Luka 22 | ALB Bible Study

Luka 22:1 (ALB)
Ndërkaq po afrohej festa e të Ndormëve, që quhet Pashkë.

Luka 22:2 (ALB)
Dhe krerët e priftërinjve e skribët kërkonin mënyrën se si ta vrisnin, sepse kishin frikë nga populli.

Luka 22:3 (ALB)
Atëherë Satani hyri në Judën, i mbiquajtur Iskariot, që ishte një nga të dymbëdhjetët.

Luka 22:4 (ALB)
Kështu ai shkoi të merret vesh me krerët e priftërinjve e dhe me krerët e rojës për mënyrën se si do ta tradhtonte.

Luka 22:5 (ALB)
Ata u gëzuan dhe i premtuan t’i japin para.

Luka 22:6 (ALB)
Dhe ai pranoi dhe kërkonte rastin e volitshëm për t’ua dorëzuar pa qenë e pranishme turma.

Luka 22:7 (ALB)
Tani erdhi dita e të Ndormëve, kur duhet therur flijimi i Pashkës.

Luka 22:8 (ALB)
Dhe Jezusi dërgoi Pjetrin dhe Gjonin duke u thënë: “Shkoni e na bëni gati Pashkën, që ne ta hamë.”

Luka 22:9 (ALB)
Dhe ata e thanë: “Ku dëshiron ta përgatisim?.”

Luka 22:10 (ALB)
Atëherë ai tha atyre: “Ja, kur të hyni në qytet, do t’ju dalë përpara një njeri që mban një brokë uji; ndiqeni në shtëpinë ku ai do të hyjë.

Luka 22:11 (ALB)
I thoni të zotit të shtëpisë: "Mësuesi të çon fjalë: Ku është salla, në të cilën mund të ha Pashkën bashkë me dishepujt e mi?".

Luka 22:12 (ALB)
Atëherë ai do t’ju tregojë një sallë të madhe të shtruar; aty do të bëni përgatitjet.”

Luka 22:13 (ALB)
Ata shkuan, pra, dhe gjetën ashtu siç u tha dhe përgatitën Pashkën.

Luka 22:14 (ALB)
Dhe, kur erdhi ora, ai u ul në tryezë dhe bashkëmetë dymbëdhjetë apostujt.

Luka 22:15 (ALB)
Atëherë ai u tha atyre: “Kam pasur dëshirë të madhe ta ha këtë Pashkë bashkë me ju, para se të vuaj,

Luka 22:16 (ALB)
sepse po ju them se nuk do të ha më të tillë derisa ajo të plotësohet në mbretërinë e Perëndisë.”

Luka 22:17 (ALB)
Pastaj mori kupën, falenderoi, dhe tha: “Merrnie këtë dhe ndanie midis jush,

Luka 22:18 (ALB)
sepse unë po ju them se nuk do të pi më nga fryti i hardhisë derisa të vijë mbretëria e Perëndisë.”

Luka 22:19 (ALB)
Pastaj mori bukën, falënderoi, e theu dhe ua dha atyre duke thënë: “Ky është trupi im, që është dhënë për ju; bëni këtë në përkujtimin tim.”

Luka 22:20 (ALB)
Po kështu, pas darkës, mori kupën duke thënë: “Kjo kupë është besëlidhja e re në gjakun tim, që është derdhur për ju.

Luka 22:21 (ALB)
Por ja, dora e atij që më tradhton është me mua mbi tryezë.

Luka 22:22 (ALB)
Sigurisht Biri i njeriut shkon, siç është caktuar, por mjerë ai njeri me anë të cilit është tradhëtuar!.”

Luka 22:23 (ALB)
Atëherë ata filluan ta pyesin njëri-tjetrin se kush nga ata do ta bënte këtë gjë.

Luka 22:24 (ALB)
Dhe midis tyre lindi edhe një grindje se cili nga ata duhej të konsiderohej më i madhi.

Luka 22:25 (ALB)
Por Jezusi u tha atyre: “Mbretërit e kombeve i sundojnë ato, dhe ata që ushtrojnë pushtet mbi to quhen bamirës.

Luka 22:26 (ALB)
Por me ju mos qoftë kështu; madje më i madhi ndër ju le të jetë si më i vogli dhe ai që drejton si ai që shërben.

Luka 22:27 (ALB)
Në fakt kush është më i madh: ai që është në tryezë apo ai që shërben? Vallë, a s’është ai që rri në tryezë? E pra, unë jam midis jush porsi ai që shërben.

Luka 22:28 (ALB)
Ju jeni ata që qëndruat me mua në sprovat e mia.

Luka 22:29 (ALB)
Dhe unë ju caktoj mbretërinë ashtu si ma ka caktuar mua Ati im,

Luka 22:30 (ALB)
që ju të hani e të pini në tryezën time, në mbretërinë time, dhe të uleni mbi frone për të gjykuar të dymbëdhjetë fiset e Izraelit.

Luka 22:31 (ALB)
Edhe Zoti tha: “Simon, Simon, ja, Satani ka kërkuar t’ju shoshë ashtu siç shoshet gruri.

Luka 22:32 (ALB)
Por unë jam lutur për ty, që besimi yt të mos mpaket; dhe ti, kur të jesh kthyer, forco vëllezërit e tu.”

Luka 22:33 (ALB)
Por ai tha: “Zot, unë jam gati të shkoj bashkë me ty edhe në burg edhe në vdekje.”

Luka 22:34 (ALB)
Por Jezusi tha: “Pjetër, unë të them se sot gjeli nuk do të këndojë, para se ti të kesh mohuar tri herë se më njeh.”

Luka 22:35 (ALB)
Pastaj u tha atyre: “Kur ju dërgova pa trasta, pa thes dhe pa sandale, vallë a ju mungoi gjë?.” Dhe ata thanë: “Asgjë.”

Luka 22:36 (ALB)
U tha, pra, atyre: “Po tani, kush ka një trastë le ta marrë me vete, dhe po kështu thesin; dhe kush nuk ka shpatë, le të shesë rrobën e vet e ta blejë një.

Luka 22:37 (ALB)
Sepse unë po ju them se çfarë është shkruar duhet të plotësohet ende në mua: "Dhe ai është radhitur ndër keqbërësit". Sepse ato gjëra që janë shkruar për mua do të kenë kryerjen e tyre.”

Luka 22:38 (ALB)
Atëherë ata thanë: “Zot, ja këtu dy shpata.” Por ai u tha atyre “Mjaft!.”

Luka 22:39 (ALB)
Pastaj Jezusi doli dhe shkoi si zakonisht në malin e Ullinjve, dhe edhe dishepujt e tij e ndiqnin.

Luka 22:40 (ALB)
Kur arriti në vend, u tha atyre: “Lutuni që të mos hyni në tundim.”

Luka 22:41 (ALB)
Dhe u largua prej tyre, aq sa mund të hidhet një gur, dhe ra në gjunj dhe lutej,

Luka 22:42 (ALB)
duke thënë: “O Atë, po të duash, largoje këtë kupë nga unë! Megjithatë mos u bëftë vullneti im, por yti.”

Luka 22:43 (ALB)
Atëherë iu shfaq një engjëll nga qie-lli për t’i dhënë forcë.

Luka 22:44 (ALB)
Dhe ai, duke qenë në agoni, lutej edhe më fort; dhe djersa e tij po i bëhej si gjak i mpiksur që bie për tokë.

Luka 22:45 (ALB)
Si u çua pastaj nga lutja, erdhi te dishepujt e vet dhe i gjeti që flinin nga trishtimi,

Luka 22:46 (ALB)
dhe u tha atyre: “Pse po flini? Çohuni dhe lutuni që të mos hyni në tundim.”

Luka 22:47 (ALB)
Ndërsa ai ende po fliste, ja një turmë; dhe ai që quhej Judë, një nga të dymbëdhjetët, i printe dhe iu afrua Jezusit për ta puthur.

Luka 22:48 (ALB)
Dhe Jezusi i tha: “Judë, ti po e tradhton Birin e njeriut me një puthje?.”

Luka 22:49 (ALB)
Atëherë ata që ishin përreth tij, duke parë çfarë do të ndodhte, i thanë: “Zot, a t’u biem me shpatë?.”

Luka 22:50 (ALB)
Dhe një nga ata i ra shërbëtorit të kryepriftit dhe ia preu veshin e djathtë.

Luka 22:51 (ALB)
Por Jezusi, duke u përgjigjur, tha: “Lëreni, mjaft kështu.” Dhe si e preku veshin e atij njeriu, e shëroi.

Luka 22:52 (ALB)
Pastaj Jezusi u tha krerëve të priftërinjve, krerëve të rojeve të tempullit dhe pleqve që kishin ardhur kundër tij: “Keni dalë kundër meje me shpata dhe me shkopinj si kundër një kusari?

Luka 22:53 (ALB)
Kur unë çdo ditë isha me ju në tempull, ju nuk vutë dorë kurrë mbi mua; por kjo është ora juaj dhe pushteti i errësirës.”

Luka 22:54 (ALB)
Mbasi e kapën, e çuan dhe e shtinë në shtëpinë e kryepriftit. Dhe Pjetri e ndiqte nga larg.

Luka 22:55 (ALB)
Kur ata ndezën një zjarr në mes të oborrit dhe u ulën rreth tij, Pjetri u ul midis tyre.

Luka 22:56 (ALB)
Një shërbëtore e pa ulur pranë zjarrit, e shikoi me vëmendje dhe tha: “Edhe ky ishte me të.”

Luka 22:57 (ALB)
Por ai e mohoi duke thënë: “O grua, nuk e njoh.”

Luka 22:58 (ALB)
Pak më vonë e pa një tjetër dhe tha: “Edhe ti je nga ata.” Por Pjetri tha: “O njeri, nuk jam.”

Luka 22:59 (ALB)
Mbasi kaloi rreth një orë, një tjetër pohoi me këmbëngulje duke thënë: “Në të vërtetë edhe ky ishte bashkë me të, sepse është Galileas.”

Luka 22:60 (ALB)
Por Pjetri tha: “O njeri, s’di ç’po thua.” Dhe menjëherë, ndërsa ai ende po fliste, këndoi gjeli.

Luka 22:61 (ALB)
Dhe Zoti u kthye, dhe e shikoi Pjetrin. Dhe Pjetrit iu kujtua fjala që i kishte thënë Zoti: “Para se të këndojë gjeli, ti do të më mohosh tri herë.”

Luka 22:62 (ALB)
Atëherë Pjetri doli përjashta dhe qau me hidhërim.

Luka 22:63 (ALB)
Ndërkaq njerëzit që e mbanin Jezusin e përqeshnin dhe e rrihnin.

Luka 22:64 (ALB)
Dhe, mbasi ia mbuluan sytë, i binin në fytyrë dhe e pyetnin duke thënë: Profetizo, kush është ai që të ra??".

Luka 22:65 (ALB)
Dhe duke blasfemuar thoshin shumë gjëra të tjera kundër tij.

Luka 22:66 (ALB)
Dhe, kur u bë ditë, u mblodhën pleqtë e popullit, kreret e prifterinjve dhe skribët dhe e çuan në sinedrin e tyre, duke thënë:

Luka 22:67 (ALB)
“Në se ti je Krishti, na e thuaj.” Por ai u tha atyre: “Edhe sikur t’jua thoja, nuk do ta besonit.

Luka 22:68 (ALB)
Edhe sikur t’ju pyesja, ju nuk do të më përgjigjeshit dhe as nuk do të më linit të shkoja.

Luka 22:69 (ALB)
Por tash e tutje Biri i njeriut do të ulet në të djathtën e fuqisë së Perëndisë.”

Luka 22:70 (ALB)
Atëherë të gjithë thanë: “Je ti, pra, Biri i Perëndisë?.” Dhe ai u tha atyre: “Ju thoni se unë jam.”

Luka 22:71 (ALB)
Atëherë ata thanë: “Ç’nevojë kemi akome për dëshmi? Ne vetë e dëgjuam nga goja e tij.”

Luka 22 ALB

Luka (ALB) Chapter Selection

ALB Book Selection List