turmë e madhe Judenjsh mori vesh se ai ishte atje dhe erdhi jo vetëm për shkak të Jezusit, por edhe për të parë Llazarin, te cilin ai e kishte ngjallur prej së vdekurish.

Gjoni 12:10 (ALB)
Atëherë krerët e priftërinjve vendosën ta vrasin edhe Llazarin,

Gjoni 12:11 (ALB)
sepse për shkak të tij, shumë veta braktisnin Judenjtë dhe besonin në Jezusin.

Gjoni 12:12 (ALB)
Të nesërmen, një turmë e madhe që kishte ardhur në festë, kur dëgjoi se Jezusi po vinte në Jeruzalem,

Gjoni 12:13 (ALB)
mori degë palmash dhe i doli para, duke thirrur: “Hosana! Bekuar ai që vjen në emër të Zotit, mbreti i Izraelit!.”

Gjoni 12:14 (ALB)
Dhe Jezusi gjeti një kërriç dhe hipi në të, siç është shkruar:

Gjoni 12:15 (ALB)
“Mos druaj, o bijë e Sionit; ja, mbreti yt po vjen duke kalëruar mbi një kërriç gomareje!.”

Gjoni 12:16 (ALB)
Dishepujt e tij nuk i kuptuan për momentin këto gjëra, po, kur Jezusi ishte përlëvduar, atëherë u kujtuan se këto gjëra ishin shkruar për të, dhe që i kishin bërë këto gjëra për të.

Gjoni 12:17 (ALB)
Kështu turma, që ishte me të kur ai e kishte thirrur jashtë Llazarin nga varri dhe e kishte ringjallur prej së vdekuri, jepte dëshmi për të.

Gjoni 12:18 (ALB)
Prandaj turma i doli përpara, sepse kishte dëgjuar se ai kishte bërë këtë shenjë.

Gjoni 12:19 (ALB)
Atëherë farisenjtë thanë midis tyre: “A e shihni se s’po bëni asgjë; ja, bota shkon pas tij.”

Gjoni 12:20 (ALB)
Dhe midis atyre që ishin ngjitur për të adhuruar gjatë festës ishin edhe disa Grekë.

Gjoni 12:21 (ALB)
Ata, pra, iu afruan Filipit, që ishte nga Betsaida e Galilesë, dhe iu lutën duke thënë: “Zot, duam të shohim Jezusin.”

Gjoni 12:22 (ALB)
Filipi shkoi e ia tha Andreas; dhe përsëri Andrea dhe Filipi ia thanë Jezusit.

Gjoni 12:23 (ALB)
Por Jezusi u përgjigj atyre duke thënë: “Ora ka ardhur, në të cilën Biri i njeriut duhet të përlëvdohet,

Gjoni 12:24 (ALB)
Në të vërtetë, në të vërtetë po ju them: Nëse kokrra e grurit e rënë në dhe nuk vdes, ajo mbetet e vetme; por, po të vdesë, jep shumë fryt!

Gjoni 12:25 (ALB)
Kush e do jetën e vet do ta humbasë; dhe kush e urren jetën e vet në këtë botë, do ta ruajë për jetën e përjetshme.

Gjoni 12:26 (ALB)
Në qoftë se dikush më shërben, të më ndjekë; dhe ku jam unë, atje do të jetë dhe shërbëtori im; në qoftë se dikush më shërben, Ati im do ta nderojë.

Gjoni 12:27 (ALB)
Tani shpirti im është i tronditur dhe çfarë të them: O Atë, më shpëto nga kjo orë? Por për këtë unë kam ardhur në këtë orë.

Gjoni 12:28 (ALB)
O Atë, përlëvdo emrin tënd!” Atëherë një zë erdhi nga qielli: “E kam përlëvduar dhe do ta përlëvdoj akoma!.”

Gjoni 12:29 (ALB)
Turma, pra, që ishte e pranishme dhe e dëgjoi zërin, thoshte se qe një bubullimë. Të tjerë thoshnin: “Një engjëll i ka folur!.”

Gjoni 12:30 (ALB)
Dhe Jezusi u përgjigj dhe tha: “Ky zë nuk ka ardhur për mua, por për ju.

Gjoni 12:31 (ALB)
Tani është gjykimi i kësaj bote; tani do të hidhet jashtë princi i kësaj bote!

Gjoni 12:32 (ALB)
Dhe unë, kur të jem ngritur lart nga toka, do t’i tërheq të gjithë tek unë.”

Gjoni 12:33 (ALB)
Por ai i thoshte këto për të treguar nga ç’lloj vdekje duhet të vdiste.

Gjoni 12:34 (ALB)
Turma iu përgjigj: “Ne kemi dëgjuar nga ligji se Krishti mbetet përjetë; tani si mund të thuash ti se Biri i njeriut duhet të ngrihet lart? Kush është ky Bir i njeriut?.”

Gjoni 12:35 (ALB)
Atëherë Jezusi u tha atyre: “Drita është me ju edhe për pak kohë; ecni gjersa keni dritë, që të mos ju zërë errësira; kush ecën në errësirë nuk di se ku shkon.”

Gjoni 12:36 (ALB)
“Gjersa keni dritë, besoni në dritë, që të bëheni bij të dritës.” Këto gjëra tha Jezusi; pastaj u largua dhe u fsheh prej tyre.

Gjoni 12:37 (ALB)
Ndonëse kishte bërë shumë shenja para tyre, ata nuk besonin në të,

Gjoni 12:38 (ALB)
që të përmbushej fjala e profetit Isaia që tha: “Zot, kush i ka besuar predikimit tonë? Dhe kujt iu shfaq krahu i Zotit?.”

Gjoni 12:39 (ALB)
Prandaj ata nuk mund të besonin, sepse Isaia gjithashtu tha:

Gjoni 12:40 (ALB)
“Ai i ka verbuar sytë e tyre dhe i ka ngurtësuar zemrat e tyre, që të mos shohin me sy dhe të mos kuptojnë me zemër, të mos kthehen dhe unë të mos i shëroj.”

Gjoni 12:41 (ALB)
Këto gjëra tha Isaia, kur e pa lavdinë e tij dhe foli për të.

Gjoni 12:42 (ALB)
Megjithatë, edhe midis krerëve, shumë besuan në të; por, për shkak të farisenjve, nuk e rrëfenin, për të mos qenë të përjashtuar nga sinagoga,

Gjoni 12:43 (ALB)
sepse donin lavdinë e njerëzve më tepër, se lavdinë e Perëndisë.

Gjoni 12:44 (ALB)
Pastaj Jezusi thirri dhe tha: “Kush beson në mua, nuk beson në mua, por në atë që më ka dërguar.

Gjoni 12:45 (ALB)
Dhe kush më sheh mua, sheh atë që më ka dërguar.

Gjoni 12:46 (ALB)
Unë kam ardhur si drita për botën, që kushdo që beson në mua të mos mbetet në errësirë.

Gjoni 12:47 (ALB)
Dhe nëse ndokush i dëgjon fjalët e mia dhe nuk beson, unë nuk e gjykoj; sepse unë nuk kam ardhur ta gjykoj botën, por ta shpëtoj botën.

Gjoni 12:48 (ALB)
Kush më hedh poshtë dhe nuk i pranon fjalët e mia, ka kush e gjykon; fjala që kam shpallur do të jetë ajo që do ta gjykojë në ditën e fundit.

Gjoni 12:49 (ALB)
Sepse unë nuk kam folur nga vetja ime, por Ati vetë më ka dërguar dhe më ka urdhëruar ç’duhet të them e të shpall.

Gjoni 12:50 (ALB)
Dhe unë e di se urdhërimi i tij është jetë e përjetshme; gjërat, pra, që them unë, i them ashtu siç m’i ka thënë Ati.”

Gjoni 12 ALB

Gjoni (ALB) Chapter Selection

ALB Book Selection List